Lygilegt myndband sýnir hnúfubak bjarga kafara frá hákarli

Líffræðingurinn Nan Hauser lenti í heldur óvanalegu atviki á dögunum þegar hún kafaði í kringum  hnúfubak við eyjuna Rarotonga.

Hauser er sérfræðingur þegar kemur að dýralífinu í sjónum og rannsakar hún gjarnan dýraríkið neðansjávar.

Í mögnuðu myndbandi sem er að finna á YouTube má sjá þegar hnúfubakur ýtir Hauser í burtu frá hákarli sem var á sveimi í kringum hana.

Hnúfubakurinn nær á einum tímapunkti að ýta konunni upp úr sjónum og virðist hann einfaldlega vera að vernda kafarann.