Swansea skoraði átta gegn Notts County

Swansea rústaði Notts County í enska bikarnum í kvöld og úrvalsdeildarlið Huddersfield lenti í kröppum dansi gegn Birmingham á útivelli. Þetta voru endurteknir leikir úr fjórðu umferðinni.

Það var mikið fjör hjá Swansea á Liberty leikvanginum, en Svanirnir léku við hvurn sinn fingur. Tammy Abraham kom Swansea yfir á 18. mínútu og tveimur mínútum síðar tvöfaldaði Nathan Dyer forystuna.

Dyer var aftur á ferðinni á 30. mínútu og í uppbótartíma fyrri hálfleiks kom Tabby Swansea í 4-1, en Noor Husin hafði minnkað muninn fyrir County í 3-1.

Í síðari hálfleik bættu Svanirnir við fjórum mörkum. Kyle Naughton, Wayne Routledge, Thomas Carroll og Daniel James skoruðu sitthvort markið, en James var að spila sinn fyrsta leik. Lokatölur 8-1.

Huddersfield lenti í kröppum dansi gegn Birmingham á nútivelli. Markalaust var í hálfleik, en Che Adams kom Birmingham yfir á 52. mínútu. Marc Roberts varð fyrir því óláni að skora sjálfsmark og allt jafnt að venjulegum leiktíma loknum.

Í framlengingunin var úrvalsdeildarliðið sterkara og þeir Steve Mounie, Rajiv van La Parra og Tom Ince gerðu út um leikinn fyrir Huddersfield sem tryggði sér sæti í næstu umferð.

Rochdale vann svo að lokum 1-0 sigur á Millwall, en Millwall er deild ofar en Rochdale.

Swansea mætir Sheffield Wednesday á útivelli, Huddersfield fær Man. Utd í heimsókn og Rochdale spilar gegn Newport eða Tottenham sem mætast á Wembley annað kvvöld.