Körfubolti

KR og Keflavík verja Íslandsmeistaratitlana sína

Óskar Ófeigur Jónsson skrifar
Fulltrúar liðanna í Domino´s deild kvenna 2017-18.
Fulltrúar liðanna í Domino´s deild kvenna 2017-18. Vísir/Vilhelm

Körfuknattleikssamband Íslands kynnti í dag árlega spá fyrirliða, þjálfara og forráðamanna um lokaröðina í Domino´s deildum karla og kvenna í körfubolta en kynningarfundur körfuboltatímabilsins fór fram í Laugardalshöllinni í hádeginu.

Karlalið KR og kvennalið Keflavíkur unnu bæði tvöfalt á síðasta tímabili og báðum liðum er spáð Íslandsmeistaratitlunum aftur.

Keflavikurkonur fengu algjöra yfirburðarkosningu í Domino´s deild kvenna en KR-karlar höfðu betur í spánni í karladeildinni eftir hörku keppni frá Tindastól.

Snæfell kemst ekki í úrslitakeppnina kvennamegin ekki frekar en Stjarnan og í staðinn fara þangað lið Hauka og Vals sem komust ekki í úrslitakeppnina síðasta vor.

Njarðvíkingar komast ekki bara í úrslitakeppnina á ný í karladeildinni heldur ná þeir líka heimavallarrétti samkvæmt spánni. Grindavík verður í þriðja sæti en Haukarnir missa af úrslitakeppninni annað árið í röð.

Höttur og Þór Akureyri falla í 1. deild karla samkvæmt spánni en upp í staðin koma Skallagrímur og Breiðablik.

Njarðvík fellur úr Domino´s deild kvenna en KR kemur upp í deildina í staðinn.


Spáin í Domino´s deild kvenna:
 1. Keflavík        188 stig
 2. Haukar        144 stig
 3. Valur        130 stig
 4. Skallagrímur    129 stig
 5. Snæfell        105 stig
 6. Stjarnan          83 stig
 7. Breiðablik          43 stig
 8. Njarðvík          41 stig


Spáin í Domino´s deild karla:
 1. KR             414 stig
 2. Tindastóll        403 stig
 3. Grindavík        319 stig
 4. Njarðvík        267 stig
 5. Stjarnan        266 stig
 6. Þór Þ.        246 stig
 7. Keflavík        239 stig
 8. ÍR            191 stig
 9. Haukar        189 stig
10. Valur           89 stig
11. Höttur           84 stig
12. Þór Ak.           60 stig

Fulltrúar liðanna í Domino´s deild karla 2017-18. Vísir/Vilhelm


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.