Lífið

Hjálmar aldrei verið þyngri og á leiðinni í átak: „Dýrasti kúrinn var barnamatskúrinn“

Stefán Árni Pálsson skrifar
Hjálmar hefur verið að glíma við aukakílóinn.
Hjálmar hefur verið að glíma við aukakílóinn.
Snapchat-stjarnan Hjálmar Örn Jóhannsson (hjalmarorn110) er 112 kíló og er á leiðinni í átak. Hann mætti í útvarpsþáttinn Brennslan á FM957 í morgun og ræddi um líkamlegt atgervi sitt.

„Þetta er það þyngsta sem ég hef nokkur tímann verið,“ segir Hjálmar.

„Ég var alltaf 108 kíló og mér fannst það agalegt. Ég er fjórum kílóum yfir það og setti bara stopp á mig í gær.“

Hjörvar Hafliðason spurði Hjálmar einfaldlega: „Hvernig varðst þú svona feitur?“

„Fyrir mér er bara alltaf laugardagskvöld. Ég er alltaf borðandi það sem mig langar í. Ég er mikill Red Bull og Snickers maður og fær mér síðan snakk á milli.“

Hjálmar segist borða mörgum sinnum á dag. Hann er oft mjög skrautlegur á Snapchat og fer oft í allskonar karaktera.

„Ég gríp oft í þessa karaktera ef mig langar að borða eitthvað óhollt,“ segir Hjálmar sem ætlar sér að lifa á boost-drykkjum næstu fimm dagana.

Hjálmar segist vera mikill kúramaður.

„Ég fór til að mynda einu sinni á barnamatskúrinn og borðaði bara barnamat. Þetta var árið 2005 og þetta var dýrasti kúr sem ég hef farið á. Barnamatur er ógeðslega dýr.“

Hann hefur nú sett sér markmið að verða 99 kíló fyrir páska en hlusta má á viðtalið hér að neðan.






Fleiri fréttir

Sjá meira


×