Körfubolti

Hörður Axel á leiðinni heim

Ástrós Ýr Eggertsdóttir skrifar
Hörður Axel Vilhjálmsson.
Hörður Axel Vilhjálmsson. Vísir/Anton

Hörður Axel Vilhjálmsson er á heimleið, en hann hefur fengið lausan samning sinn við kasaska félagið BC Astana.

Vísir greindi frá því fyrr í vikunni að Hörður vildi losna frá félaginu, og í dag staðfesti landsliðsmaðurinn heimkomu sína við karfan.is.

Hörður sagði að eftir þrjá slæma leiki hafi stjórn félagsins farið á bakvið þjálfarann, sem vildi halda Keflvíkingnum, og ráðið inn annan leikstjórnanda.

Hörður mun hefja samningaviðræður við Keflavík um leið og hann kemur heim, en að eigin sögn „þyrfti mikið að gerast til að ég endi ekki í Keflavík.“

Keflavík er í sjötta sæti Domino's deildar karla þegar tímabilið er hálfnað, fjórum stigum á eftir toppliðunum fjórum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira