Lífið

Sex ára skrifaði harðort bréf til jólasveinsins: „Lífið þitt er tómt“

Lilja Katrín Gunnarsdóttir skrifar
Bréfið fræga.
Bréfið fræga. Vísir / Skjáskot af Twitter

Sex ára drengur í Virginíu í Bandaríkjunum var beðinn um að skrifa bréf til jólasveinsins í skólanum sínum. Útkoman var heldur betur harðorð, og eilítið fyndin, en móðir drengsins, Sarah McCammon, deildi bréfinu á Twitter-síðu sinni.

„Kæri jólasveinn, ég er bara að gera þetta fyrir skólann,“ skrifar drengurinn í inngangi bréfsins, til að taka það skýrt fram að hann hafi ekki viljað skrifa jólasveininum bréf heldur sé þetta eingöngu skólaverkefni. Og hann heldur áfram:

„Ég veit að listinn yfir slæmu krakkana er tómur. Og listinn yfir góðu krakkana er tómur. Og lífið þitt er tómt. Þú veist ekki hvaða erfiðleika ég þarf að kljást við í lífi mínu. Bless,“ skrifar drengurinn og endar bréfið á einlægum nótum.

„Ástarkveðja, ég ætla ekki að segja þér nafnið mitt.“

Móðir drengsins deildi mynd af bréfinu á Twitter í byrjun vikunnar og hefur því verið deilt margoft, með þeim afleiðingum að Shannon og fjölskylda hennar hafa leitað í heimspressuna.

Margir notendur Twitter hafa lýst yfir áhyggjum sínum yfir bréfinu, þá vegna þess að drengurinn segist glíma við erfiðleika. Móðir hans leiðrétti þann misskilning á Twitter hið snarasta.

„Erfiðleikar í lífinu hans? Bróðir hans. Ekki hringja í barnaverndarnefnd,“ skrifar hún. Í viðtali við fréttastofu Reuters ítrekar hún að það sé bróðir drengsins sem sé að valda honum ama.

„Hann sagði að hann væri að vísa í eldri bróður sinn - sérstaklega út af því að bróðir hans vinnur hann oft í tölvuleikjum,“ segir Shannon.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira