Tilnefning Íslands til Barnaréttarnefndar Sameinuðu þjóðanna Ómar H Kristmundsson skrifar 1. mars 2018 11:15 Það eru sannarlega ánægjuleg tíðindi að íslensk stjórnvöld muni tilnefna forstjóra Barnaverndarstofu, Braga Guðbrandsson, sem framboðsefni Íslands til Barnaréttarnefndar Sameinuðu þjóðanna. Ísland hefur ekki áður átt fulltrúa í þessari mikilvægu sérfræðinefnd mér vitandi. Það er ekki síður fagnaðarefni að Bragi Guðbrandsson skuli tilnefndur. Mér er til efs að annar Íslendingur sé hæfari til þessa starfs. Frumkvöðull á sviði barnaverndarstarfs. Sem forstöðumaður Barnaverndarstofu hefur Bragi stýrt þróun málaflokksins allt frá stofnun hennar 1995. Í því starfi hefur hann átt frumkvæði að nýjum meðferðarúrræðum. Hér má t.d. nefna innleiðingu fjölkerfameðferðarinnar MST. Umfangsmesta frumkvöðlaverkefni Braga á sviði barnaverndar er tvímælalaust Barnahús en Ísland var fyrsta landið í Evrópu til setja á laggirnar úrræði af þessu tagi fyrir börn sem grunur leikur á að hafi sætt kynferðislegu ofbeldi. Að íslenskri fyrirmynd hafa verið stofnuð barnahús í yfir 50 borgum í ýmsum löndum Evrópu. Undirritaður þekkir ekki dæmi um að önnur íslensk úrræði á sviði velferðarþjónustu hafi orðið alþjóðleg fyrirmynd. Þátttaka í stefnumörkun stjórnvalda. Fyrir utan starf sitt sem forstjóri Barnaverndarstofu hefur Bragi tekið þátt í endurskoðun barnaverndarlaga. Áður hafði hann unnið að gerð fyrstu laga um félagsþjónustu sveitarfélaga og laga um málefni fatlaðs fólks frá 1992. Hann vann einnig drög að þingsályktun um opinbera fjölskyldustefnu sem samþykkt var 1997 sem og aðgerðaráætlun til að styrkja stöðu barna og ungmenna sem samþykkt var á Alþingi 2007. Þátttaka í alþjóðastarfi. Bragi hefur verið forseti hinnar svokölluðu Lanzarote nefndar Evrópuráðsins en hlutverk nefndarinnar er m.a. að hafa eftirlit með framkvæmd samnings aðildarríkja um vernd barna gegn kynferðislegu ofbeldi. Hann hefur komið að samningu samþykkta Evrópuráðsins um réttindi barna. Hann hefur einnig sinnt ráðgjafarstörfum fyrir hönd Evrópuráðsins víða í Evrópu. Bragi var fyrsti formaður sérfræðinefndar sem stýrði samstarfi aðildarríkja Eystrasaltsráðsins um vernd barna á stofnunum og vernd barna gegn mansali. Bragi er eftirsóttur fyrirlesari víða um heim. Hann hefur flutt erindi á vettvangi alþjóðastofnana og alþjóðasamtaka, m.a. WHO, Samvinnu og öryggismálastofnunar Evrópu, Europol, World Childhood Foundation, Save the Children og UNICEF. Það er ánægjuefni að Íslendingar geti boðið fram einstakling með jafn viðamikla reynslu og þekkingu af alþjóðastarfi á sviði barnaverndar.Höfundur er prófessor og fyrrverandi samstarfsmaður Braga Guðbrandssonar. Viltu birta grein á Vísi? Sendu okkur póst. Senda grein Mest lesið Halldór 01.06.2024 Halldór Hvort vilt þú Höllu Tómasdóttur eða Katrínu? Björn Björnsson Skoðun Hatur og fyrirlitning Einar Scheving Skoðun Land míns föður, land minnar móður, landið mitt Jón Gnarr Skoðun Svona velur þú þér forseta í dag Kolbeinn Karl Kristinsson Skoðun Gerum það! Stefán Hilmarsson Skoðun Viddi, Bósi Ljósár og Baldur Þórhalls Heimir Hannesson Skoðun Yfirtaka orðræðunnar (e. hijacking) Sóley Tómasdóttir Skoðun Má Katrín Jakobsdóttir bjóða sig fram? Jón Ólafsson Skoðun Gleðilegan kosningadag kæru landsmenn Snorri Ásmundsson Skoðun Skoðun Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Sjá meira
Það eru sannarlega ánægjuleg tíðindi að íslensk stjórnvöld muni tilnefna forstjóra Barnaverndarstofu, Braga Guðbrandsson, sem framboðsefni Íslands til Barnaréttarnefndar Sameinuðu þjóðanna. Ísland hefur ekki áður átt fulltrúa í þessari mikilvægu sérfræðinefnd mér vitandi. Það er ekki síður fagnaðarefni að Bragi Guðbrandsson skuli tilnefndur. Mér er til efs að annar Íslendingur sé hæfari til þessa starfs. Frumkvöðull á sviði barnaverndarstarfs. Sem forstöðumaður Barnaverndarstofu hefur Bragi stýrt þróun málaflokksins allt frá stofnun hennar 1995. Í því starfi hefur hann átt frumkvæði að nýjum meðferðarúrræðum. Hér má t.d. nefna innleiðingu fjölkerfameðferðarinnar MST. Umfangsmesta frumkvöðlaverkefni Braga á sviði barnaverndar er tvímælalaust Barnahús en Ísland var fyrsta landið í Evrópu til setja á laggirnar úrræði af þessu tagi fyrir börn sem grunur leikur á að hafi sætt kynferðislegu ofbeldi. Að íslenskri fyrirmynd hafa verið stofnuð barnahús í yfir 50 borgum í ýmsum löndum Evrópu. Undirritaður þekkir ekki dæmi um að önnur íslensk úrræði á sviði velferðarþjónustu hafi orðið alþjóðleg fyrirmynd. Þátttaka í stefnumörkun stjórnvalda. Fyrir utan starf sitt sem forstjóri Barnaverndarstofu hefur Bragi tekið þátt í endurskoðun barnaverndarlaga. Áður hafði hann unnið að gerð fyrstu laga um félagsþjónustu sveitarfélaga og laga um málefni fatlaðs fólks frá 1992. Hann vann einnig drög að þingsályktun um opinbera fjölskyldustefnu sem samþykkt var 1997 sem og aðgerðaráætlun til að styrkja stöðu barna og ungmenna sem samþykkt var á Alþingi 2007. Þátttaka í alþjóðastarfi. Bragi hefur verið forseti hinnar svokölluðu Lanzarote nefndar Evrópuráðsins en hlutverk nefndarinnar er m.a. að hafa eftirlit með framkvæmd samnings aðildarríkja um vernd barna gegn kynferðislegu ofbeldi. Hann hefur komið að samningu samþykkta Evrópuráðsins um réttindi barna. Hann hefur einnig sinnt ráðgjafarstörfum fyrir hönd Evrópuráðsins víða í Evrópu. Bragi var fyrsti formaður sérfræðinefndar sem stýrði samstarfi aðildarríkja Eystrasaltsráðsins um vernd barna á stofnunum og vernd barna gegn mansali. Bragi er eftirsóttur fyrirlesari víða um heim. Hann hefur flutt erindi á vettvangi alþjóðastofnana og alþjóðasamtaka, m.a. WHO, Samvinnu og öryggismálastofnunar Evrópu, Europol, World Childhood Foundation, Save the Children og UNICEF. Það er ánægjuefni að Íslendingar geti boðið fram einstakling með jafn viðamikla reynslu og þekkingu af alþjóðastarfi á sviði barnaverndar.Höfundur er prófessor og fyrrverandi samstarfsmaður Braga Guðbrandssonar.