Bílar

Volt hættir 2022

Finnur Thorlacius skrifar
Chevrolet Volt.
Chevrolet Volt.

Chevrolet mun að öllum líkindum hætta smíði Volt bílsins árið 2022 ef marka má síðustu fréttir frá herbúðum Chevrolet. Í staðinn hyggst Chevrolet einbeita sér að smíði hreinræktaðra rafmagnsbíla og tengiltvinnbíla og þá helst í formi jepplinga og fjölnotabíla.

Heyrst hefur að General Motors, móðurfyrirtæki Chevrolet áformi að hætta smíði einna 6 bílgerða við enda þessa áratugar en í staðinn kynna 20 nýja gerðir bíla knúna áfram að rafmagni að fullu leiti eða að hluta fram til ársins 2023. Ekki er hægt að segja að sala Chevrolet Volt sé afleit en hann seldist í 25.000 eintökum í fyrra og hefur selst í meira en 18.000 eintökum á fyrstu 11 mánuðum ársins í ár.

Á næstu 12 til 18 mánuðum ætlar General Motors að kynna tvo nýja rafmagnsbíla í viðbót við hinn nýlega rafmagnsbíl Chevrolet Bolt og verður smíði þeirra byggð á góðri reynslu Bolt bílsins. Þó svo rafmagnsbílar seljist hlutfallslega í miklu minna mæli í Bandaríkjunum en í Evrópu, Japan og Kína virðast bandarískir bílaframleiðendur ekki ætla að missa alveg af lestinni við að tryggja framboð þeirra vestanhafs. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.