Lífið

Febrúarspá Siggu Kling - Nautið: Gefðu þeim sem þú elskar meiri tíma af lífi þínu

Elsku Nautið mitt þú ert að fara inn á svo margslungið tímabil sem hefur liti regnbogans og þú átt eftir að nota þessa miklu t með þetta allt saman vegna þess að þú hefur heiðarleikann og gerir allt svo rétt. Ekki bæla niður þessa miklu ástríðu sem þú hefur, heldur leyfðu þessum ástríðufullu tilfinningum bara að flæða út um allt og brjótast fram eins og Gullfoss.

Ef þú skoðar Gullfoss er hann aldrei eins, og þannig tímabil ertu að fara inn í: fjölbreytt og ný sýn á lífið birtist þér og þú finnur fyrir þessu mikla flæði sem streymir í gegnum þig og hendir allri leti í burtu – eins og þú dettir alveg ósjálfrátt inn í þennan straum.

Gefðu þeim sem þú elskar meiri tíma af lífi þínu og sérstaklega þeim sem tengdust þér í æsku því þetta mun hjálpa þér að sjá lífið með öðrum augum og þér mun finnast eins og þú sért statt í fallegri jólamynd þar sem endirinn er alltaf góður.

Ef þú ert á lausu og finnst ástin alltaf vera að koma og fara en vilt gefa henni einn séns í viðbót, þá mundu að einn séns í viðbót mun aldrei virka því það er þá ekki rétta ástin. Það heillast allir af þínum ótakmarkaða „sex-appeal“ sem felst alls ekki í því hvernig þú ert vaxinn, heldur meira í óútskýranlegu aðdráttarafli þínu svo láttu þann bara njóta þess sem á það skilið að vera í þessu dásamlega umhverfi sem þú býrð til.

Júpíter sem er pláneta mikillar velgengni er að koma inn í farveg þinn og mörg lítil kraftaverk verða á vegi þínum næstu mánuði, taktu eftir þeim og þakkaðu fyrir þau elsku hamingjusama þú. – Oh happy day (Sister Act Oh Happy Day)

Kossar og knús – þín Sigga Kling

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur, Davíð Rúnar Bjarnason, boxari.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.