Handbolti

Ragnheiður langmarkahæst í Olís deildinni

Óskar Ófeigur Jónsson skrifar
Ragnheiður Júlíusdóttir fagnar marki.
Ragnheiður Júlíusdóttir fagnar marki. Vísir/valgarður

Framarinn Ragnheiður Júlíusdóttir er markadrottning Olís deildar kvenna í handbolta en lokaumferðin fór fram um helgina.

Ragnheiður skoraði 147 mörk í 21 leik í deildarkeppninni eða sjö mörk að meðaltali í leik.

Ragnheiður skoraði tíu mörkum meira á þessu tímabili en í fyrra þegar hún varð í fjórða sæti á markalistanum.

Ragnheiður skoraði 24 mörkum fleira en sú næsta á listanum sem er Eyjakonan Ester Óskarsdóttir (123 mörk).

Ester skoraði einu marki meira en liðsfélagi sinn Sandra Erlingsdóttir (122 mörk).
Sandra skoraði ellefu mörk í lokaumferðinni, níu fleiri en Ester, og var næstum því búin að ná henni.

Eyjakonur eru áberandi meðal markahæsti leikmanna deildarinnar því Karólína Bæhrenz Lárudóttir er í fimmta sætið með 106 mörk. Á undan henni er Stjörnukonan Ramune Pekarskyte.

Markahæstar í Olís deild kvenna:
1. Ragnheiður Júlíusdóttir, Fram    147
2. Ester Óskarsdóttir, ÍBV    123
3. Sandra Erlingsdóttir, ÍBV    122
4. Ramune Pekarskyte, Stjarnan    109
5. Karólína Bæhrenz Lárudóttir, ÍBV    106
5. Andrea Jacobsen, Fjölnir    106
7. Maria Ines Da Silva Pereira, Haukar    101
8. Perla Ruth Albertsdóttir, Selfoss    100
8. Lovísa Thompson, Grótta    100
10. Þórey Rósa Stefánsdóttir, Fram    98
11. Sigurbjörg Jóhannsdóttir, Fram    94
12. Greta Kavaliuskaite, ÍBV    92
13. Diana Satkauskaite, Valur    91
14. Berta Rut Harðardóttir, Haukar    87
15. Elísabet Gunnarsdóttir, Fram    83
16. Slavica Mrkikj, Grótta    82
16. Berglind Benediktsdóttir, Fjölnir    82
18. Þórey Anna Ásgeirsdóttir, Stjarnan    81
19. Kristín Arndís Ólafsdóttir, Valur    77
19. Solveig Lára Kjærnested, Stjarnan    77



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.