Martha mögnuð fyrir norðan og HK sló út Selfoss

1. deildarliðin HK og KA/Þór komust í kvöld í átta liða úrslit Coca Cola bikar kvenna í handbolta eftir sigra á heimavelli.

KA/Þór vann fjórtán marka sigur á FH í 1. deildarslag á Akureyri en HK-stelpurnar sem spila í 1. deildinni slógu út Olís-deildar lið Selfoss út í Digranesi.

HK er á toppnum í Grill 66 deild kvenna og Kópavogsliðið sýndi styrk sinn í kvöld. Valgerður Ýr Þorsteinsdóttir var markahæst með 8 mörk og  Sigríður Hauksdóttir skoraði sjö mörk.

Martha Hermannsdóttir var mögnuð fyrir norðan og tölfræðilega munurinn á liðunum. Hún skoraði fjórtán mörk í fjórtán marka sigur KA/Þórs liðsins á FH.

Úrslitin og markaskorarar úr leikjum kvöldsins í Coca Cola bikar kvenna:

KA/Þór - FH 37-23 (15-14)

Mörk KA/Þór: Martha Hermannsdóttir 14, Katrín Vilhjálmsdóttir 7, Ásdís Guðmundsdóttir 6, Hulda Bryndís Tryggvadóttir 3, Aldís Ásta Heimisdóttir 2, Ólöf Marín Hlynsdóttir 2, Auður Brynja Sölvadóttir 2, Þóra Björk Stefánsdóttir 1.

Mörk FH: Diljá Sigurðardóttir 7, Ingibjörg Pálmadóttir 5, Aþena Arna Ríkharðsdóttir 4, Hildur Guðjónsdóttir 2, Sylvía Björt Blöndal 2, Birna Íris Helgadóttir 1, Arndís Sara Þórsdóttir 1, Jenný Fjóla Ólafsdóttir 1.



HK - Selfoss 29-21 (15-13)

Mörk HK: Valgerður Ýr Þorsteinsdóttir 8, Sigríður Hauksdóttir 7, Tinna Sól Björgvinsdóttir 5, Elva Arinbjarnar 3, Þórunn Friðriksdóttir 3, Eva Hrund Harðardóttir 2, Berglind Þorsteinsdóttir 1.

Mörk Selfoss:  Perla Ruth Albertsdóttir 5, Kristrún Steinþórsdóttir 4, Harpa Sólveig Brynjarsdóttir 4, Agnes Sigurðardóttir 3, Hulda Dís Þrastardóttir 2, Arna Kristín Einarsdóttir 2, Ída Bjarklind Magnúsdóttir 1.