Innlent

Norðfjarðargöngin opnuð

Garðar Örn Úlfarsson skrifar

„Íbúar hér eru himinlifandi yfir að fá þessi göng,“ segir Páll Björgvin Guðmundsson, bæjarstjóri Fjarðabyggðar. Langþráður áfangi í samgöngusögu Austfirðinga næst í dag með opnun Norðfjarðarganga.

Göngin sem eru 7,9 kílómetra löng stytta leiðina milli Neskaupstaðar og Eskifjarðar um fjóra kílómetra og leysa af erfiðan fjallveg um Oddskarð.

Mikil hátíðarhöld verða hjá heimamönnum alla helgina. Í gær skipulögðu íþróttafélögin Austri og Þróttur hlaup um göngin og tók fjöldi fólks þátt; ýmist á fæti, á hjólum eða brettum að sögn Páls Björgvins sem sjálfur hljóp í gegn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.