Innlent

Bein útsending: Stefnuræða forsætisráðherra og umræður um hana

Sunna Kristín Hilmarsdóttir skrifar
Ræðumenn kvöldsins á Alþingi. Bjarni Benediktsson, forsætisráðherra, flytur stefnuræðu sína og svo fara fram umræður um hana.
Ræðumenn kvöldsins á Alþingi. Bjarni Benediktsson, forsætisráðherra, flytur stefnuræðu sína og svo fara fram umræður um hana. alþingi

Þingfundur hefst á Alþingi klukkan 19:30 þegar Bjarni Benediktsson, forsætisráðherra og formaður Sjálfstæðisflokksins, flytur stefnuræða sína. Umræðurnar skiptast í þrjár umferðir. Hefur forsætisráðherra 18 mínútur til að flytja stefnuræðuna en aðrir þingflokkar en þingflokkur Sjálfstæðisflokksins hafa hafa 10 mínútur í fyrstu umferð. Í annarri og þriðju umferð hafa þingflokkarnir svo fimm mínútur hver.

Röð flokkanna í öllum umferðum er sem hér segir:

• Sjálfstæðisflokkur
• Vinstri hreyfingin – grænt framboð
• Píratar
• Framsóknarflokkur
• Viðreisn
• Björt framtíð
• Samfylkingin

Fyrir Sjálfstæðisflokk tala Bjarni Benediktsson, forsætisráðherra, í fyrstu umferð, Sigríður Á. Andersen, dómsmálaráðherra, í annarri umferð og Páll Magnússon, 1. þingmaður Suðurkjördæmis, í þriðju umferð.

Ræðumenn fyrir Vinstri hreyfinguna grænt framboð verða Katrín Jakobsdóttir, 2. þingmaður Reykjavíkurkjördæmis norður, í fyrstu umferð, í annarri Steingrímur J. Sigfússon, 3. þingmaður Norðausturkjördæmis, og í þriðju umferð Kolbeinn Óttarsson Proppé, 6. þingmaður Reykjavíkurkjördæmis suður.

Ræðumenn fyrir Pírata verða Birgitta Jónsdóttir, 3. þingmaður Reykjavíkurkjördæmis norður, í fyrstu umferð, Eva Pandora Baldursdóttir, 5. þingmaður Norðvesturkjördæmis, í annarri umferð og Þórhildur Sunna Ævarsdóttir, 10. þingmaður Suðvesturkjördæmis, í þeirri þriðju.

Fyrir Framsóknarflokk tala Sigurður Ingi Jóhannsson, 2. þingmaður Suðurkjördæmis, í fyrstu umferð, í annarri Lilja Alfreðsdóttir, 9. þingmaður Reykjavíkurkjördæmis suður, og í þriðju umferð Silja Dögg Gunnarsdóttir, 7. þingmaður Suðurkjördæmis.

Fyrir Viðreisn tala Benedikt Jóhannesson, fjármála- og efnahagsráðherra, í fyrstu umferð, Þorgerður Katrín Gunnarsdóttir, sjávarútvegs- og landbúnaðarráðherra, í annarri og í þriðju umferð Þorsteinn Víglundsson, félags- og jafnréttismálaráðherra.

Ræðumenn Bjartrar framtíðar verða Óttarr Proppé, heilbrigðisráðherra, í fyrstu umferð, í annarri Björt Ólafsdóttir, umhverfis- og auðlindaráðherra, og í þriðju umferð Theodóra S. Þorsteinsdóttir, 12. þingmaður Suðvesturkjördæmis.

Ræðumenn Samfylkingarinnar verða í fyrstu umferð Logi Einarsson, 9. þingmaður Norðausturkjördæmis, í annarri Oddný G. Harðardóttir, 10. þingmaður Suðurkjördæmis, og Guðjón S. Brjánsson, 8. þingmaður Norðvesturkjördæmis, í þriðju umferð.

Fylgjast má með beinni útsendingu frá Alþingi í spilaranum hér að neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira