Tónlist, tækni og hönnun rennur saman í eitt Stefán Þór Hjartarson skrifar 27. febrúar 2018 08:00 Eftir þriggja ára vinnu fer fyrsta vara Genki Instruments að detta á markað á næstu vikum. VÍSIR/ERNIR Genki Instruments er tónlistartæknifyrirtæki þar sem verkfræði, hönnun og tónlist renna saman í eitt. Fyrirtækið fæddist, eins og margir sprotar, þegar stofnendurnir Ólafur Bjarki Bogason og Daníel Grétarsson voru í námi. Þeir voru að leita sér að lokaverkefni í rafmagnsverkfræði og fóru þá, verandi miklir tónlistaraðdáendur, að leita að vandamálum á skilum tækni og tónlistar. Þeir sækja um með þessar hugmyndir í Startup Reykjavík sumarið 2015 og það ýtir þeim beina leið út í alvöruna. Þeir fara að tala við tónlistarfólk til að reyna að finna eitthvað vandamál og það kemur fljótlega í ljós að það er fartölvan sem flestir vilja losna við úr sinni uppstillingu. „Markmið okkar í fyrirtækinu hefur verið að gera tækni aðgengilegri og náttúrulegri. Tækni í tónlist veitir fólki ótrúlegt afl og sköpunarkraft. Það er hægt að búa til hljóðheima, lög og útsetningar einn heima í tölvunni sem hefði ekki verið mögulegt fyrir hundrað manns fyrir nokkrum áratugum – en á sama tíma er öll tæknin: tölvurnar og takkaborðin og allt það sem gerir fólki þetta kleift, að binda þig svolítið niður – það er ekkert rosalega kreatívt að hreyfa mús á skjá miðað við það að spila á hljóðfæri og það er svolítið útgangspunkturinn á bakvið þessa fyrstu vöru okkar,“ segir Haraldur. Inn í fyrirtækið kom Jón Helgi Hólmgeirsson, vöruhönnuður og tónlistarmaður, sem hafði nýlokið mastersnámi í samspilshönnun. Hann hafði sjálfur verið að glíma við sama vandamál í lokaverkefninu sínu; verið að leita að lausn á því hversu ónáttúrulegt það væri fyrir tónlistarmann að vinna með tölvu á sviði. Þarna rann hönnunin inn í samspilið og úr varð Wave, fyrsta vara Genki Instruments sem hefur verið í þróun undanfarin þrjú ár. Um er að ræða hring sem tónlistarmaðurinn ber á vísifingri og hægt er að nota til að stjórna hljóði með hreyfingum, slætti handar og með því að ýta á hnappa á hringnum með þumalfingri. Wave tengist með Bluetooth og auðvelt er að stilla hann til að stjórna hverju sem er.Hópfjármögnun í mars „Við vorum að leita að því hvernig væri að hægt að beisla þennan kraft og þessa möguleika sem tæknin gefur tónlistarfólki en á sama tíma að leyfa því að tjá sig á náttúrulegri og eðlilegri hátt. Undanfarin þrjú ár hafa einkennst af því að þróa tiltölulega hratt einhverja vöru og koma henni í hendurnar á fólki til að prófa. Fyrsta útgáfa var tilbúin í ágúst 2015, þá var fólk að hreyfa stór box aftan á höndunum á sér – sem þeim fannst bara gaman, en það var ekkert til að nota á sviði. Þá hófst leitin að því hvernig væri hægt að gera þetta betra, hvernig væri hægt að veita fólki meiri stjórn og hvernig getur þetta orðið eitthvað sem fólk virkilega vill nota og getur bætt einhverju við flutninginn eða í sköpuninni.“ Sumarið 2017 var komin frumgerð af Wave og á síðasta Iceland Airwaves kom ákveðin prófraun þegar Wave var notað á tónleikum hljómsveitarinnar aYia á Iceland Airwaves hátíðinni. Það heppnaðist vel og Wave fer í hópfjármögnun í mars. „Það sem gerir okkur kleift að vera þrjú ár í þróun, og að í rauninni það að allt hugvit og þekking sem hefur skapast er íslenskt, er að við fengum styrk frá Tækniþróunarsjóði Rannís og Hönnunarsjóði. Við værum ekki hérna nema fyrir þessa sjóði. Við höfum séð um alla grunnþróunina hérna heima, sem er bara mjög verðmætt fyrir íslenskt atvinnulíf,“ segir Haraldur og bendir á að ef einhverjir vilja prófa eða kaupa hringinn þá er það bara að hafa samband. Genki Instruments bjóða öllum að fagna því að Wave sé að koma á markað en því verður fagnað á skemmtistaðnum Húrra á þriðjudagskvöldið 6. mars klukkan 20. Þar verður hægt að prófa Wave, fá nánari upplýsingar og panta Wave á besta mögulega verði. Startup Reykjavík viðskiptahraðallinn hefst þann 11. júní en opnað hefur verið fyrir umsóknir. Birtist í Fréttablaðinu Tónlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Erna Ómars er borgarlistamaður Reykjavíkur Menning „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira
Genki Instruments er tónlistartæknifyrirtæki þar sem verkfræði, hönnun og tónlist renna saman í eitt. Fyrirtækið fæddist, eins og margir sprotar, þegar stofnendurnir Ólafur Bjarki Bogason og Daníel Grétarsson voru í námi. Þeir voru að leita sér að lokaverkefni í rafmagnsverkfræði og fóru þá, verandi miklir tónlistaraðdáendur, að leita að vandamálum á skilum tækni og tónlistar. Þeir sækja um með þessar hugmyndir í Startup Reykjavík sumarið 2015 og það ýtir þeim beina leið út í alvöruna. Þeir fara að tala við tónlistarfólk til að reyna að finna eitthvað vandamál og það kemur fljótlega í ljós að það er fartölvan sem flestir vilja losna við úr sinni uppstillingu. „Markmið okkar í fyrirtækinu hefur verið að gera tækni aðgengilegri og náttúrulegri. Tækni í tónlist veitir fólki ótrúlegt afl og sköpunarkraft. Það er hægt að búa til hljóðheima, lög og útsetningar einn heima í tölvunni sem hefði ekki verið mögulegt fyrir hundrað manns fyrir nokkrum áratugum – en á sama tíma er öll tæknin: tölvurnar og takkaborðin og allt það sem gerir fólki þetta kleift, að binda þig svolítið niður – það er ekkert rosalega kreatívt að hreyfa mús á skjá miðað við það að spila á hljóðfæri og það er svolítið útgangspunkturinn á bakvið þessa fyrstu vöru okkar,“ segir Haraldur. Inn í fyrirtækið kom Jón Helgi Hólmgeirsson, vöruhönnuður og tónlistarmaður, sem hafði nýlokið mastersnámi í samspilshönnun. Hann hafði sjálfur verið að glíma við sama vandamál í lokaverkefninu sínu; verið að leita að lausn á því hversu ónáttúrulegt það væri fyrir tónlistarmann að vinna með tölvu á sviði. Þarna rann hönnunin inn í samspilið og úr varð Wave, fyrsta vara Genki Instruments sem hefur verið í þróun undanfarin þrjú ár. Um er að ræða hring sem tónlistarmaðurinn ber á vísifingri og hægt er að nota til að stjórna hljóði með hreyfingum, slætti handar og með því að ýta á hnappa á hringnum með þumalfingri. Wave tengist með Bluetooth og auðvelt er að stilla hann til að stjórna hverju sem er.Hópfjármögnun í mars „Við vorum að leita að því hvernig væri að hægt að beisla þennan kraft og þessa möguleika sem tæknin gefur tónlistarfólki en á sama tíma að leyfa því að tjá sig á náttúrulegri og eðlilegri hátt. Undanfarin þrjú ár hafa einkennst af því að þróa tiltölulega hratt einhverja vöru og koma henni í hendurnar á fólki til að prófa. Fyrsta útgáfa var tilbúin í ágúst 2015, þá var fólk að hreyfa stór box aftan á höndunum á sér – sem þeim fannst bara gaman, en það var ekkert til að nota á sviði. Þá hófst leitin að því hvernig væri hægt að gera þetta betra, hvernig væri hægt að veita fólki meiri stjórn og hvernig getur þetta orðið eitthvað sem fólk virkilega vill nota og getur bætt einhverju við flutninginn eða í sköpuninni.“ Sumarið 2017 var komin frumgerð af Wave og á síðasta Iceland Airwaves kom ákveðin prófraun þegar Wave var notað á tónleikum hljómsveitarinnar aYia á Iceland Airwaves hátíðinni. Það heppnaðist vel og Wave fer í hópfjármögnun í mars. „Það sem gerir okkur kleift að vera þrjú ár í þróun, og að í rauninni það að allt hugvit og þekking sem hefur skapast er íslenskt, er að við fengum styrk frá Tækniþróunarsjóði Rannís og Hönnunarsjóði. Við værum ekki hérna nema fyrir þessa sjóði. Við höfum séð um alla grunnþróunina hérna heima, sem er bara mjög verðmætt fyrir íslenskt atvinnulíf,“ segir Haraldur og bendir á að ef einhverjir vilja prófa eða kaupa hringinn þá er það bara að hafa samband. Genki Instruments bjóða öllum að fagna því að Wave sé að koma á markað en því verður fagnað á skemmtistaðnum Húrra á þriðjudagskvöldið 6. mars klukkan 20. Þar verður hægt að prófa Wave, fá nánari upplýsingar og panta Wave á besta mögulega verði. Startup Reykjavík viðskiptahraðallinn hefst þann 11. júní en opnað hefur verið fyrir umsóknir.
Birtist í Fréttablaðinu Tónlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Erna Ómars er borgarlistamaður Reykjavíkur Menning „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Fréttatía vikunnar: Kosningar, eldgos og meistarar Fékk að heyra að konur ættu ekki heima á sjó Segir brjóst myndast við mikla bjórdrykkju Frambjóðendum gekk misvel í hraðaspurningum Kjúklinganaggar hollu stjúpunnar Innipúkinn farinn að taka á sig mynd Sigga á Grund er fyrsti heiðursborgari Flóahrepps Af vængjum fram: Grínaðist alltaf með að láta húðflúra einstefnuskilti á rassgatið Þetta höfðu netverjar að segja um kappræðurnar Ellefu eftirtektarverð eldhús Forsetaáskorunin: Grefur upp gamlar gersemar úti um allan heim. Herra Hnetusmjör og Sara selja íbúðina Skrifuðu bók um Sólrúnu Öldu og brunann í Mávahlíð Nafn konunnar flúrað á það allra heilagasta Annar bakaradrengur í ofninum Sjáðu svartþrestina yfirgefa hreiðrið Af vængjum fram: Eins og í bíómynd þegar þau byrjuðu loksins saman Forsetaáskorunin: Áhugatöframaður og hefur safnað skeljum og eldspýtustokkum Kosningavökumolar Höllu og Bjössa Millie Bobby og Bon Jovi yngri í hnapphelduna Einstök hæð í retró stíl við Laufásveg Margar konur sem leita á fæðingarheimilin sjálfar á barnsaldri Vandaði Eurovision ekki kveðjurnar á tónleikum Alfreð og Fríða orðin þriggja barna foreldrar „Margir héldu að ég væri endanlega búinn að missa það“ „Það er ástæðan fyrir því að ég sagði ekki já á stundinni“ Hvaða frambjóðandi er bestur í að flaka fisk? „Ómenntaður kúka kennslu sóði!“ Forsetaáskorunin: „Held að geimverur séu á meðal vor“ Myndaveisla: Skálað fyrir skemmtilegustu tónleikum síðari ára Sjá meira