Lífið

Gleðigangan 2017 í allri sinni dýrð

Kolbeinn Tumi Daðason skrifar
Múgur og margmenni fylgist með göngunni ár hvert.
Múgur og margmenni fylgist með göngunni ár hvert. Vísir/Hanna

Gleðiganga hinsegin fólks á Íslandi verður sýnd í beinni útsendingu á Vísi líkt og í fyrra. Útsendingin hefst klukkan 14.00 en fylgjast má með henni í spilaranum hér að ofan.

Gleðigangan er hápunktur hinsegin daga, sem staðið hafa alla vikuna. Í göngunni sameinast lesbíur, hommar, tví- og pankynhneigðir, trans fólk, intersex og aðrir hinsegin einstaklingar í einum hópi ásamt fjölskyldum og vinum til að staðfesta tilveru sína, sýnileika og gleði.

Að vanda verður mikið um dýrðir í göngunni en auk skrautlegra þemavagna, búninga og tónlistar er gleðigangan vettvangur til að minna á þau baráttumál sem skipa hinsegin fólk hvað mestu máli hverju sinni.

Gengið verður öfuga leið í ár. Gangan hefst við Arnarhól þaðan sem gengið verður niður Hverfisgötu, svo Lækjargötu og áfram Fríkirkjuveg og Sóleyjargötu. Útihátíð fer svo fram í Hljómskálagarðinum. Þetta er í nítjánda skipti sem hátíðin fer fram hér á landi.

Hægt er að sjá útsendinguna í heild sinni í spilaranum hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira