Lífið

Ís­lands­heim­sóknar hús­mæðranna beðið með eftir­væntingu

Benedikt Bóas skrifar
Vicki Gunvalson hefur verið stjarna þáttana frá þætti eitt. Hún slasaðist á Íslandi.
Vicki Gunvalson hefur verið stjarna þáttana frá þætti eitt. Hún slasaðist á Íslandi. Bravo

Eftir síðasta þátt af þættinum The Real Housewives of Orange County, sem sýndur var á mánudag, var sýnt hverju áhorfendur og aðdáendur þessa vinsæla raunveruleikaþáttar mega eiga von á í komandi seríu. Leikur ferð þessara kvenna til Íslands þar stórt hlutverk.

Í sýnishorninu fá stelpurnar sér að borða í Hafnarfirði, klifra upp á jökul þar sem ein þeirra þarf að pissa, fara í fjórhjólaferð og lenda í alls konar dramatískum átökum sem áhorfendur geta vart beðið eftir.

Hugað að Gunvalson á sjúkrahúsinu. Bravo

Þættirnir eru gríðarlega vinsælir en tólfta serían fór í loftið nú fyrir skömmu á sjónvarpsstöðinni Bravó. Eftir þáttinn var sýnt hvað væri í vændum og er Íslandsheimsóknin þar stór hluti.

Það er mikið drama í þáttunum og oft fara hlutirnir í háa loft, jafnvel þótt þær séu í fríi á Íslandi. Bravo

Ein úr hópnum, Vicky Gunvalson, þarf greinilega að leita læknis­aðstoðar því í einu skotinu sést að verið er að bera hana inn í sjúkrabíl.

Önnur stjarna þáttanna, Lydia McLaughlin, sagði frá því í viðtali við RadarOnline að heimsóknin hefði verið allt annað en ánægjuleg. „Ég veit ekki hvort þú hefur farið á neyðarmóttökuna á Íslandi en það var ekki ein af ánægjulegustu stundum lífs míns,“ sagði hún við spyril RadarOnline. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira