Stelpurnar okkar ekki skorað hjá þýsku grýlunni í 30 ár Óskar Ófeigur Jónsson skrifar 20. október 2017 06:00 Glódís Perla Viggósdóttir fagnar sigri á móti Færeyjum. Fréttablaðið/Eyþór Íslenska kvennalandsliðið hefur aldrei náð í stig á móti Þýskalandi og ekki skorað hjá þeim þýsku í meira en þrjá áratugi. Þær þýsku hafa þó líklega aldrei legið betur við höggi en í dag þegar liðin mætast í undankeppni HM 2019. 22 ára sigurganga þýska kvennalandsliðsins á EM endaði á móti Danmörku í átta liða úrslitum Evrópumótsins í Hollandi síðasta sumar og þýsku stelpurnar rétt mörðu 1-0 sigur í síðasta leik á sjálfsmarki mótherja sinna í Tékklandi. Karlalandsliðið lenti í mjög erfiðum riðli í undankeppni HM 2018 en tryggði sér samt sem áður sæti á heimsmeistaramótinu í fyrsta sinn. Nú þurfa stelpurnar okkar að fara erfiða leið ætli þær sér inn á HM í fyrsta sinn. Fyrsta krefjandi skrefið þarf að taka í Wiesbaden í dag.Margt jákvætt gerst Góð úrslit á móti þýsku grýlunni myndu breyta miklu í baráttunni um HM-sætið en það er enginn að segja að það verði auðvelt. Þýska liðið er í sárum eftir slakt EM-sumar og þar innanborðs er enginn skortur á heimsklassa leikmönnum. Sex af þeim eru liðsfélagar Söru Bjarkar Gunnarsdóttur hjá þýsku meisturunum í VfL Wolfsburg. Aðrar spila með öflugum liðum eins og 1. FFC Frankfurt, Turbine Potsdam og Bayern München. Það hefur margt jákvætt gerst síðan íslensku stelpurnar komu hnípnar heim af Evrópumótinu í Hollandi þar sem árangurinn var langt undir væntingum. Íslenska liðið vann 8-0 sigur á Færeyjum í fyrsta leik undankeppninnar, atvinnumönnum liðsins hefur fjölgað frá því í sumar og fjórar af leikmönnum íslenska landsliðsins eru komnar áfram með liðum sínum í sextán liða úrslit Meistaradeildarinnar. Það, og að stelpurnar héldu þjálfara sínum Frey Alexanderssyni, er bensín á bílinn sem þær ætla að keyra sögulega leið á HM í fyrsta sinn. Í fyrsta sinn í þrjá áratugi ganga íslensku landsliðsstelpurnar til leiks á móti Þýskalandi án þess að vera að mæta ríkjandi Evrópumeisturum. Þær eru reyndar Ólympíumeistarar síðan í Ríó þannig að það er ekki eins og síðustu ár hafi verið eintóm vonbrigði þrátt fyrir verðlaunaskort á síðasta HM (2015) og síðasta EM (2017).Ekki mark í þrjá áratugi Ísland hefur hins vegar beðið lengi eftir því að gera eitthvað á móti þýsku grýlunni. Fyrsti leikur Íslands og Þýskalands hjá A-landsliðum kvenna var á Kópavogsvellinum 27. júlí 1987. Þjóðirnar mættust tvisvar í þessari ferð Þjóðverja til landsins og svo aftur tvisvar í september ári síðar. Allir leikirnir töpuðust en íslensku stelpurnar náðu að skora þrjú mörk. Enginn gat þá séð fyrir að glæsimark Guðrúnar Sæmundsdóttur beint úr aukaspyrnu á 54. mínútu í leik í Delmenhorst 6. september 1987 yrði eina mark Íslands á móti Þýskalandi í 30 ár. Staðreyndin er hins vegar sú að íslenska liðið hefur ekki skorað hjá því þýska síðan. Liðin hafa mæst tíu sinnum á undanförnum 30 árum og markatalan er 39-0 þýska liðinu í vil. Síðasti leikur þjóðanna var í Algarve-bikarnum í mars 2014 og tapaðist hann 5-0. Mínúturnar nálgast nú þúsund.Jafntefli væri sigur Nú er stóra spurningin hvort það sé komið að tímamótum á móti þýsku grýlunni. Jafntefli væri sigur fyrir okkar stelpur enda eitthvað sem þær hafa aldrei afrekað á móti einu allra besta kvennalandsliðið heims. Leikurinn hefst klukkan tvö að íslenskum tíma. Fótbolti Mest lesið Léku með eftirnöfn mæðra sinna á treyjunum Fótbolti Líf Chaz á Íslandi gæti endað á Netflix Körfubolti Fékk flösku í hausinn í gær og mætti með hjálm í dag Sport Hálf áttræður Warnock gæti snúið aftur tveimur mánuðum eftir að hann hætti Fótbolti Dagskráin í dag: Stútfullur sófasunnudagur Sport „Núna skora ég á Njarðvíkinga að jafna baráttuna í stúkunni“ Körfubolti Trúir að Burnley snúi aftur upp: „Er ekki að væla og vorkenna okkur“ Fótbolti „Þetta eru leikirnir sem að maður vill spila“ Körfubolti „Gæti orðið spennandi verkefni að vera í botnbaráttu“ Fótbolti Hólmbert upp í efstu deild en Ísak gæti enn farið beint upp Fótbolti Fleiri fréttir Trúir að Burnley snúi aftur upp: „Er ekki að væla og vorkenna okkur“ Léku með eftirnöfn mæðra sinna á treyjunum Hálf áttræður Warnock gæti snúið aftur tveimur mánuðum eftir að hann hætti AC Milan kom sér aftur á sigurbraut með stórsigri Hólmbert upp í efstu deild en Ísak gæti enn farið beint upp „Gæti orðið spennandi verkefni að vera í botnbaráttu“ „Mikilvægt að ná upp stöðugleika“ Bjarni Mark: Sendi hjarta til baka, enda elska ég þá alla Meistarar Madrid halda áfram að vinna Lærisveinar Freys á leið í umspil þökk sé sigri annars Íslendingaliðs Bologna nálgast Meistaradeildina í fyrsta sinn í sextíu ár Davíð Smári: Við erum búnir að æfa þessa íþrótt síðan við fæddumst Þrjú íslensk mörk í risasigri Fortuna Sittard Örlög Luton ráðin og allir nýliðarnir falla Uppgjörið: Valur - KA 3-1 | Vítaklúður Gylfa kom ekki að sök Þriðji sigurinn í röð og daumurinn um Evrópusæti lifir Uppgjörið: ÍA - Vestri 3-0 | Öruggt hjá ÍA í slag nýliðanna Jóhann fékk ekki að spila þegar Burnley féll Karólína með stjörnum á toppi listans Kristall hetjan en fagnaði ósæmilega og fékk rautt Algjör martröð eins manns þegar Celtic vann erkióvininn Titillinn hrifsaður úr greipum Diljár og fall blasir við Sveini Gvardiol skaut City á toppinn Stuðningsmenn stöðvuðu liðsrútuna og leik Standard frestað Andri Lucas fékk kanilstykki í verðlaun Sjáðu frábært spil skila tveimur mörkum í Garðabæ Ten Hag segir að eigendur United séu skynsamir og muni ekki reka hann Leverkusen býður stuðningsmönnum frítt flúr til minningar um tímabilið „Við erum helvíti seigir“ Casemiro komst ekki í Copa América-hóp Brassa Sjá meira
Íslenska kvennalandsliðið hefur aldrei náð í stig á móti Þýskalandi og ekki skorað hjá þeim þýsku í meira en þrjá áratugi. Þær þýsku hafa þó líklega aldrei legið betur við höggi en í dag þegar liðin mætast í undankeppni HM 2019. 22 ára sigurganga þýska kvennalandsliðsins á EM endaði á móti Danmörku í átta liða úrslitum Evrópumótsins í Hollandi síðasta sumar og þýsku stelpurnar rétt mörðu 1-0 sigur í síðasta leik á sjálfsmarki mótherja sinna í Tékklandi. Karlalandsliðið lenti í mjög erfiðum riðli í undankeppni HM 2018 en tryggði sér samt sem áður sæti á heimsmeistaramótinu í fyrsta sinn. Nú þurfa stelpurnar okkar að fara erfiða leið ætli þær sér inn á HM í fyrsta sinn. Fyrsta krefjandi skrefið þarf að taka í Wiesbaden í dag.Margt jákvætt gerst Góð úrslit á móti þýsku grýlunni myndu breyta miklu í baráttunni um HM-sætið en það er enginn að segja að það verði auðvelt. Þýska liðið er í sárum eftir slakt EM-sumar og þar innanborðs er enginn skortur á heimsklassa leikmönnum. Sex af þeim eru liðsfélagar Söru Bjarkar Gunnarsdóttur hjá þýsku meisturunum í VfL Wolfsburg. Aðrar spila með öflugum liðum eins og 1. FFC Frankfurt, Turbine Potsdam og Bayern München. Það hefur margt jákvætt gerst síðan íslensku stelpurnar komu hnípnar heim af Evrópumótinu í Hollandi þar sem árangurinn var langt undir væntingum. Íslenska liðið vann 8-0 sigur á Færeyjum í fyrsta leik undankeppninnar, atvinnumönnum liðsins hefur fjölgað frá því í sumar og fjórar af leikmönnum íslenska landsliðsins eru komnar áfram með liðum sínum í sextán liða úrslit Meistaradeildarinnar. Það, og að stelpurnar héldu þjálfara sínum Frey Alexanderssyni, er bensín á bílinn sem þær ætla að keyra sögulega leið á HM í fyrsta sinn. Í fyrsta sinn í þrjá áratugi ganga íslensku landsliðsstelpurnar til leiks á móti Þýskalandi án þess að vera að mæta ríkjandi Evrópumeisturum. Þær eru reyndar Ólympíumeistarar síðan í Ríó þannig að það er ekki eins og síðustu ár hafi verið eintóm vonbrigði þrátt fyrir verðlaunaskort á síðasta HM (2015) og síðasta EM (2017).Ekki mark í þrjá áratugi Ísland hefur hins vegar beðið lengi eftir því að gera eitthvað á móti þýsku grýlunni. Fyrsti leikur Íslands og Þýskalands hjá A-landsliðum kvenna var á Kópavogsvellinum 27. júlí 1987. Þjóðirnar mættust tvisvar í þessari ferð Þjóðverja til landsins og svo aftur tvisvar í september ári síðar. Allir leikirnir töpuðust en íslensku stelpurnar náðu að skora þrjú mörk. Enginn gat þá séð fyrir að glæsimark Guðrúnar Sæmundsdóttur beint úr aukaspyrnu á 54. mínútu í leik í Delmenhorst 6. september 1987 yrði eina mark Íslands á móti Þýskalandi í 30 ár. Staðreyndin er hins vegar sú að íslenska liðið hefur ekki skorað hjá því þýska síðan. Liðin hafa mæst tíu sinnum á undanförnum 30 árum og markatalan er 39-0 þýska liðinu í vil. Síðasti leikur þjóðanna var í Algarve-bikarnum í mars 2014 og tapaðist hann 5-0. Mínúturnar nálgast nú þúsund.Jafntefli væri sigur Nú er stóra spurningin hvort það sé komið að tímamótum á móti þýsku grýlunni. Jafntefli væri sigur fyrir okkar stelpur enda eitthvað sem þær hafa aldrei afrekað á móti einu allra besta kvennalandsliðið heims. Leikurinn hefst klukkan tvö að íslenskum tíma.
Fótbolti Mest lesið Léku með eftirnöfn mæðra sinna á treyjunum Fótbolti Líf Chaz á Íslandi gæti endað á Netflix Körfubolti Fékk flösku í hausinn í gær og mætti með hjálm í dag Sport Hálf áttræður Warnock gæti snúið aftur tveimur mánuðum eftir að hann hætti Fótbolti Dagskráin í dag: Stútfullur sófasunnudagur Sport „Núna skora ég á Njarðvíkinga að jafna baráttuna í stúkunni“ Körfubolti Trúir að Burnley snúi aftur upp: „Er ekki að væla og vorkenna okkur“ Fótbolti „Þetta eru leikirnir sem að maður vill spila“ Körfubolti „Gæti orðið spennandi verkefni að vera í botnbaráttu“ Fótbolti Hólmbert upp í efstu deild en Ísak gæti enn farið beint upp Fótbolti Fleiri fréttir Trúir að Burnley snúi aftur upp: „Er ekki að væla og vorkenna okkur“ Léku með eftirnöfn mæðra sinna á treyjunum Hálf áttræður Warnock gæti snúið aftur tveimur mánuðum eftir að hann hætti AC Milan kom sér aftur á sigurbraut með stórsigri Hólmbert upp í efstu deild en Ísak gæti enn farið beint upp „Gæti orðið spennandi verkefni að vera í botnbaráttu“ „Mikilvægt að ná upp stöðugleika“ Bjarni Mark: Sendi hjarta til baka, enda elska ég þá alla Meistarar Madrid halda áfram að vinna Lærisveinar Freys á leið í umspil þökk sé sigri annars Íslendingaliðs Bologna nálgast Meistaradeildina í fyrsta sinn í sextíu ár Davíð Smári: Við erum búnir að æfa þessa íþrótt síðan við fæddumst Þrjú íslensk mörk í risasigri Fortuna Sittard Örlög Luton ráðin og allir nýliðarnir falla Uppgjörið: Valur - KA 3-1 | Vítaklúður Gylfa kom ekki að sök Þriðji sigurinn í röð og daumurinn um Evrópusæti lifir Uppgjörið: ÍA - Vestri 3-0 | Öruggt hjá ÍA í slag nýliðanna Jóhann fékk ekki að spila þegar Burnley féll Karólína með stjörnum á toppi listans Kristall hetjan en fagnaði ósæmilega og fékk rautt Algjör martröð eins manns þegar Celtic vann erkióvininn Titillinn hrifsaður úr greipum Diljár og fall blasir við Sveini Gvardiol skaut City á toppinn Stuðningsmenn stöðvuðu liðsrútuna og leik Standard frestað Andri Lucas fékk kanilstykki í verðlaun Sjáðu frábært spil skila tveimur mörkum í Garðabæ Ten Hag segir að eigendur United séu skynsamir og muni ekki reka hann Leverkusen býður stuðningsmönnum frítt flúr til minningar um tímabilið „Við erum helvíti seigir“ Casemiro komst ekki í Copa América-hóp Brassa Sjá meira