Helmingi ódýrara að bóka sjálfur ferð á HM Baldur Guðmundsson skrifar 5. desember 2017 08:00 Fjölmargir íslenskir stuðningsmenn fylgdu liði sínu til Frakklands. Ekki er víst að jafna margir fái miða á leikina í Rússlandi. vísir/vilhelm Par getur sparað sér meira en 200 þúsund krónur ef það velur að ferðast sjálft til Moskvu á leik Íslands og Argentínu á HM í knattspyrnu næsta sumar, frekar en að kaupa pakkaferð með íslenskri fararstjórn. Þetta leiðir athugun Fréttablaðsins í ljós. Framkvæmdastjóri KSÍ segir að svo gæti farið að aðeins um 3.200 miðar verði eyrnamerktir íslenskum stuðningsmönnum á leiki Íslands. Ekki sé víst að allir fái miða. Það kann því að vera óvarlegt að bóka ferð án þess að hafa tryggt sér miða áður. Ísland mætir Argentínu í fyrsta leik á HM í Rússlandi næsta sumar. Leikurinn fer fram laugardaginn 16. júní. Flug til og frá Moskvu með einu stoppi og gisting í tvær nætur á fjögurra stjörnu hóteli kostar tvo einstaklinga um 170 þúsund krónur, samkvæmt athugun Fréttablaðsins. Í þessu felst að ferðalangarnir gista saman í herbergi og hafa heimild til að taka með sér eina stóra tösku í flugið, auk handfarangurs.Leikvangurinn í Moskvu þar sem Íslendingar mæta Messi og félögum á HM 16. júní á næsta ári.Nordicphotos/AFPFlug frá Keflavík til Moskvu í Rússlandi og til baka, með einni millilendingu, kostar 61.978 krónur, þegar þetta er skrifað, eða um 120 þúsund fyrir tvo. Flogið út að morgni föstudags og heim að morgni sunnudags. Taska kostar 8.433 krónur og gerum við í þessu dæmi ráð fyrir að par deili einni stórri tösku. Fjögurra stjörnu hótel í Moskvu eru mörg uppseld helgina sem leikur Íslands og Argentínu fer fram. Mikið framboð er af þriggja stjörnu hótelum sem mörg fá ágætis einkunn notenda á bókunarvefjum. Blaðamaður gat, að morgni mánudags, bókað herbergi á fjögurra stjörnu hóteli, SunFlower Park, fyrir tvo aðfaranætur laugardagsins 16. júní og sunnudagsins 17. júní fyrir samtals 347 dollara. Það gerði hann á bókunarsíðunni hotels.com. Upphæðin samsvarar 35.800 krónum. Samanlagt kostar flug og hótel fyrir tvo því 168 þúsund krónur. Þær ferðir sem Icelandair hefur selt, þar sem gist er jafn margar nætur, kosta 195 þúsund krónur á mann, ef gist er í tvíbýli, eða 390 þúsund krónur fyrir tvo. Innifalið í slíkri ferð eru þó að auki ferðir til og frá flugvelli í Moskvu og íslensk fararstjórn.Klara Bjartmarz, framkvæmdastjóri KSÍ.vísir/ernirKlara Bjartmarz, framkvæmdastjóri KSÍ, segir að íslenskir stuðningsmenn fái 8% miða sem fara í almenna sölu. Völlurinn í Moskvu rúmar 45.360 áhorfendur. Klara segir að ef 40 þúsund miðar fari í almenna sölu fái íslenskir stuðningsmenn aðeins 3.200 miða. Það er innan við þriðjungur af áhorfendafjölda á Laugardalsvelli. Hún bendir þó á að einhverjir Íslendingar gætu þegar hafa keypt miða í almennri sölu á vef FIFA, þar sem miðasalan fer eingöngu fram. Þá gætu einhverjir fengið miða á síðari stigum miðasölunnar. „Við erum sammála um að þetta eru fáir miðar,“ segir Klara við Fréttablaðið. „En ég ætla að vera bjartsýn á að langflestir sem fari út finni miða á einn eða annan hátt.“ Í þessu samhengi má benda á að KSÍ er á meðal nokkurra knattspyrnusambanda sem þrýst hafa á FIFA um að fá fleiri miða fyrir sína stuðningsmenn. Hún bendir á að UEFA hafi orðið við slíkri beiðni frá KSÍ og fleirum þegar Evrópumótið fór fram fram í Frakklandi. Klara hefur ferðast nokkrum sinnum á vegum sambandsins til Rússlands. Hún segist hafa verið í „vernduðu umhverfi“ í þeim heimsóknum en að hún hafi ekkert séð sem gefi fólki ástæðu til að vera hræddari til við að ferðast til Rússlands en annarra Evrópulanda. Rússum sé auk þess mikið í mun að sýna sínar bestu hliðar á meðan á mótinu stendur. Klara segir borgina hreinni en Reykjavík en að sagan drjúpi af hverju strái. „Ég myndi senda fjölskylduna mína í skipulagða pakkaferð en þeir sem eru vanir að ferðast ættu ekki að lenda í neinum vandræðum.“ Uppfært klukkan 10:40 Í fyrri útgáfu fréttarinnar var rætt um beint flug með WOW til Moskvu, en hið rétta er að verðið miðast við flug með einu stoppi. WOW hefur ekki hafið sölu á beinum flugum. Birtist í Fréttablaðinu HM 2018 í Rússlandi Mest lesið Sjö fluttir með þyrlu eftir rútuslys á Suðurlandi Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Allir um borð í rútunni Íslendingar Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Par getur sparað sér meira en 200 þúsund krónur ef það velur að ferðast sjálft til Moskvu á leik Íslands og Argentínu á HM í knattspyrnu næsta sumar, frekar en að kaupa pakkaferð með íslenskri fararstjórn. Þetta leiðir athugun Fréttablaðsins í ljós. Framkvæmdastjóri KSÍ segir að svo gæti farið að aðeins um 3.200 miðar verði eyrnamerktir íslenskum stuðningsmönnum á leiki Íslands. Ekki sé víst að allir fái miða. Það kann því að vera óvarlegt að bóka ferð án þess að hafa tryggt sér miða áður. Ísland mætir Argentínu í fyrsta leik á HM í Rússlandi næsta sumar. Leikurinn fer fram laugardaginn 16. júní. Flug til og frá Moskvu með einu stoppi og gisting í tvær nætur á fjögurra stjörnu hóteli kostar tvo einstaklinga um 170 þúsund krónur, samkvæmt athugun Fréttablaðsins. Í þessu felst að ferðalangarnir gista saman í herbergi og hafa heimild til að taka með sér eina stóra tösku í flugið, auk handfarangurs.Leikvangurinn í Moskvu þar sem Íslendingar mæta Messi og félögum á HM 16. júní á næsta ári.Nordicphotos/AFPFlug frá Keflavík til Moskvu í Rússlandi og til baka, með einni millilendingu, kostar 61.978 krónur, þegar þetta er skrifað, eða um 120 þúsund fyrir tvo. Flogið út að morgni föstudags og heim að morgni sunnudags. Taska kostar 8.433 krónur og gerum við í þessu dæmi ráð fyrir að par deili einni stórri tösku. Fjögurra stjörnu hótel í Moskvu eru mörg uppseld helgina sem leikur Íslands og Argentínu fer fram. Mikið framboð er af þriggja stjörnu hótelum sem mörg fá ágætis einkunn notenda á bókunarvefjum. Blaðamaður gat, að morgni mánudags, bókað herbergi á fjögurra stjörnu hóteli, SunFlower Park, fyrir tvo aðfaranætur laugardagsins 16. júní og sunnudagsins 17. júní fyrir samtals 347 dollara. Það gerði hann á bókunarsíðunni hotels.com. Upphæðin samsvarar 35.800 krónum. Samanlagt kostar flug og hótel fyrir tvo því 168 þúsund krónur. Þær ferðir sem Icelandair hefur selt, þar sem gist er jafn margar nætur, kosta 195 þúsund krónur á mann, ef gist er í tvíbýli, eða 390 þúsund krónur fyrir tvo. Innifalið í slíkri ferð eru þó að auki ferðir til og frá flugvelli í Moskvu og íslensk fararstjórn.Klara Bjartmarz, framkvæmdastjóri KSÍ.vísir/ernirKlara Bjartmarz, framkvæmdastjóri KSÍ, segir að íslenskir stuðningsmenn fái 8% miða sem fara í almenna sölu. Völlurinn í Moskvu rúmar 45.360 áhorfendur. Klara segir að ef 40 þúsund miðar fari í almenna sölu fái íslenskir stuðningsmenn aðeins 3.200 miða. Það er innan við þriðjungur af áhorfendafjölda á Laugardalsvelli. Hún bendir þó á að einhverjir Íslendingar gætu þegar hafa keypt miða í almennri sölu á vef FIFA, þar sem miðasalan fer eingöngu fram. Þá gætu einhverjir fengið miða á síðari stigum miðasölunnar. „Við erum sammála um að þetta eru fáir miðar,“ segir Klara við Fréttablaðið. „En ég ætla að vera bjartsýn á að langflestir sem fari út finni miða á einn eða annan hátt.“ Í þessu samhengi má benda á að KSÍ er á meðal nokkurra knattspyrnusambanda sem þrýst hafa á FIFA um að fá fleiri miða fyrir sína stuðningsmenn. Hún bendir á að UEFA hafi orðið við slíkri beiðni frá KSÍ og fleirum þegar Evrópumótið fór fram fram í Frakklandi. Klara hefur ferðast nokkrum sinnum á vegum sambandsins til Rússlands. Hún segist hafa verið í „vernduðu umhverfi“ í þeim heimsóknum en að hún hafi ekkert séð sem gefi fólki ástæðu til að vera hræddari til við að ferðast til Rússlands en annarra Evrópulanda. Rússum sé auk þess mikið í mun að sýna sínar bestu hliðar á meðan á mótinu stendur. Klara segir borgina hreinni en Reykjavík en að sagan drjúpi af hverju strái. „Ég myndi senda fjölskylduna mína í skipulagða pakkaferð en þeir sem eru vanir að ferðast ættu ekki að lenda í neinum vandræðum.“ Uppfært klukkan 10:40 Í fyrri útgáfu fréttarinnar var rætt um beint flug með WOW til Moskvu, en hið rétta er að verðið miðast við flug með einu stoppi. WOW hefur ekki hafið sölu á beinum flugum.
Birtist í Fréttablaðinu HM 2018 í Rússlandi Mest lesið Sjö fluttir með þyrlu eftir rútuslys á Suðurlandi Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Allir um borð í rútunni Íslendingar Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra