Fótbolti

Álftanes og Vængir Júpíters Íslandsmeistarar Futsal

Vængir Júpíters með sigurverðlaunin í dag.
Vængir Júpíters með sigurverðlaunin í dag. Mynd/Twitter-síða Vængja Júpiters
Álftanes vann 7-0 sigur á Breiðablik/Augnablik í úrslitaleik Íslandsmótsins í Futsal í kvennaflokki sem fór fram í dag en á sama tíma vann Vængir Júpíters 6-3 sigur á Augnablik í karlaflokki.

Leikið var í Laugardalshöll en Augnablik tók því silfur í bæði karla- og kvennaflokki.

Í karlaflokki var spennan heldur meiri, Augnablik komst yfir snemma leiks og jafnaði metin í 3-3 um tíma en Vængir Júpiters skoruðu seinustu þrjú mörk leiksins og tryggðu sér um leið sigurinn.

Í kvennaflokki var spennan lítil, Álftanes sem komst með naumindum í úrslitaleikinn eftir 5-4 sigur gegn Sindra mætti Breiðablik/Augnablik sem vann í gær 14-0 sigur gegn Sindra.

Það var hinsvegar engin spenna í úrslitaleiknum og náði Álftanes snemma 4-0 forskoti sem endaði með 7-0 sigri.

Íslenski boltinn

Mest lesið


Fleiri fréttir

Sjá meira


×

Mest lesið