Lífið

Carpool Karaoke: Miley var mjög skökk á kúlunni frægu

Samúel Karl Ólason skrifar
Meðal þess sem hún sagði frá var að hún bakkaði einu sinni mjög harkalega á hljóðbíl The Voice og stakk af.
Meðal þess sem hún sagði frá var að hún bakkaði einu sinni mjög harkalega á hljóðbíl The Voice og stakk af.

Tónlistarkonan Miley Cyrus skellti sér á rúntinn með James Corden á dögunum. Þar sagði hún vandræðalegar sögur af sjálfri sér og söng úr sér hjartað. Meðal þess sem hún sagði frá var að hún bakkaði einu sinni mjög harkalega á hljóðbíl The Voice og stakk af.

Degi seinna var hún að segja samdómurum sínum frá atvikinu og hafði gleymt því að það var búið að setja hljóðnema á hann. Þannig heyrðu allir hljóðmenn þáttarins söguna og vissu því hver hefði keyrt á bíl þeirra.

Þar sagði hún einnig frá því að hún hefði verið verulega skökk þegar hún tók upp myndbandið við lagið Wrecking Ball.

Þá fóru þau einnig í keppni í því hvort þeirra væri betra að gráta.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira