Wilshere: Ég vil vera áfram

Jack Wilshere, leikmaður Arsenal, segist vilja vera áfram hjá félaginu en hann hefur mikið verið orðaður við för.

Wilshere er uppalinn hjá Arsenal en hann var á láni hjá Bournemouth á síðasta tímabili og hefur hann m.a. verið orðaður við endurkomu þangað.

„Ég vil klárlega vera hér áfram,“ sagði Wilshere.

„Ég er að njóta fótboltans núna og ég elska að spila í þessari deild og ég vil hjálpa Arsenal að komast aftur á þann stað sem það á að vera.“

„Við verðum bara að leysa úr ákveðnum hlutum og ég er viss um að við munum leysa úr þeim hlutum á næstu vikum.“

Wilshere hefur verið mjög óheppinn með meiðsli í gegnum tíðina en hann var í fyrsta sinn í byrjunarliði Arsenal í langan tíma þegar liði spilaði við West Ham á dögunum.

Arsenal tekur á móti Liverpool í ensku úrvalsdeildinni á morgun en bæði lið eru í baráttunni um meistaradeildarsæti.