Hlanddólgarnir í ævilangt bann

Tottenham hefur dæmt stuðningsmennina tvo sem köstuðu glasi fullu af þvagi í stuðningsmenn West Ham í ævilangt bann.

Viðkomandi stuðningsmenn urðu sér til skammar á leik Tottenham og West Ham á Wembley í deildabikarnum.

Annar þeirra meig í plastglas en hinn kastaði því í átt að stuðningsmönnum West Ham. Innihaldið fór þó mest í stuðningsmenn Tottenham sem voru svo óheppnir að standa þarna nálægt.

Myndband náðist af hlanddólgunum og þeir fundust á endanum. Tottenham sýndi svo enga miskunn og dæmdi þá í ævilangt bann.

Tottenham komst 2-0 yfir í leiknum en West Ham kom til baka, vann 2-3 sigur og tryggði sér sæti í 8-liða úrslitum deildabikarsins.