Handbolti

Elliði og Halldór dæmdir í bann

Ástrós Ýr Eggertsdóttir skrifar

Elliði Snær Viðarsson verður ekki með ÍBV í fyrsta leik undanúrslitanna í Olís deild karla. Hann var í dag úrskurðaður í eins leiks bann.

Aganefnd HSÍ kom saman í dag og tók fyrir fjögur atvik úr leik ÍR og ÍBV í gær. Elliði Snær var dæmdur í eins leiks bann vegna „grófs brots“ líkt og Halldór Logi Árnason leikmaður ÍR. ÍR er þó komið í sumarfrí og því mun Halldór Logi ekki taka út sitt bann fyrr en á næsta tímabili.

Elliði braut á Elíasi Bóassyni snemma í seinni hálfleik og þurfti að bera Elías af velli á börum. Halldór fékk rauða spjaldið fyrir brot á Róberti Aron Hostert.


Þá voru tekin fyrir mál Sturla Ásgeirssonar og Þránds Gíslasonar Roth, leikmanna ÍR, en aganefnd ákvað að aðhafast ekki frekar. Sturla hlaut útilokun með skýrslu fyrir að skjóta í höfuð markvarðar í vítakasti og Þrándur vegna „grófs leikbrots.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira