Birkir skoraði í Íslendingaslag │ Fréttamaður Sky missti sig

Íslenski landsliðsmaðurinn Birkir Bjarnason var á skotskónum þegar lið hans Aston Villa sigraði Reading 3-0 í slag Íslendingaliða í ensku 1. deildinni í fótbolta.

Birkir skoraði fyrsta mark leiksins strax á fyrstu mínútu seinni hálfleik með laglegu skoti fyrir utan markteiginn eftir undirbúning Robert Snodgrass.

Conor Hourihane og Scott Hogan bættu við sitt hvoru markinu fyrir Villa sem sigraði örugglega.

Jón Daði Böðvarsson var ekki í leikmannahóp Reading en hann hefur verið að glíma við meiðsli og spilaði ekkert með íslenska landsliðinu í æfingaferð í Bandaríkjunum á dögunum.

Markið hjá Birki var í glæsilegri kantinum og var fréttamaður Sky Sports á Villa Park heldur betur hrifinn af tilburðum Íslendingsins eins og sjá má á þessu tísti.

What a hit from @AVFCOfficial's Birkir Bjarnason. #AVFCpic.twitter.com/lx12RMqG6E

— Sky Bet (@SkyBet) April 3, 2018

Kári Árnason skoraði fyrsta mark Aberdeen sem sigraði Motherwell á útivelli í skosku úrvalsdeildinni.

Markið var nokkuð gegn gangi leiksins, en heimamenn í Motherwell höfðu verið með yfirhöndina í upphafi seinni hálfleiks eftir sterkan fyrri hálfleik gestanna. Kári skoraði með skalla eftir fyrirgjöf Kenny McLean. McLean var svo sjálfur á ferðinni aðeins þremur mínútum seinna.

Lokatölur urðu 2-0 og er Aberdeen níu stigum á eftir Celtic á toppi deildarinnar.

Óheppni hjá @Cristiano ađ markiđ hans fellur í skugga marka @BirkirBjarnason fyrir @AVFCOfficial og @karibestmeister fyrir @AberdeenFC í kvöld. #fotboltinet#húh

— Hrafnkell Helgason (@HHelgason7) April 3, 2018