Rætur Bjartmar Oddur Þeyr Alexandersson og Pírati skrifa 17. september 2017 15:28 Það er flókið að tengjast fólki. Það kallar á samskipti. Að skilja fólk. Að setja sig í fótspor annarrar manneskju. Því þannig tölum við saman. Við setjumst niður og hlustum. Þegar við tölum við hvort annað verður til djúpstæð tenging. Einhverskonar skilningur á milli manna og heimsins. Allar tilfinningar sem við finnum, eru ekki einstæðar, heldur sammannlegar. Og það er athyglisvert að engin tilfinning er einstök. Einhver hefur einhverntímann fundið það sama og við sjálf. Galdurinn er líklega sá að staldra við og greina þessa rauðu þræði hugar og líkama. Margslungin upplifun, eins og sorg, gerir það að verkum að viðkomandi tengist öllu mannkyninu í örskamma stund. Því við þekkjum öll tilfinninguna. Og því finnum við sameiginlega tengingu milli okkar sjálfra og allra hinna. Eina risastóra rót allra tilfinninga sem gjörvallt mannkynið deilir með sér. Og það er aðeins ein tenging af mörgum. Magnað, ekki satt?En svo kom Jens Ástæðan fyrir þessum hugleiðingum eru orð Bjarna Benediktssonar á blaðamannafundi síðastliðinn föstudag. Þegar hann talaði um stjórnmálaflokka með rætur. Þannig mátti skilja á orðum hans að ný framboð, stjórnmálaflokkar sem hafa ekki verið til í um hundrað ár, hafi ekki rætur sem til þarf í stjórnmálum. Orðin koma auðvitað einkennilega fyrir sjónir. Þá sérstaklega fyrir þær ástæður að sama dag og Bjarni leitaði í sínar rætur, kom Jens Garðar Helgason, framkvæmdastjóri Samtaka fyrirtækja í sjávarútvegi (LÍÚ) í óvænta heimsókn upp í Valhöll. Það var þremur tímum fyrir blaðamannafund, rétt áður en Bjarni útskýrði fyrir landsmönnum að gjörningur Bjartrar framtíðar um að slíta samstarfi við Sjálfstæðisflokkinn, væri nánast óskiljanlegur í þeirra huga. Í það minnsta hneykslanlegur.Mundu hvar ræturnar liggja En það afhjúpaði á sama tíma rætur Sjálfstæðisflokksins. þessa gamalgróna flokks, sem finnur styrk í ylvolgum kaffibolla með formanni LÍÚ. Og maður ímyndar sér að Jens hafi talað í hann kjark. Minnt hann á rætur Sjálfstæðisflokksins. Hvar heimsmyndin lægi í raun og veru. „Mundu hvar rætur Sjálfstæðisflokksins liggja,“ hefur hann kannski hvíslað að Bjarna sem faldi andlitið í höndum sér. Svo supu þeir af kaffinu. Þeir kinkuðu kolli til hvors annars og skiptust á merkingarfullum augnráðum. Bjarni fann stoltið á ný. Því auðvitað mundi hann það.Suðræn sól og órekjanlegar kennitölur Aðrir stjórnmálaflokkar, þessir sem yngri eru, og þykja varla stjórntækir í huga hinna rótföstu Sjálfstæðismanna, rista ekki svo djúpt. Þeir þurfa að sætta sig við einföld samskipti manna á milli. Að skilja veruleika þeirra sem lifa í raunverulegu hagkerfi landsins, en ekki því sem verður til undir lögleysu suðrænnar sólar og órekjanlegra kennitalna. Þeir neyðast til þess að finna sínar rætur hjá öryrkjum, eldri borgurum og fjölskyldufólki sem spyr sig einfaldrar, og kannski rótlausra spurninga; eins og: Á lífið ekki að vera auðveldara? Átti skattbyrðin til að mynda ekki að minnka? Eru það ekki rætur Sjálfstæðisflokksins; að leyfa okkur fá brauðmolana sem falla af borði þeirra? Samt er skattbyrði hinna lægst launuðu 16 prósent samkvæmt pistli Þórðar Snæs Júlíussonar á Kjarnanum. Árið 1998 var þessi skattbyrði fjögur prósent. Í rótfastri stjórnmálaheimspeki Sjálfstæðisflokksins, þykir eðlilegt að skattleggja jafnvel brauðmylsnurnar.Rætur annarra Aðrir stjórnmálaflokkar, eins og Píratar, þurfa að finna sínar rætur annars staðar en í kaffispjalli við LÍÚ. Þær eru ekki að finna í skjóli örfárra fjármagnseigenda. Píratar þurfa að leita í eigin tilfinningalíf, þar sem samkennd og skilningur ræður för. Í þeirri ómerkilegu rót, sem ristir ekki djúpt að mati Sjálfstæðisflokksins, má finna siðferðislega spurningu eins og: Erum við, sem þjóð, raunverulega að fara vísa landlausum börnum á brott vegna þess að stjórnsýslan er óbilgjörn? Svar hinna rótföstu ráðherra Sjálfstæðisflokksins er já. Við hin, þau sem finna enga sérstaka rót í ósveigjanlegu kerfi Sjálfstæðisflokksins, erum ekki svo viss.Brennandi eyðimörk Það er stundum sagt að plöntur og tré eigi rætur víða. Það er eðli þeirra. Að breiða úr sér og skapa nýtt líf. Þannig vaxa trén. Þannig birtast blómleg engi. En í tilfelli Sjálfstæðisflokksins á það ekki við. Þeirra rót er hnausþykk og liggur beint niður til LÍÚ. Þar er aðeins ein rót og hún leiðir til sérhagsmuna. Til myrkra leyndarmála. Og rótin teygir sig svo skelfilega langt niður að hitinn verður yfirgengilegur. Það er því ekki undarlegt þegar landsmenn velta því fyrir sér hvort þeir séu staddir í víti, þegar þeir horfa yfir brennandi eyðimörk Sjálfstæðisflokksins. Ég vil frekar eiga rætur hjá venjulegur fólki. Í venjulegum heimi. Í stjórnmálaflokki sem er rótlaus í huga Sjálfstæðisflokksins. Og það er kannski til marks um rótleysi annarra en Sjálfstæðisflokksins, að öll upplifum við sorg vegna ótrúlegra tíðinda i stjórnmálalífinu - nema kannski formaður Sjálfstæðisflokksins - því rót hans; hún liggur augljóslega annars staðar en hjá íslensku þjóðinni.Bjartmar Oddur Þeyr Alexandersson, Pírati Viltu birta grein á Vísi? Sendu okkur póst. Senda grein Mest lesið Halldór 26.05.2024 Halldór Minn maður mun standa í lappirnar Helgi Pétursson Skoðun Brjótum heimsblað! Hallgrímur Helgason Skoðun Hví Halla Hrund? – Skyldulesning! Ole Anton Bieltvedt Skoðun Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun Kjósum forseta sem við treystum Ingileif Jónsdóttir Skoðun Afhverju viltu fá trúð á Bessastaði? Diljá Ámundadóttir Zoega Skoðun Ég styð Baldur sem næsta forseta! Gunnar Alexander Ólafsson Skoðun Hvalveiðar á Íslandi, löng saga spillingar og sérhagsmunatengsla Valgerður Árnadóttir Skoðun Lestarsamgöngur milli Reykjavíkur og Keflavíkurflugvallar Guðmundur Björnsson Skoðun Skoðun Skoðun Jón Þór Stefánsson skrifar Skoðun Kvenskörung á Bessastaði Þorbergur Þórsson skrifar Skoðun Traustir skulu hornsteinar Jakob Bragi Hannesson skrifar Skoðun Ég treysti Katrínu Guðný Hildur Magnúsdóttir skrifar Skoðun ALDIN kallar eftir loftslagsaðgerðum Árni Bragason,Halldór Reynisson,Heiðrun Guðmundsdóttir,Dagný Halldórsdóttir,Tryggvi Felixson skrifar Skoðun Gallar frambjóðandans - hjálparhönd til óákveðinna Gunnar Helgason skrifar Skoðun Opið bréf til stjórnarformanns Gildis Björn Sævar Einarsson skrifar Skoðun Rjúfum þögnina: andlegt ofbeldi Alfa Jóhannsdóttir skrifar Skoðun Hvers vegna kýs ég „nörd“ í smáríkjafræðum sem forseta? Steinn Jóhannsson skrifar Skoðun Kjósum húmanista – Konu hugsjóna og framkvæmdargleði Birna Gunnlaugsdóttir skrifar Skoðun Óhollustan í að sópa gærdeginum undir teppi skrifar Skoðun Við eigum skilið Höllu Tómasdóttur! Thor Ólafsson skrifar Skoðun Halla Hrund Logadóttir: Framtíðarforseti Íslands? Sandra B. Franks skrifar Skoðun Að sitja vel í sjálfri sér Kolbrún Sverrisdóttir skrifar Skoðun Halla Tómasdóttir fyrir okkur unga fólkið Kári Sigfússon skrifar Skoðun Kjósum alvöru forseta en ekki óbreytt ástand Kári Allansson skrifar Skoðun Ætlar auðvaldinu loks að takast að ráða í forsetaembættið? Reynir Böðvarsson skrifar Skoðun Halla Hrund Logadóttir: Framtíðarforseti Íslands? Sandra B. Franks skrifar Skoðun Ég kýs Katrínu! Bjarnheiður Hallsdóttir skrifar Skoðun Opinber umræða í þágu hugsunar Gunnar Snorri Árnason skrifar Skoðun Hefur allt til brunns að bera Árný Björg Blandon skrifar Skoðun Brjótum heimsblað! Hallgrímur Helgason skrifar Skoðun Kjósum forseta sem við treystum Ingileif Jónsdóttir skrifar Skoðun Það skiptir máli hver er forseti landsins Unnar Geir Unnarsson skrifar Skoðun Sjálfstæði eða fall? Ágústa Ágústsdóttir skrifar Skoðun Afturbatapíka í skilgreiningu HKL Steingrímur Gunnarsson skrifar Skoðun Ó, vakna þú mín Þyrnirós! Ólafur H. Ólafsson skrifar Skoðun Kryddum tilveruna í skrautbúning Ásdís Rán Gunnarsdóttir skrifar Skoðun Er landið stjórnlaust og býr þjóðin við valdníðslu og rányrkju? Vilhelm Jónsson skrifar Skoðun Hví Halla Hrund? – Skyldulesning! Ole Anton Bieltvedt skrifar Sjá meira
Það er flókið að tengjast fólki. Það kallar á samskipti. Að skilja fólk. Að setja sig í fótspor annarrar manneskju. Því þannig tölum við saman. Við setjumst niður og hlustum. Þegar við tölum við hvort annað verður til djúpstæð tenging. Einhverskonar skilningur á milli manna og heimsins. Allar tilfinningar sem við finnum, eru ekki einstæðar, heldur sammannlegar. Og það er athyglisvert að engin tilfinning er einstök. Einhver hefur einhverntímann fundið það sama og við sjálf. Galdurinn er líklega sá að staldra við og greina þessa rauðu þræði hugar og líkama. Margslungin upplifun, eins og sorg, gerir það að verkum að viðkomandi tengist öllu mannkyninu í örskamma stund. Því við þekkjum öll tilfinninguna. Og því finnum við sameiginlega tengingu milli okkar sjálfra og allra hinna. Eina risastóra rót allra tilfinninga sem gjörvallt mannkynið deilir með sér. Og það er aðeins ein tenging af mörgum. Magnað, ekki satt?En svo kom Jens Ástæðan fyrir þessum hugleiðingum eru orð Bjarna Benediktssonar á blaðamannafundi síðastliðinn föstudag. Þegar hann talaði um stjórnmálaflokka með rætur. Þannig mátti skilja á orðum hans að ný framboð, stjórnmálaflokkar sem hafa ekki verið til í um hundrað ár, hafi ekki rætur sem til þarf í stjórnmálum. Orðin koma auðvitað einkennilega fyrir sjónir. Þá sérstaklega fyrir þær ástæður að sama dag og Bjarni leitaði í sínar rætur, kom Jens Garðar Helgason, framkvæmdastjóri Samtaka fyrirtækja í sjávarútvegi (LÍÚ) í óvænta heimsókn upp í Valhöll. Það var þremur tímum fyrir blaðamannafund, rétt áður en Bjarni útskýrði fyrir landsmönnum að gjörningur Bjartrar framtíðar um að slíta samstarfi við Sjálfstæðisflokkinn, væri nánast óskiljanlegur í þeirra huga. Í það minnsta hneykslanlegur.Mundu hvar ræturnar liggja En það afhjúpaði á sama tíma rætur Sjálfstæðisflokksins. þessa gamalgróna flokks, sem finnur styrk í ylvolgum kaffibolla með formanni LÍÚ. Og maður ímyndar sér að Jens hafi talað í hann kjark. Minnt hann á rætur Sjálfstæðisflokksins. Hvar heimsmyndin lægi í raun og veru. „Mundu hvar rætur Sjálfstæðisflokksins liggja,“ hefur hann kannski hvíslað að Bjarna sem faldi andlitið í höndum sér. Svo supu þeir af kaffinu. Þeir kinkuðu kolli til hvors annars og skiptust á merkingarfullum augnráðum. Bjarni fann stoltið á ný. Því auðvitað mundi hann það.Suðræn sól og órekjanlegar kennitölur Aðrir stjórnmálaflokkar, þessir sem yngri eru, og þykja varla stjórntækir í huga hinna rótföstu Sjálfstæðismanna, rista ekki svo djúpt. Þeir þurfa að sætta sig við einföld samskipti manna á milli. Að skilja veruleika þeirra sem lifa í raunverulegu hagkerfi landsins, en ekki því sem verður til undir lögleysu suðrænnar sólar og órekjanlegra kennitalna. Þeir neyðast til þess að finna sínar rætur hjá öryrkjum, eldri borgurum og fjölskyldufólki sem spyr sig einfaldrar, og kannski rótlausra spurninga; eins og: Á lífið ekki að vera auðveldara? Átti skattbyrðin til að mynda ekki að minnka? Eru það ekki rætur Sjálfstæðisflokksins; að leyfa okkur fá brauðmolana sem falla af borði þeirra? Samt er skattbyrði hinna lægst launuðu 16 prósent samkvæmt pistli Þórðar Snæs Júlíussonar á Kjarnanum. Árið 1998 var þessi skattbyrði fjögur prósent. Í rótfastri stjórnmálaheimspeki Sjálfstæðisflokksins, þykir eðlilegt að skattleggja jafnvel brauðmylsnurnar.Rætur annarra Aðrir stjórnmálaflokkar, eins og Píratar, þurfa að finna sínar rætur annars staðar en í kaffispjalli við LÍÚ. Þær eru ekki að finna í skjóli örfárra fjármagnseigenda. Píratar þurfa að leita í eigin tilfinningalíf, þar sem samkennd og skilningur ræður för. Í þeirri ómerkilegu rót, sem ristir ekki djúpt að mati Sjálfstæðisflokksins, má finna siðferðislega spurningu eins og: Erum við, sem þjóð, raunverulega að fara vísa landlausum börnum á brott vegna þess að stjórnsýslan er óbilgjörn? Svar hinna rótföstu ráðherra Sjálfstæðisflokksins er já. Við hin, þau sem finna enga sérstaka rót í ósveigjanlegu kerfi Sjálfstæðisflokksins, erum ekki svo viss.Brennandi eyðimörk Það er stundum sagt að plöntur og tré eigi rætur víða. Það er eðli þeirra. Að breiða úr sér og skapa nýtt líf. Þannig vaxa trén. Þannig birtast blómleg engi. En í tilfelli Sjálfstæðisflokksins á það ekki við. Þeirra rót er hnausþykk og liggur beint niður til LÍÚ. Þar er aðeins ein rót og hún leiðir til sérhagsmuna. Til myrkra leyndarmála. Og rótin teygir sig svo skelfilega langt niður að hitinn verður yfirgengilegur. Það er því ekki undarlegt þegar landsmenn velta því fyrir sér hvort þeir séu staddir í víti, þegar þeir horfa yfir brennandi eyðimörk Sjálfstæðisflokksins. Ég vil frekar eiga rætur hjá venjulegur fólki. Í venjulegum heimi. Í stjórnmálaflokki sem er rótlaus í huga Sjálfstæðisflokksins. Og það er kannski til marks um rótleysi annarra en Sjálfstæðisflokksins, að öll upplifum við sorg vegna ótrúlegra tíðinda i stjórnmálalífinu - nema kannski formaður Sjálfstæðisflokksins - því rót hans; hún liggur augljóslega annars staðar en hjá íslensku þjóðinni.Bjartmar Oddur Þeyr Alexandersson, Pírati
Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun
Skoðun ALDIN kallar eftir loftslagsaðgerðum Árni Bragason,Halldór Reynisson,Heiðrun Guðmundsdóttir,Dagný Halldórsdóttir,Tryggvi Felixson skrifar
Rýnum í rót lestrarvandans. Hvað ert þú að gera til að styðja við barn í þínu nærumhverfi ? Rakel Linda Kristjánsdóttir Skoðun