Á ystu nöf fyrir Instagram Hulda Hólmkelsdóttir skrifar 10. ágúst 2017 09:00 Fólk gengur mislangt fyrir Instagram. Instagram Svo virðist vera að nokkuð algengt sé að erlendir ferðamenn komi sjálfum sér og öðrum í hættu við myndatökur í Dyrhólaey. Þegar rennt er í gegnum samfélagsmiðilinn Instagram og leitað að staðsetningunni og myllumerkinu Dyrhólaey birtist fjöldi mynda þar sem fólk hefur farið yfir sérmerktar girðingar og út á klettasyllur til að ná fallegri mynd yfir Dyrhólafjöru. Veðurstofan gerði úttekt á svæðinu árið 2015 og lagði til að bæði klettabrúninni og fjörunni yrði lokað vegna hrunhættu. Umhverfisstofnun hefur síðan sett upp girðingar og merkingar en fólk virðist ekki alltaf virða merkingarnar. „Í Dyrhólaey getur verið svakalega flott brim. Það er alveg hægt að standa bara á öruggum stað og njóta þess en mjög oft fara menn undir og yfir allar keðjur og út á ystu nöf. Það er algengt að sjá það, ekki bara þarna heldur bara alls staðar. Þetta er náttúrulega bara matsatriði, hvenær það er hættulegt. En stundum sér maður sjó ganga yfir fólk,“ segir Teitur Þorkelsson leiðsögumaður í samtali við Vísi.Teitur Þorkelsson, leiðsögumaður.Vísir/Heiða„Annars vegar er það Dyrhólaey sjálf, háa eyjan sem er með vitanum. Þar er fólk öruggt frá hafinu, en auðvitað er hægt að fara fram af björg. Svo er neðri eyjan sem flestir fara á. Þar eru mjög flottar klettamyndanir og mikið brim oft. Þar eru menn líka að klöngrast langt út á einhverja kletta. Það getur í sjálfu sér verið hættulegt en sennilega, ég held að flestir heimamenn séu sammála um það að hættulegasti staðurinn er niður í Kirkjufjöru.“ Hákon Ásgeirsson, landvörður og sérfræðingur Umhverfisstofnunar á Suðurlandi, segir það beinlínis hættulegt að fara út fyrir merkt svæði í eynni, en þrjú banaslys hafa orðið í fjörunum í kringum Dyrhólaey síðastliðinn áratug. „Ekki bara af því það er hætta á að detta fram af brúninni heldur líka vegna þess að það hrynur úr henni. Stundum er nóg að stíga út á brúnina og þá hrynur úr henni,“ segir Hákon í samtali við Vísi.Þessi ofurhugi segist bara vera að hanga.Skjáskot/Instagram„Á háeynni er útsýnisstaður yfir gatið, eða dyrina í Dyrhólaey. Það er algengt að fólk vill fara þar yfir keðjuna og ná betri mynd af sér og gatinu.“ Hann segir þó að það heyri til undantekninga að fólk sé hætt komið á svæðinu. „95 prósent af fólkinu sem heimsækir Dyrhólaey fer ekki yfir girðinguna. Það er þetta 1-5% sem fer mest fyrir. Ég myndi ekki beint segja að þetta sé algengt.“ Hákon segir að aukið upplýsingaflæði á svæðinu hafi gert það að verkum að fólk er varkárara á svæðinu þar sem náttúran getur verið hættuleg. „Ef fólk fær meiri fræðslu, sem við landverðir erum að gera þá verður fólk meðvitaðra um hætturnar. Stundum fara bannskilti fyrir brjóstið á fólki, en ef það fær fræðslu þá virðir það merkingar frekar.“ Mest lesið Lögregla rannsakar andlát í Bolungarvík Innlent Vill kvittanir frá framboði Höllu Innlent Trump lofar að útrýma mótmælum til stuðnings Palestínu Erlent Huldumaður bað um skóflu, límband, hanska og kúbein Innlent Tafir á Miklubraut í sumar vegna framkvæmda Innlent Notaði niðrandi orð um samkynhneigða karla á lokuðum fundi Erlent Gæti haft gríðarlega þýðingu fyrir Ísafjörð Innlent Baráttan um Bessastaði gæti orðið gífurlega spennandi Innlent Dúxaði í Verzló með tíu í einkunn og ári á undan í skóla Innlent Börnin eru fundin Innlent Fleiri fréttir Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Huldumaður bað um skóflu, límband, hanska og kúbein Soffía er nýr skólameistari FSu Forsetakosningar, kjaradeilur og hundrað kílómetra ganga Tveir bílar skullu saman í Kolgrafarfirði Ungmenni kveiktu í skólabókum Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Sjá meira
Svo virðist vera að nokkuð algengt sé að erlendir ferðamenn komi sjálfum sér og öðrum í hættu við myndatökur í Dyrhólaey. Þegar rennt er í gegnum samfélagsmiðilinn Instagram og leitað að staðsetningunni og myllumerkinu Dyrhólaey birtist fjöldi mynda þar sem fólk hefur farið yfir sérmerktar girðingar og út á klettasyllur til að ná fallegri mynd yfir Dyrhólafjöru. Veðurstofan gerði úttekt á svæðinu árið 2015 og lagði til að bæði klettabrúninni og fjörunni yrði lokað vegna hrunhættu. Umhverfisstofnun hefur síðan sett upp girðingar og merkingar en fólk virðist ekki alltaf virða merkingarnar. „Í Dyrhólaey getur verið svakalega flott brim. Það er alveg hægt að standa bara á öruggum stað og njóta þess en mjög oft fara menn undir og yfir allar keðjur og út á ystu nöf. Það er algengt að sjá það, ekki bara þarna heldur bara alls staðar. Þetta er náttúrulega bara matsatriði, hvenær það er hættulegt. En stundum sér maður sjó ganga yfir fólk,“ segir Teitur Þorkelsson leiðsögumaður í samtali við Vísi.Teitur Þorkelsson, leiðsögumaður.Vísir/Heiða„Annars vegar er það Dyrhólaey sjálf, háa eyjan sem er með vitanum. Þar er fólk öruggt frá hafinu, en auðvitað er hægt að fara fram af björg. Svo er neðri eyjan sem flestir fara á. Þar eru mjög flottar klettamyndanir og mikið brim oft. Þar eru menn líka að klöngrast langt út á einhverja kletta. Það getur í sjálfu sér verið hættulegt en sennilega, ég held að flestir heimamenn séu sammála um það að hættulegasti staðurinn er niður í Kirkjufjöru.“ Hákon Ásgeirsson, landvörður og sérfræðingur Umhverfisstofnunar á Suðurlandi, segir það beinlínis hættulegt að fara út fyrir merkt svæði í eynni, en þrjú banaslys hafa orðið í fjörunum í kringum Dyrhólaey síðastliðinn áratug. „Ekki bara af því það er hætta á að detta fram af brúninni heldur líka vegna þess að það hrynur úr henni. Stundum er nóg að stíga út á brúnina og þá hrynur úr henni,“ segir Hákon í samtali við Vísi.Þessi ofurhugi segist bara vera að hanga.Skjáskot/Instagram„Á háeynni er útsýnisstaður yfir gatið, eða dyrina í Dyrhólaey. Það er algengt að fólk vill fara þar yfir keðjuna og ná betri mynd af sér og gatinu.“ Hann segir þó að það heyri til undantekninga að fólk sé hætt komið á svæðinu. „95 prósent af fólkinu sem heimsækir Dyrhólaey fer ekki yfir girðinguna. Það er þetta 1-5% sem fer mest fyrir. Ég myndi ekki beint segja að þetta sé algengt.“ Hákon segir að aukið upplýsingaflæði á svæðinu hafi gert það að verkum að fólk er varkárara á svæðinu þar sem náttúran getur verið hættuleg. „Ef fólk fær meiri fræðslu, sem við landverðir erum að gera þá verður fólk meðvitaðra um hætturnar. Stundum fara bannskilti fyrir brjóstið á fólki, en ef það fær fræðslu þá virðir það merkingar frekar.“
Mest lesið Lögregla rannsakar andlát í Bolungarvík Innlent Vill kvittanir frá framboði Höllu Innlent Trump lofar að útrýma mótmælum til stuðnings Palestínu Erlent Huldumaður bað um skóflu, límband, hanska og kúbein Innlent Tafir á Miklubraut í sumar vegna framkvæmda Innlent Notaði niðrandi orð um samkynhneigða karla á lokuðum fundi Erlent Gæti haft gríðarlega þýðingu fyrir Ísafjörð Innlent Baráttan um Bessastaði gæti orðið gífurlega spennandi Innlent Dúxaði í Verzló með tíu í einkunn og ári á undan í skóla Innlent Börnin eru fundin Innlent Fleiri fréttir Lögregla rannsakar andlát í Bolungarvík Vill kvittanir frá framboði Höllu Baráttan um Bessastaði gæti orðið gífurlega spennandi Háspennubilun í Breiðholti Gæti haft gríðarlega þýðingu fyrir Ísafjörð Tafir á Miklubraut í sumar vegna framkvæmda Huldumaður bað um skóflu, límband, hanska og kúbein Soffía er nýr skólameistari FSu Forsetakosningar, kjaradeilur og hundrað kílómetra ganga Tveir bílar skullu saman í Kolgrafarfirði Ungmenni kveiktu í skólabókum Einn til viðbótar í gæsluvarðhald en öðrum sleppt Börnin eru fundin Heilablóðfall sjaldgæfur fylgikvilli eftir ósæðarlokuskipti Efling vísar deilu við borgina til sáttasemjara Stefnir í að losunarskuldbindingar náist Andrea Kristín enn dæmd í fangelsi Lending í Nauthólsvík lengi ferðina um korter til tuttugu mínútur Brosandi þótt aftur sé ekið á flugvél Verzlinga Aðalmeðferð í Bátavogsmálinu fer fram í sumar Ástþór eyðir langmestu Kosningaúrslit yfirleitt nálægt niðurstöðum kannana „Þetta er bara eins og að finna gull“ Þyrlulæknar ósáttir og Ísfirðingar fagna heitavatnsfundi Dúxaði í Verzló með tíu í einkunn og ári á undan í skóla Taldir hafa sviðsett árekstur í Hafnarfirði Myndi ekki syrgja brotthvarf neftóbaksins Fluttur með þyrlu vegna vinnuslyss á bóndabæ Flugferð aflýst eftir að þjónustubíll rakst í flugvél Meðhöndlarinn farinn að nudda á Kvíabryggju Sjá meira