Lífið

Kate Hudson þráir að komast aftur til Íslands

Stefán Árni Pálsson skrifar
Kate Hudson fyrr á þessu ári.
Kate Hudson fyrr á þessu ári. vísir/getty

Bandaríska leikkonan Kate Hudson var mjög ánægð með heimsókn sína til Íslands í lok síðasta árs. Hudson var hér á landi til að taka upp auglýsingar fyrir snyrtivörufyrirtækið La mer.

Á meðan dvöl hennar stóð talaði hún fallega um landið og náttúruna en svo virðist sem þessi heimsfræga leikkona sakni Íslands, ef marka má nýjustu færslu hennar á Instagram.

Þar segir hún einfaldlega: „Farið með mig aftur til Íslands,“ og birtir í leiðinni myndband úr auglýsingunni.

Kate Hudson skaust fyrst upp á stjörnuhimininn með hlutverki sínu í kvikmyndinni Almoust Famous en hún var tilnefnd til Óskarsverðlauna sem besta leikkona í aukahlutverki fyrir leik sinn í myndinni. Þá hefur hún farið með hlutverk í töluverðum fjölda gamanmynda með rómantísku ívafi en þar ber helst að nefna How to Lose a Guy in 10 Days, You, Me and Dupree og Fool‘s Gold.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.