Dragtir og litrík jakkaföt áberandi á rauða dreglinum

29. janúar 2018
skrifar

Þó að síðkjólar og svört jakkaföt séu oft fyrsta val margra á rauða dreglinum þá voru nokkrar skemmtilegar undantekningar á Grammy verðlaununum í gærkvöldi. Skrautlegar dragtir og jakkaföt í skærum litum voru mjög áberandi og virtust margir stíga út fyrir þægindarammann. 

Dj Khaled og sonur hans Assad voru í rauðum flauelsjakkafötum og alveg í stíl, á meðan Sam Smith valdi græna litinn. Cyndi Lauper vakti mikla athygli í skrautlegri dragt frá Moschino og með hárlit í stíl. Alessia Cara sýnir það að svört dragt, stuttermabolur og Converse-skór virkar líka alveg á rauða dreglinum. 

Dragtin er greinilega alls ekki að detta út og verður mjög sterk í vor, í öllum litum. Fleiri myndir fylgja hér neðar í fréttinni.



Cyndi Lauper í Moschino


Zayn Malik í Richard James


Alessia Cara


Anna Kendrick í Balmain


Sam Smith


Kesha í Nudie's Rodeo Tailor


Ava Max


Janelle Monae í Dolce & Gabbana