Brottrekstrarhrina í ensku úrvalsdeildinni Ingvi Þór Sæmundsson skrifar 8. janúar 2018 06:30 Mark Hughes missti starfið sitt hjá Stoke eftir tap fyrir Coventry sem er þremur deildum neðar. vísir/getty Mark Hughes var rekinn sem knattspyrnustjóri Stoke City á laugardagskvöldið. Kornið sem fyllti mælinn hjá annars þolinmóðum stjórnarmönnum Stoke var neyðarlegt 2-1 tap fyrir D-deildarliði Coventry City í 3. umferð ensku bikarkeppninnar. Það var 200. og síðasti leikur Hughes við stjórnvölinn hjá Stoke. Hann er sjöundi stjórinn í ensku úrvalsdeildinni sem missir starfið sitt í vetur. Þeir ágætu menn sem starfa þar búa ekki við mikið starfsöryggi. Eftir að hafa stýrt Stoke til 9. sætis ensku úrvalsdeildarinnar á fyrstu þremur tímabilum sínum við stjórnvölinn hjá liðinu féll það niður í 13. sæti í fyrra. Í vetur hefur svo sigið enn frekar á ógæfuhliðina. Stoke skorar lítið og ekkert lið í ensku úrvalsdeildinni hefur fengið á sig fleiri mörk, eða 47 talsins. Hughes var gagnrýndur fyrir að tefla fram veiku liði í 5-0 tapi fyrir Englandsmeisturum Chelsea 30. desember. Walesverjinn réttlætti þá ákvörðun með því að Stoke ætlaði að einbeita sér að leiknum gegn Newcastle United á nýársdag. En hann tapaðist og það þrengdi enn frekar að Hughes sem skilur við Stoke í 18. sæti ensku úrvalsdeildarinnar. Martin O’Neill, landsliðsþjálfari Írlands, er efstur á lista veðbanka yfir líklegustu eftirmenn Hughes hjá Stoke. Eins og áður sagði hafa hæstráðendur liðanna í ensku úrvalsdeildinni ekki sýnt neina miskunn þegar kemur að því að skipta um stjóra í vetur. Sjö stjórar hafa fengið að taka pokann sinn þegar tímabilið er rétt rúmlega hálfnað. Það voru bara fjórar umferðir búnar þegar Steve Parish, stjórnarformaður Crystal Palace, gafst upp á Hollendingnum Frank de Boer. Palace tapaði öllum fjórum deildarleikjunum undir hans stjórn og skoraði ekki mark. De Boer var aðeins 77 daga við stjórnvölinn hjá Palace. Við starfi De Boers tók Roy Hodgson og sá gamli hefur heldur betur gert góða hluti hjá uppeldisfélaginu. Palace hefur safnað 22 stigum síðan Hodgson tók við og er komið upp í 14. sæti deildarinnar. Þann 17. október var punkturinn settur aftan við veru Craigs Shakespeare hjá Leicester City. Maðurinn með skáldlega nafnið tók við Refunum af Claudio Ranieri í febrúar 2017 og þeir byrjuðu frábærlega undir hans stjórn. Leicester fékk hins vegar afar erfiða leiki í byrjun þessa tímabils og fá stig komu í hús. Shakespeare var því rekinn og Frakkinn Claude Puel tók við. Leicester hefur klifið töfluna undir hans stjórn og er búið að koma sér þægilega fyrir í 8. sætinu. Aðeins sex dögum eftir að Shakespeare var rekinn fór Ronald Koeman sömu leið. Hollendingurinn stýrði Everton í síðasta sinn í 2-5 tapi fyrir Arsenal. Koeman keypti leikmenn fyrir rúmar 150 milljónir punda í sumar en mistókst að fylla skarðið sem Romelu Lukaku skildi eftir sig. Eftir mikla rekistefnu var Sam Allardyce ráðinn til Everton, rúmum mánuði eftir að Koeman var rekinn. Stóri Sam hefur stoppað í götin í varnarleik Everton sem er komið upp í 9. sæti deildarinnar. Slaven Bilic var rekinn frá West Ham 6. nóvember og daginn eftir var David Moyes ráðinn í hans stað. Bilic gerði fína hluti á sínu fyrsta tímabili hjá West Ham en var sennilega heppinn að fá að halda starfinu jafn lengi og raun bar vitni eftir slakt gengi í fyrra. Moyes hefur rétt West Ham-skútuna af þótt sigrarnir séu aðeins þrír í 12 leikjum undir hans stjórn. Hamrarnir eru þó komnir upp úr fallsæti. Tony Pulis fékk sparkið hjá West Brom 20. nóvember eftir 10 leiki í röð án sigurs. Alan Pardew tók við starfi Pulis. West Brom bíður enn eftir fyrsta deildarsigrinum undir hans stjórn. Þrátt fyrir að West Brom hafi ekki unnið leik síðan 19. ágúst, í 2. umferð, er liðið bara fjórum stigum frá öruggu sæti í ensku úrvalsdeildinni. Fjórum dögum fyrir jól var Paul Clement látinn fara frá Swansea City, eftir innan við ár í starfi. Undir stjórn Clements björguðu Svanirnir sér frá falli á síðasta tímabili. Í sumar leituðu Gylfi Þór Sigurðsson og Fernando Llorente á önnur mið og þar fór sóknarleikur Swansea á einu bretti. Liðið hefur aðeins skorað 13 mörk í 22 deildarleikjum í vetur. Portúgalinn Carlos Carvalhal var rekinn frá B-deildarliði Sheffield Wednesday á aðfangadag en fjórum dögum seinna var hann ráðinn stjóri Swansea. Carvalhal er fjórði stjóri Swansea á síðustu tveimur árum. Ekki er loku fyrir það skotið að áttundi stjórinn verði látinn taka pokann á næstunni. Mauricio Pellegrino, stjóri Southampton, situr í heitu sæti. Lítil ánægja er með störf hans en stuðningsmenn Southampton bauluðu á liðið í 0-1 sigri á Fulham á laugardaginn. Dýrlingarnir eru í 17. sæti ensku úrvalsdeildarinnar og í fallbaráttu eins og staðan er núna. Enski boltinn Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn „Förum ekki að vorkenna okkur“ Íslenski boltinn Mjög ósáttur við rasisma meðal þýsku þjóðarinnar Fótbolti Dagskráin í dag: Kópavogsslagur í Bestu deildinni Sport „Það bara fauk út í veður og vind í þessu roki“ Íslenski boltinn Fleiri fréttir Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Sjá meira
Mark Hughes var rekinn sem knattspyrnustjóri Stoke City á laugardagskvöldið. Kornið sem fyllti mælinn hjá annars þolinmóðum stjórnarmönnum Stoke var neyðarlegt 2-1 tap fyrir D-deildarliði Coventry City í 3. umferð ensku bikarkeppninnar. Það var 200. og síðasti leikur Hughes við stjórnvölinn hjá Stoke. Hann er sjöundi stjórinn í ensku úrvalsdeildinni sem missir starfið sitt í vetur. Þeir ágætu menn sem starfa þar búa ekki við mikið starfsöryggi. Eftir að hafa stýrt Stoke til 9. sætis ensku úrvalsdeildarinnar á fyrstu þremur tímabilum sínum við stjórnvölinn hjá liðinu féll það niður í 13. sæti í fyrra. Í vetur hefur svo sigið enn frekar á ógæfuhliðina. Stoke skorar lítið og ekkert lið í ensku úrvalsdeildinni hefur fengið á sig fleiri mörk, eða 47 talsins. Hughes var gagnrýndur fyrir að tefla fram veiku liði í 5-0 tapi fyrir Englandsmeisturum Chelsea 30. desember. Walesverjinn réttlætti þá ákvörðun með því að Stoke ætlaði að einbeita sér að leiknum gegn Newcastle United á nýársdag. En hann tapaðist og það þrengdi enn frekar að Hughes sem skilur við Stoke í 18. sæti ensku úrvalsdeildarinnar. Martin O’Neill, landsliðsþjálfari Írlands, er efstur á lista veðbanka yfir líklegustu eftirmenn Hughes hjá Stoke. Eins og áður sagði hafa hæstráðendur liðanna í ensku úrvalsdeildinni ekki sýnt neina miskunn þegar kemur að því að skipta um stjóra í vetur. Sjö stjórar hafa fengið að taka pokann sinn þegar tímabilið er rétt rúmlega hálfnað. Það voru bara fjórar umferðir búnar þegar Steve Parish, stjórnarformaður Crystal Palace, gafst upp á Hollendingnum Frank de Boer. Palace tapaði öllum fjórum deildarleikjunum undir hans stjórn og skoraði ekki mark. De Boer var aðeins 77 daga við stjórnvölinn hjá Palace. Við starfi De Boers tók Roy Hodgson og sá gamli hefur heldur betur gert góða hluti hjá uppeldisfélaginu. Palace hefur safnað 22 stigum síðan Hodgson tók við og er komið upp í 14. sæti deildarinnar. Þann 17. október var punkturinn settur aftan við veru Craigs Shakespeare hjá Leicester City. Maðurinn með skáldlega nafnið tók við Refunum af Claudio Ranieri í febrúar 2017 og þeir byrjuðu frábærlega undir hans stjórn. Leicester fékk hins vegar afar erfiða leiki í byrjun þessa tímabils og fá stig komu í hús. Shakespeare var því rekinn og Frakkinn Claude Puel tók við. Leicester hefur klifið töfluna undir hans stjórn og er búið að koma sér þægilega fyrir í 8. sætinu. Aðeins sex dögum eftir að Shakespeare var rekinn fór Ronald Koeman sömu leið. Hollendingurinn stýrði Everton í síðasta sinn í 2-5 tapi fyrir Arsenal. Koeman keypti leikmenn fyrir rúmar 150 milljónir punda í sumar en mistókst að fylla skarðið sem Romelu Lukaku skildi eftir sig. Eftir mikla rekistefnu var Sam Allardyce ráðinn til Everton, rúmum mánuði eftir að Koeman var rekinn. Stóri Sam hefur stoppað í götin í varnarleik Everton sem er komið upp í 9. sæti deildarinnar. Slaven Bilic var rekinn frá West Ham 6. nóvember og daginn eftir var David Moyes ráðinn í hans stað. Bilic gerði fína hluti á sínu fyrsta tímabili hjá West Ham en var sennilega heppinn að fá að halda starfinu jafn lengi og raun bar vitni eftir slakt gengi í fyrra. Moyes hefur rétt West Ham-skútuna af þótt sigrarnir séu aðeins þrír í 12 leikjum undir hans stjórn. Hamrarnir eru þó komnir upp úr fallsæti. Tony Pulis fékk sparkið hjá West Brom 20. nóvember eftir 10 leiki í röð án sigurs. Alan Pardew tók við starfi Pulis. West Brom bíður enn eftir fyrsta deildarsigrinum undir hans stjórn. Þrátt fyrir að West Brom hafi ekki unnið leik síðan 19. ágúst, í 2. umferð, er liðið bara fjórum stigum frá öruggu sæti í ensku úrvalsdeildinni. Fjórum dögum fyrir jól var Paul Clement látinn fara frá Swansea City, eftir innan við ár í starfi. Undir stjórn Clements björguðu Svanirnir sér frá falli á síðasta tímabili. Í sumar leituðu Gylfi Þór Sigurðsson og Fernando Llorente á önnur mið og þar fór sóknarleikur Swansea á einu bretti. Liðið hefur aðeins skorað 13 mörk í 22 deildarleikjum í vetur. Portúgalinn Carlos Carvalhal var rekinn frá B-deildarliði Sheffield Wednesday á aðfangadag en fjórum dögum seinna var hann ráðinn stjóri Swansea. Carvalhal er fjórði stjóri Swansea á síðustu tveimur árum. Ekki er loku fyrir það skotið að áttundi stjórinn verði látinn taka pokann á næstunni. Mauricio Pellegrino, stjóri Southampton, situr í heitu sæti. Lítil ánægja er með störf hans en stuðningsmenn Southampton bauluðu á liðið í 0-1 sigri á Fulham á laugardaginn. Dýrlingarnir eru í 17. sæti ensku úrvalsdeildarinnar og í fallbaráttu eins og staðan er núna.
Enski boltinn Mest lesið „Mér var sagt að drulla mér í burtu og grjóthalda kjafti“ Fótbolti „Skiptir ekki máli hvort ég sé þungur eða léttur, ég skora alltaf“ Fótbolti Bayern vill kaupa leikmann af ósigruðu meisturunum Fótbolti Fúlar stjörnur sem þurfa að spila fram á nótt í París Sport Orri og félagar þrefaldir meistarar í Portúgal Handbolti „Við vorum mjög öflugir í 70 mínútur“ Íslenski boltinn „Förum ekki að vorkenna okkur“ Íslenski boltinn Mjög ósáttur við rasisma meðal þýsku þjóðarinnar Fótbolti Dagskráin í dag: Kópavogsslagur í Bestu deildinni Sport „Það bara fauk út í veður og vind í þessu roki“ Íslenski boltinn Fleiri fréttir Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Sjá meira