Skilaboð til fjármálaráðherra Hildur Sólveig Ragnarsdóttir skrifar 9. maí 2018 13:09 Mig langar að beina orðum mínum til fjármálaráðherra. Ég varð svo vonsvikin eftir síðasta fund samninganefndar ríkisins og ljósmæðra. Í einfeldni minni hélt ég að í kjölfar umræðna á alþingi um mál ljósmæðra fyrir helgi, þar sem mikill einhugur ríkti um að leysa þessi mál, að nú væri lausn í sjómáli. Einnig ríkti töluverð bjartsýni meðal ljósmæðra á alþjóðadegi ljósmæðra síðastliðna helgi þar sem stór hluti ljósmæðra var samankomin að halda upp á daginn. En nei, í staðinn fáum við skilaboð frá fjármálaráðherra um það að kröfur ljósmæðra séu allt of háar. Hann talar um að horfa verði á heildarmyndina og að forðast höfrungahlaup. En ég skil þetta ekki alveg. Kjararáð hefur hækkað laun þingmanna um tugi prósenta á síðustu árum. Hefur það komið af stað höfrungalaupi? Það er augljóst að það er ekki sama um hvern ræðir í þessu samhengi. Ljósmæður eru ekki stór stétt, um 280 ljósmæður eru starfandi. Ég held að við þurfum ekki að hafa áhyggjur af því að sanngjarn samningur við ljósmæður muni setja allt á annan endann. Það virðist vera mikill skilningur í samfélaginu og einnig frá mörgum ráðamönnum að það sé komin tími til að leiðrétta kjör ljósmæðra, leiðrétta það misrétti sem við höfum búið við allt of lengi. Ég verð að segja að ég hef miklar áhyggjur af því ástandi sem mun skapast ef ekki tekst að semja fljótlega. Þann 1. júlí munu stór hópur reynslumikilla ljósmæðra ganga út af Landspítalanum og fleiri munu hverfa frá störfum síðar í sumar. Það er hugsanlegt að einhver hluti þessarra ljósmæðra snúi ekki aftur á Landspítalann og aukast líkurnar á því ef það dregst á langinn að semja. Það má benda á það að það er mikið tap fyrir ríkið að missa þessar ljósmæður. Ríkið hefur komið að menntun og þjálfun þeirra og það er erfitt að meta það tap í peningum. Ég er ein af þeim ljósmæðrum sem hefur ekki sagt upp starfi mínu. Ég mun því standa vaktina í sumar. Ég hef miklar áhyggjur af því. Ég hef áhyggjur vegna þess að starf mitt er mjög ábyrgðamikið. Það verður án efa mikið og aukið álag í sumar, takist ekki að semja. Reynslumiklar ljósmæður hverfa frá störfum, reynslumiklar ljósmæður fara í sumarfrí og nýútskrifaðar ljósmæður í sumarfafleysingum feta sín fyrstu skref sem ljósmæður. Hver á að bera ábyrgð á því ástandi sem mun skapast? Ég geri ráð fyrir að fjármálaráðherra hafi einhvern tímann á lífsleiðinni notið þjónustu ljósmæðra. Ég geri ráð fyrir að hann hafi verið ánægður með þá þjónustu sem hann fékk. Við vitum að þjónusta í barneignaferlinu á Íslandi er á heimsmælikvarða og ungbarna- og mæðradauði er með því lægsta sem gerist í heiminum. Viljum við ekki hafa það þannig áfram? Ef svarið er já, þá þarf að leysa þessa deilu sem fyrst svo ekki hljótist skaði af. Metum störf ljósmæðra að verðleikum eftir menntun og ábyrgð í starfi.Höfundur er ljósmóðir. Viltu birta grein á Vísi? Sendu okkur póst. Senda grein Mest lesið Enga saltdreifara á Bessastaði takk Skírnir Garðarsson Skoðun Spurðu fólkið Halla Tómasdóttir Skoðun Góð manneskja í djobbið Halldór Guðmundsson Skoðun Óbærileg léttúð VG Jakob Frímann Magnússon Skoðun Þessu skal troðið ofan í kokið á okkur sama hvað Guðrún Sigurjónsdóttir Skoðun Hvað er ofurhagnaður? Gústaf Steingrímsson Skoðun Aumingja Evrópa: Líkleg átakasvæði að Úkraínustríðinu loknu? Hilmar Þór Hilmarsson Skoðun Afmennska að bjarga ekki dýrum í neyð! Anna Berg Samúelsdóttir Skoðun Bakslag í streymi Silja Snædal Drífudóttir Skoðun Afkomuviðvörun Jón Ingi Hákonarson Skoðun Skoðun Skoðun Enn og aftur sumarlokun hjá SÁÁ Sigmar Guðmundsson skrifar Skoðun Fjárveitingar til vegamála standast engan samanburð Björn Bjarki Þorsteinsson skrifar Skoðun Aumingja Evrópa: Líkleg átakasvæði að Úkraínustríðinu loknu? Hilmar Þór Hilmarsson skrifar Skoðun Biskupsval Sigfinnur Þorleifsson,Vigfús Bjarni Albertsson skrifar Skoðun Afmennska að bjarga ekki dýrum í neyð! Anna Berg Samúelsdóttir skrifar Skoðun Þessu skal troðið ofan í kokið á okkur sama hvað Guðrún Sigurjónsdóttir skrifar Skoðun Hvað er ofurhagnaður? Gústaf Steingrímsson skrifar Skoðun Góð manneskja í djobbið Halldór Guðmundsson skrifar Skoðun Afkomuviðvörun Jón Ingi Hákonarson skrifar Skoðun Hver er þinn innri áttaviti? Signý Gyða Pétursdóttir skrifar Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Sjá meira
Mig langar að beina orðum mínum til fjármálaráðherra. Ég varð svo vonsvikin eftir síðasta fund samninganefndar ríkisins og ljósmæðra. Í einfeldni minni hélt ég að í kjölfar umræðna á alþingi um mál ljósmæðra fyrir helgi, þar sem mikill einhugur ríkti um að leysa þessi mál, að nú væri lausn í sjómáli. Einnig ríkti töluverð bjartsýni meðal ljósmæðra á alþjóðadegi ljósmæðra síðastliðna helgi þar sem stór hluti ljósmæðra var samankomin að halda upp á daginn. En nei, í staðinn fáum við skilaboð frá fjármálaráðherra um það að kröfur ljósmæðra séu allt of háar. Hann talar um að horfa verði á heildarmyndina og að forðast höfrungahlaup. En ég skil þetta ekki alveg. Kjararáð hefur hækkað laun þingmanna um tugi prósenta á síðustu árum. Hefur það komið af stað höfrungalaupi? Það er augljóst að það er ekki sama um hvern ræðir í þessu samhengi. Ljósmæður eru ekki stór stétt, um 280 ljósmæður eru starfandi. Ég held að við þurfum ekki að hafa áhyggjur af því að sanngjarn samningur við ljósmæður muni setja allt á annan endann. Það virðist vera mikill skilningur í samfélaginu og einnig frá mörgum ráðamönnum að það sé komin tími til að leiðrétta kjör ljósmæðra, leiðrétta það misrétti sem við höfum búið við allt of lengi. Ég verð að segja að ég hef miklar áhyggjur af því ástandi sem mun skapast ef ekki tekst að semja fljótlega. Þann 1. júlí munu stór hópur reynslumikilla ljósmæðra ganga út af Landspítalanum og fleiri munu hverfa frá störfum síðar í sumar. Það er hugsanlegt að einhver hluti þessarra ljósmæðra snúi ekki aftur á Landspítalann og aukast líkurnar á því ef það dregst á langinn að semja. Það má benda á það að það er mikið tap fyrir ríkið að missa þessar ljósmæður. Ríkið hefur komið að menntun og þjálfun þeirra og það er erfitt að meta það tap í peningum. Ég er ein af þeim ljósmæðrum sem hefur ekki sagt upp starfi mínu. Ég mun því standa vaktina í sumar. Ég hef miklar áhyggjur af því. Ég hef áhyggjur vegna þess að starf mitt er mjög ábyrgðamikið. Það verður án efa mikið og aukið álag í sumar, takist ekki að semja. Reynslumiklar ljósmæður hverfa frá störfum, reynslumiklar ljósmæður fara í sumarfrí og nýútskrifaðar ljósmæður í sumarfafleysingum feta sín fyrstu skref sem ljósmæður. Hver á að bera ábyrgð á því ástandi sem mun skapast? Ég geri ráð fyrir að fjármálaráðherra hafi einhvern tímann á lífsleiðinni notið þjónustu ljósmæðra. Ég geri ráð fyrir að hann hafi verið ánægður með þá þjónustu sem hann fékk. Við vitum að þjónusta í barneignaferlinu á Íslandi er á heimsmælikvarða og ungbarna- og mæðradauði er með því lægsta sem gerist í heiminum. Viljum við ekki hafa það þannig áfram? Ef svarið er já, þá þarf að leysa þessa deilu sem fyrst svo ekki hljótist skaði af. Metum störf ljósmæðra að verðleikum eftir menntun og ábyrgð í starfi.Höfundur er ljósmóðir.