Innlent

Svalt veður miðað við árstíma

Sunna Kristín Hilmarsdóttir skrifar
Þær eru ekki háar hitatölurnar sem spáð er fyrir hádegið í dag.
Þær eru ekki háar hitatölurnar sem spáð er fyrir hádegið í dag. veðurstofa íslands

Það er svalt veður í kortunum miðað við árstíma að því er fram kemur í hugleiðingum veðurfræðings á vef Veðurstofu Íslands þar sem norðlægar áttir verða ríkjandi fram að helgi með dálítilli úrkomu í flestum landshlutum.

Í dag er spáð norðaustlægri átt með strekkingi norðvestan til en annars hægari vindi. Þá verður dálítil úrkoma um allt land, rigning með köflum sunnanlands en stöku él norðan til. Á morgun má síðan búast við dálítilli snjókomu nyrst á morgun en stöku skúrum syðra.

Veðurhorfur á landinu í dag og næstu daga:
Norðaustan eða breytileg átt, 5-13 m/s, hvassast norðvestan til. Rigning með köflum um sunnanvert landið en stöku él fyrir norðan, einkum inn til landsins.

Dálítl snjókoma norðanlands á morgun, einkum við sjóinn, en stöku skúr syðra. Hiti 0 til 8 stig að deginum, hlýast sunnanlands en næturfrost í innsveitum norðan til.

Á miðvikudag:
Norðaustan 5-13 m/s, skýjað og lítilsháttar snjókoma en austlægari og skúrir með suður ströndinni. Hiti 0 til 8 stig, hlýjast syðst.

Á fimmtudag og föstudag:
Norðlæg eða breytileg átt 5-13 m/s. Dálítil rigning á láglendi, þó síðst norðaustantil. Hiti 0 til 6 stig að deginum.

Á laugardag:
Hæg breytileg átt. Skýjað með köflum og stöku skúrir eða él, einkum sunnanlands. Hiti 0 til 7 stig að deginum, hlýjast syðst.

Á sunnudag:
Ákveðin sunnanátt og rigning, en þurrt á Norður- og Austurlandi. Hiti 3 til 8 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.