300 hestafla VW Polo R í prófunum Finnur Thorlacius skrifar 2. nóvember 2017 10:33 Svona gæti Volkswagen Polo R litið út. Þrátt fyrir að fyrirhugaður Volkswagen Polo með 200 hestöfl undir húddinu sé ekki ennþá kominn á markað er Volkswagen að vinna að þróun enn öflugri gerð bílsins smávaxna og þá með 300 hestöfl tiltæk. Breskir fjölmiðlar greina frá því að sést hafi til þessa bíls í höfuðstöðvum Volkswagen í Wolfsburg og að búið sé að framleiða nokkur eintök af honum. Vélin í þessum bíl er sú sama og finna má í Volkswagen Golf R. Svo vel vill til að 2,0 lítra vélin úr Golf R passar í vélarhús Polo og því þarf engar breytingar að gera á bílnum til að ljá honum öllu þessu afli. Þessi aflmikli Polo getur einnig fengið fjórhjóladrif svo tryggja megi að allt aflið skili sér í malbikið. Það er þó ekki víst að svo verði þar sem bíllinn færi þá að ógna Golf R í upptöku og eiginleikum og að auki yrði bíllinn fyrir vikið óhóflega dýr. Ef af þessum Polo R verður yrði það þó ekki í fyrsta skipti sem mjög öflugur Polo er markaðssetur því að Volkswagen hefur áður sett á markað 2.500 bíla af Polo R WRC og var hann framleiddur í takmörkuðu magni með 217 hestöfl undir húddinu. Slíkt yrði ekki uppá tengingnum með nýjan öflugan Polo, hann yrði hefðbundin framleiðslugerð Polo án takmarkana um framleiðslumagn. Þannig gæti hann bæst í sívaxandi R-bíla flóru Volkswagen þar sem brátt bættast við Tiguan R, Arteon R og Touareg R. Þá gæti einnig bæst við T-Roc R og hefur sést til þess bíls í prófunum, eins og í tilfelli Polo R. Þessi R-væðing Volkswagen bíla mun síðan einnig smitast til annarra undirmerkja Volkswagen bílasamstæðunnar og fær einhver bíll frá Seat, sem og Skoda þessa vél einnig. Mest lesið OpenAI hættir notkun raddar eftir inngrip lögmanna Johansson Erlent Réttað yfir Hinrik XIII og öðrum leiðtogum valdaránstilraunar Erlent Fengu ekkert merki frá þyrlunni sem hrapaði með forsetann um borð Erlent Mikill viðbúnaður vegna bráðra veikinda Innlent Biden segir Ísraela saklausa af ásökunum um þjóðarmorð Erlent Katrín leiðir í nýrri könnun Prósents Innlent Mynd fer á flug í kjölfar tilrauna til að láta fjarlægja hana Erlent Lilja fundar með RÚV um „nýlenskuna“ Innlent Fyrsti stríðsþristurinn lentur Innlent Netanjahú hafnar handtökuskipuninni Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira
Þrátt fyrir að fyrirhugaður Volkswagen Polo með 200 hestöfl undir húddinu sé ekki ennþá kominn á markað er Volkswagen að vinna að þróun enn öflugri gerð bílsins smávaxna og þá með 300 hestöfl tiltæk. Breskir fjölmiðlar greina frá því að sést hafi til þessa bíls í höfuðstöðvum Volkswagen í Wolfsburg og að búið sé að framleiða nokkur eintök af honum. Vélin í þessum bíl er sú sama og finna má í Volkswagen Golf R. Svo vel vill til að 2,0 lítra vélin úr Golf R passar í vélarhús Polo og því þarf engar breytingar að gera á bílnum til að ljá honum öllu þessu afli. Þessi aflmikli Polo getur einnig fengið fjórhjóladrif svo tryggja megi að allt aflið skili sér í malbikið. Það er þó ekki víst að svo verði þar sem bíllinn færi þá að ógna Golf R í upptöku og eiginleikum og að auki yrði bíllinn fyrir vikið óhóflega dýr. Ef af þessum Polo R verður yrði það þó ekki í fyrsta skipti sem mjög öflugur Polo er markaðssetur því að Volkswagen hefur áður sett á markað 2.500 bíla af Polo R WRC og var hann framleiddur í takmörkuðu magni með 217 hestöfl undir húddinu. Slíkt yrði ekki uppá tengingnum með nýjan öflugan Polo, hann yrði hefðbundin framleiðslugerð Polo án takmarkana um framleiðslumagn. Þannig gæti hann bæst í sívaxandi R-bíla flóru Volkswagen þar sem brátt bættast við Tiguan R, Arteon R og Touareg R. Þá gæti einnig bæst við T-Roc R og hefur sést til þess bíls í prófunum, eins og í tilfelli Polo R. Þessi R-væðing Volkswagen bíla mun síðan einnig smitast til annarra undirmerkja Volkswagen bílasamstæðunnar og fær einhver bíll frá Seat, sem og Skoda þessa vél einnig.
Mest lesið OpenAI hættir notkun raddar eftir inngrip lögmanna Johansson Erlent Réttað yfir Hinrik XIII og öðrum leiðtogum valdaránstilraunar Erlent Fengu ekkert merki frá þyrlunni sem hrapaði með forsetann um borð Erlent Mikill viðbúnaður vegna bráðra veikinda Innlent Biden segir Ísraela saklausa af ásökunum um þjóðarmorð Erlent Katrín leiðir í nýrri könnun Prósents Innlent Mynd fer á flug í kjölfar tilrauna til að láta fjarlægja hana Erlent Lilja fundar með RÚV um „nýlenskuna“ Innlent Fyrsti stríðsþristurinn lentur Innlent Netanjahú hafnar handtökuskipuninni Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira