Tónlist

Ódýrustu miðarnir á 19 þúsund og þeir dýrustu á 50 þúsund

Stefán Árni Pálsson skrifar
Gítargoðsögnin Slash og leðurbarkinn Axl Rose á tónleikum í Madison Square Garden í fyrra. Þeir byrjuðu að túra árið 2016 og hefur túrinn þegar rakað inn um 475 milljónum dollara.
Gítargoðsögnin Slash og leðurbarkinn Axl Rose á tónleikum í Madison Square Garden í fyrra. Þeir byrjuðu að túra árið 2016 og hefur túrinn þegar rakað inn um 475 milljónum dollara. Vísir/getty

Miðasala á Guns N’ Roses  hefst þann 1. maí 2018 klukkan tíu fyrir hádegi en þetta kemur fram í tilkynningu frá forsvarsmönnun tónleikanna.

Áskrifendur að póstlista Solstice Production fá hins vegar forskot á sæluna, fyrir þá opnar miðasala laugardaginn 28. april kl. 14. Miðar verða seldir á vefsíðunni show.is. Þar er einnig hægt að skrá sig á áskrifendalista Solstice.

Laugardalsvelli verður hólfaskipt, ekki ólíkt því sem knattspyrnuáhorfendur þekkja frá landsleikjum. Vellinum sjálfum verður skipt í tvö hólf. Sérstakt gólf verður lagt á sem verndar grasið.

Hliðin á völlinn verða opnuð kl. 17 á tónleikadaginn, þann 24. júlí, og þeir sem mæta fyrst komast nær sviðinu ef um er ræða miða í stæði.

Hægt verður að kaupa allt að 10 miða í einu. Upphitunarhljómsveitin Tyler Bryant & The Shakedown fylgir Guns N’ Roses á tónleikaferð sinni um Evrópu í sumar og spilar sveitin  einnig á Laugardalsvelli. Skipuleggjendur tónleikanna vinna einnig að því að staðfesta íslenska hljómsveit sem kemur til með að hita upp.

Miðaverð verða sem hér segir:
Stæði (á vellinum sjálfum): 18.900 krónur
Stúka í hólfum D, C, B, A, R, S, T: 29.900 krónur
Stúka í hólfum G, F, E, N, O, P: 39.900 krónur
Stúka í hólfum H, L, M: 49.900 krónur



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira