Fótbolti

Þetta eru liðin sem komust áfram í 32 liða úrslit Evrópudeildarinnar

Óskar Ófeigur Jónsson skrifar
Leikmenn Ostersunds FK fagna sæti í 32 liða úrslitunum á Ólympíuleikvanginum í Berlín í kvöld.
Leikmenn Ostersunds FK fagna sæti í 32 liða úrslitunum á Ólympíuleikvanginum í Berlín í kvöld. Vísir/Getty

Riðlakeppni Evrópudeildarinnar lauk í kvöld og þar með er ljóst hvaða 32 lið taka þátt í útsláttarkeppninni sem hefst snemma á næsta ári.

Arsenal var búið að tryggja sér sigur í sínum riðli fyrir leik kvöldsins. Arsenal hélt upp á það með 6-0 stórsigri á BATE Borisov á Emirates leikvanginum.

Everton var að sama skapi úr leik en liðið heimsótti Apollon Limassol á Kýpur í kvöld. Gylfi Þór Sigurðsson og Wayne Rooney voru hvíldir en Everton vann engu að síður sinn fyrsta sigur í riðlakeppninni. Hinn tvítugi Ademola Lookman skoraði tvö mörk í 3-0 sigri.

Danska liðið FC Kaupmannahöfn og sænska liðið Östersund komust bæði áfram í 32 liða úrslitin en þau urðu í öðru sæti í sínum riðli.

Hér fyrir neðan má sjá öll liðin sem komust áfram í útsláttarkeppnina.




Liðin tólf sem unnu sína riðla
Villarreal frá Spáni
Dynamo Kyiv frá Úkraínu
Braga frá Portúgal
AC Milan frá Ítalíu
Atalanta frá Ítalíu
Lokomotiv Moskva frá Rússlandi
Viktoria Plzen frá Tékklandi
Arsenal frá Englandi
Red Bull Salzburg frá Austurríki
Athletic Bilbao frá Spáni
Lazio frá Ítalíu
Zenit Sankti Petersburg frá Rússlandi

Liðin tólf sem urðu í öðru sæti í sínum riðli
Astana frá Kasakstan
Partizan Belgrad frá Serbíu
Ludogorets Razgrad frá Búlgaríu
AEK Aþena frá Grikklandi
Lyon frá Frakklandi
FC Kaupmannahöfn frá Danmörku
FCSB frá Rúmeníu
Crvena Zvezda frá Serbíu
Marseille frá Frakklandi
Östersund frá Svíþjóð
Nice frá Frakklandi
Real Sociedad frá Spáni

Liðin átta sem komu úr Meistaradeildinni:
(4 efstu verða í efri styrkleikaflokki)
CSKA Moskva frá Rússlandi
Atlético Madrid frá Spáni
RB Leipzig frá Þýskalandi
Sporting CP frá Portúgal
Napoli frá Ítalíu
Spartak Moskva frá Rússlandi
Celtic frá Skotlandi
Borussia Dortmund frá Þýskalandi

Úrslitin í leikjum kvöldsins:


 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira