Bílar

Minnsti sendibíllinn er Ford Fiesta

Finnur Thorlacius skrifar
Ford Fiesta í sendibílsformi.
Ford Fiesta í sendibílsformi.

Sendibílar eru yfirleitt fremur stórir bílar og í Bandaríkjunum gerast þeir vart minni en Ford Transit eða Nissan NV200. Í Evrópu er málum öðruvísi farið og finna má marga fremur smáa sendibíla eins og Renault Kangoo og Volkswagen Caddy. Líklega er þó sá allra minnsti í formi Ford Fiesta Van, en hann er bara venjulegur Ford Fiesta smábíll með enga aftari hliðarrúðu.

Eðlilega er ekki mikið flutningsrými í þessum bíl, en þar sem hann er ekki með aftursæti þá ber hann samt hálft tonn af vörum og það dugar mörgum.

Í boði í hartnær áratug

Kaupendur þessa litla sendibíls geta valið um fjóra vélarkosti, tvær dísilvélar og tvær bensínvélar. Auk þess er bíllinn ferlega vel búinn tæknilega og hægt að fá í hann allt sem býðst í venjulegum Fiesta-fólksbíl. Það er einn af kostum þess að bjóða sendibíl sem í grunninn er bara venjulegur fólksbíll og það af bílgerð sem selst í ógnarmagni um allan heim og er því til í fjöldamörgum útfærslum.

Þetta er önnur kynslóð Ford Fiesta sem býðst sem sendibíll, en fá mátti einnig síðustu kynsóð bílsins sem sendibíl. Svo vel tókst til við að selja hann að Ford ákvað að bjóða þessa síðustu kynslóð einnig í þessu formi. Því hefur Fiesta nú verið í boði sem sendibíll í næstum heilan áratug.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.