Hillingar frumsýna myndband: „Fjallar opinskátt um þunglyndi og kvíðaraskanir“ Stefán Árni Pálsson skrifar 31. ágúst 2017 11:30 Virkilega vel unnið lag og myndband. „Fyrsta útgefna lag Hillinga er lagið Hyldýpi sem varð til í mars síðastliðnum. Okkur langaði að gera lag sem fjallar opinskátt um þunglyndi og kvíðaraskanir, þá sérstaklega hjá ungum karlmönnum á Íslandi,“ segir Árni Beinteinn, tónlistarmaðurinn og leikstjórinn, um lag og myndband sem Hillingar frumsýna á Vísi í dag. Sveitin mun frumsýna ný myndbönd næstu þrjá fimmtudaga hér á Lífinu. Árni segir að myndbandið við lagið Hyldýpi standi í raun eitt og sér sem lítil stuttmynd um málefnið. Myndböndin voru öll frumsýnd fyrir vinum og vandamönnum á Húrra í gærkvöldi. „Umræðan um geðheilbrigði hefur verið sýnileg á samfélagsmiðlum og í fjölmiðlum að undanförnu en þó er sjaldan talað beint um þunglyndi eða sjálfsvíg. Það er þó staðreynd að mjög mörg ungmenni á Íslandi glíma við andlega vanlíðan á einn hátt eða annan og það verður að vera hægt að tala um þetta. Það má ekki forðast umræðuna og gera hana tabú.“ Hann segir að hljómsveitameðlimirnir séu alls ekki sérfræðingar í málum að þessum toga. „En þetta stendur okkur nærri rétt eins og svo mörgum öðrum í íslensku samfélagi. Við þekkjum til fjölda stráka á okkar aldri sem hafa ekki séð aðra leið en að taka sitt eigið líf á síðastliðnum árum. Það er þyngra en tárum taki. Þunglyndi og kvíðaraskanir eru mjög algengar í samfélaginu þrátt fyrir að fólk beri það ekki alltaf utan á sér.“ Árni segir að það sé sjaldan hægt að sjá það á fólki hvað það sé að ganga í gegnum og upplifa. „Þess vegna er svo mikilvægt að ræða þessi mál. Aðeins með fræðslu og umræðu má koma í veg fyrir skilningsleysi og fordóma. Okkur langaði að gefa frá okkur þetta lag, Hyldýpi, og myndbandið til að vekja athygli á þessum málefnum á opinskáan hátt. Þannig þarf umræðan að vera. Umfjöllunarefni lagsins og myndbandsins snertir okkur öll.“Árni Beinteinn leikur sjálfur í myndbandinu.Hljómsveitin Hillingar gefur út sína fyrstu smáskífu þann 31. ágúst á Spotify. Platan ber nafnið Brenndir á bálkesti og inniheldur fimm lög. Þá ætla Hillingar að gefa út þrjú tónlistarmyndbönd næstu þrjár vikurnar, eitt lag á viku. Fyrsta myndbandið er við lagið Hyldýpi og verður gefið út á YouTube sama dag og smáskífan, 31. ágúst. Myndböndin eru tiltölulega óhefðbundin að því leiti að hvert og eitt þeirra er sjálfstæð saga sem stendur eitt og sér sem einhvers konar stuttmynd. „Við syngjum ekki í myndavél heldur leikum hver og einn ákveðinn karakter í myndbandinu sem tengjast allir á einn hátt eða annan. Það er saga og hugmyndafræði á bakvið hvert lag sem sveitin gefur frá sér, bæði í textagerðinni sem og í myndböndin sem oftast haldast í hendur. Þar fyrir utan eru öll myndböndin svarthvít af ástæðum sem munu komu í ljós þegar fram líða stundir,“ segir Árni. Hillingar eru þeir Stefán Þór Þorgeirsson, Árni Beinteinn og Jóhannes Gauti Óttarsson sem einnig er taktsmiður sveitarinnar. Einnig er framleiðandinn Ísarr Nikulás Gunnarsson þeim innan handar við alla hugmyndavinnu. Þeir titla eigin stíl sem melódískt rapp þar sem vönduð og góð íslenska er í hávegum höfð. Þeir hafa til að mynda alltaf haft þá reglu að nota ekki enskuslettur og blótsyrði í textunum. Þá er það stefna sveitarinnar að láta tónlistarmyndbönd fylgja öllum útgefnum lögum og má því búast við alla vega fjórum myndböndum í viðbót á næstunni. Hillingar unnu til verðlauna fyrir textagerð í úrslitum Músíktilrauna í mars síðastliðnum. Brenndir á bálkesti er fyrsta smáskífa sveitarinnar er þremenningarnir hafa nú þegar lagt drög að tveimur öðrum plötum í þríleik sem hefur ákveðið upphaf og endi. Mest lesið Millie Bobby Brown og sonur Bon Jovi orðin hjón Lífið Forsetaáskorunin: Lærbraut sig út í móa og beið lengi eftir aðstoð Lífið Binni Glee hrundi til jarðar í Köben Lífið Af vængjum fram: Borðaði vængi með hníf og gaffli og sagðist vera saddur Lífið Balti hélt að Pálmi myndi aldrei mæta Bíó og sjónvarp Fréttatía vikunnar: Forsetakosningar, ókyrrð og kisur Lífið Sitt sýnist hverjum um nýja mynd af Katrínu Lífið Af vængjum fram: „Ég er að breytast í dreka hérna með þér“ Lífið Stofutónleikar Bubba og Víkings Heiðars til stuðnings Katrínu Lífið Davíð Smári og Kolla selja glæsilega útsýnishæð Lífið Fleiri fréttir Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Sjá meira
„Fyrsta útgefna lag Hillinga er lagið Hyldýpi sem varð til í mars síðastliðnum. Okkur langaði að gera lag sem fjallar opinskátt um þunglyndi og kvíðaraskanir, þá sérstaklega hjá ungum karlmönnum á Íslandi,“ segir Árni Beinteinn, tónlistarmaðurinn og leikstjórinn, um lag og myndband sem Hillingar frumsýna á Vísi í dag. Sveitin mun frumsýna ný myndbönd næstu þrjá fimmtudaga hér á Lífinu. Árni segir að myndbandið við lagið Hyldýpi standi í raun eitt og sér sem lítil stuttmynd um málefnið. Myndböndin voru öll frumsýnd fyrir vinum og vandamönnum á Húrra í gærkvöldi. „Umræðan um geðheilbrigði hefur verið sýnileg á samfélagsmiðlum og í fjölmiðlum að undanförnu en þó er sjaldan talað beint um þunglyndi eða sjálfsvíg. Það er þó staðreynd að mjög mörg ungmenni á Íslandi glíma við andlega vanlíðan á einn hátt eða annan og það verður að vera hægt að tala um þetta. Það má ekki forðast umræðuna og gera hana tabú.“ Hann segir að hljómsveitameðlimirnir séu alls ekki sérfræðingar í málum að þessum toga. „En þetta stendur okkur nærri rétt eins og svo mörgum öðrum í íslensku samfélagi. Við þekkjum til fjölda stráka á okkar aldri sem hafa ekki séð aðra leið en að taka sitt eigið líf á síðastliðnum árum. Það er þyngra en tárum taki. Þunglyndi og kvíðaraskanir eru mjög algengar í samfélaginu þrátt fyrir að fólk beri það ekki alltaf utan á sér.“ Árni segir að það sé sjaldan hægt að sjá það á fólki hvað það sé að ganga í gegnum og upplifa. „Þess vegna er svo mikilvægt að ræða þessi mál. Aðeins með fræðslu og umræðu má koma í veg fyrir skilningsleysi og fordóma. Okkur langaði að gefa frá okkur þetta lag, Hyldýpi, og myndbandið til að vekja athygli á þessum málefnum á opinskáan hátt. Þannig þarf umræðan að vera. Umfjöllunarefni lagsins og myndbandsins snertir okkur öll.“Árni Beinteinn leikur sjálfur í myndbandinu.Hljómsveitin Hillingar gefur út sína fyrstu smáskífu þann 31. ágúst á Spotify. Platan ber nafnið Brenndir á bálkesti og inniheldur fimm lög. Þá ætla Hillingar að gefa út þrjú tónlistarmyndbönd næstu þrjár vikurnar, eitt lag á viku. Fyrsta myndbandið er við lagið Hyldýpi og verður gefið út á YouTube sama dag og smáskífan, 31. ágúst. Myndböndin eru tiltölulega óhefðbundin að því leiti að hvert og eitt þeirra er sjálfstæð saga sem stendur eitt og sér sem einhvers konar stuttmynd. „Við syngjum ekki í myndavél heldur leikum hver og einn ákveðinn karakter í myndbandinu sem tengjast allir á einn hátt eða annan. Það er saga og hugmyndafræði á bakvið hvert lag sem sveitin gefur frá sér, bæði í textagerðinni sem og í myndböndin sem oftast haldast í hendur. Þar fyrir utan eru öll myndböndin svarthvít af ástæðum sem munu komu í ljós þegar fram líða stundir,“ segir Árni. Hillingar eru þeir Stefán Þór Þorgeirsson, Árni Beinteinn og Jóhannes Gauti Óttarsson sem einnig er taktsmiður sveitarinnar. Einnig er framleiðandinn Ísarr Nikulás Gunnarsson þeim innan handar við alla hugmyndavinnu. Þeir titla eigin stíl sem melódískt rapp þar sem vönduð og góð íslenska er í hávegum höfð. Þeir hafa til að mynda alltaf haft þá reglu að nota ekki enskuslettur og blótsyrði í textunum. Þá er það stefna sveitarinnar að láta tónlistarmyndbönd fylgja öllum útgefnum lögum og má því búast við alla vega fjórum myndböndum í viðbót á næstunni. Hillingar unnu til verðlauna fyrir textagerð í úrslitum Músíktilrauna í mars síðastliðnum. Brenndir á bálkesti er fyrsta smáskífa sveitarinnar er þremenningarnir hafa nú þegar lagt drög að tveimur öðrum plötum í þríleik sem hefur ákveðið upphaf og endi.
Mest lesið Millie Bobby Brown og sonur Bon Jovi orðin hjón Lífið Forsetaáskorunin: Lærbraut sig út í móa og beið lengi eftir aðstoð Lífið Binni Glee hrundi til jarðar í Köben Lífið Af vængjum fram: Borðaði vængi með hníf og gaffli og sagðist vera saddur Lífið Balti hélt að Pálmi myndi aldrei mæta Bíó og sjónvarp Fréttatía vikunnar: Forsetakosningar, ókyrrð og kisur Lífið Sitt sýnist hverjum um nýja mynd af Katrínu Lífið Af vængjum fram: „Ég er að breytast í dreka hérna með þér“ Lífið Stofutónleikar Bubba og Víkings Heiðars til stuðnings Katrínu Lífið Davíð Smári og Kolla selja glæsilega útsýnishæð Lífið Fleiri fréttir Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sumarleg pitaya-skál frá Balí sem þú verður að prófa Af vængjum fram: Borðaði vængi með hníf og gaffli og sagðist vera saddur Opnar sig um ofbeldið af hálfu Diddy Bæjarstjórn Garðabæjar ætlar að reisa styttu af kettinum Sushi Myndaveisla: Hlátrasköll ómuðu um Elliðaárdal Snerting Egils Ólafssonar við lífið og tilveruna Forsetaáskorunin: Álíka nagli og Jason Statham Davíð Smári og Kolla selja glæsilega útsýnishæð Styrkja kaup á sérhönnuðu listaverki Ólafs Elíassonar Eigendur Sportvörur.is selja einbýlið í Garðabæ Eins árs leikhússkóli fyrir ungt fólk stofnaður í Þjóðleikhúsinu Segir konur fórna líkama sínum og heilsu á meðgöngu Nefnir nautin eftir þekktum íslenskum röppurum og Bent er alltaf með eitthvað vesen Svaraði engu um Affleck Alexandra greifynja breytir nafninu Birnir og Bríet gefa saman út plötu Einn stofnenda Train er látinn Forsetaáskorunin: Fraus á fyrsta Ted fyrirlestrinum en fann sig í augum Sally Fields Sjá meira