1.500 heimilislæknar í Hörpu Þórarinn Ingólfsson skrifar 15. júní 2017 09:30 Heilbrigðiskerfi heimsins standa frammi fyrir miklum áskorunum og eru ekki að uppfylla væntingar almennings. Það gætir óþolinmæði hjá almenningi þegar heilbrigðisþjónustan nær ekki markmiðum sínum. Flestir eru sammála um að heilbrigðiskerfin þurfi að bregðast við þessum áskorunum hraðar og betur. Alþjóðlegum heilbrigðisyfirvöldum og í nágrannaríkjum okkar er mönnum orðið ljóst á síðustu árum að það er heilsugæslan sem á áhrifaríkastan hátt getur svarað þessum áskorunum. Heilsugæslan annast fólk og læknar það, færir því hvatningu og hughreystir það og eflir á öruggan og árangursríkan hátt. Heilsugæslan veitir sína þjónustu á ytri mörkum heilbrigðiskerfisins og er tengiliður þess við ýmsa þjónustu, sjúkrahús og sérfræðinga. Heilsugæslan flokkar ekki fólk eftir sjúkdómsgreiningum, kyni eða aldri, allir eru velkomnir alltaf og það er réttur fólks að aðgangur að heilsugæslu sé óhindraður. Þetta er það sem liggur að baki þegar gerð er krafa um að heilsugæslan eigi að vera „fyrsti viðkomustaðurinn“. Heimilislæknar hafa verið í fararbroddi þeirra lækna sem benda á að lausnir á áskorunum þeim sem við blasa á 21. öldinni felist ekki í nýrri tækni, fjarlækningum, nýjum „öppum“, eða straumlínulækningum. Hefja þarf til vegs og virðingar nálægð læknisins og annars vel þjálfaðs heilbrigðisstarfsfólks við sjúklingana. Forðast ber oflækningar og ofgreiningar hvers konar. Í framlínunni verður aðgengi að heilbrigðisstarfsfólki með mikla færni í sjúkdómsgreiningu að vera gott og skilningur á mikilvægi þess vanda sem fólk glímir við og hver viðeigandi úrræði eru. Fyrsta skylda læknisins er að valda ekki skaða í viðleitni sinni til að hjálpa. Þema ráðstefnunnar er „from the core“, eða frá hjarta læknisfræðinnar, þar sem læknisviðtalið og færni læknisins og traust til hans er nýtt til heilsueflingar og forvarna og til að bregðast við þegar heilsuvandi knýr dyra. Til þess að finna bestu lausnirnar fyrir hvern og einn verður að vera til staðar traust og þekking og gott aðgengi að heilsugæslu. Nú stendur yfir í Hörpu ein stærsta læknaráðstefna sem haldin hefur verið á Íslandi. Um er að ræða norrænt þing heimilislækna sem haldið er annað hvert ár og skiptast Norðurlöndin 5 á að halda þingið. Íslenskir heimilislæknar hafa undirbúið ráðstefnuna nú og hafa veg og vanda af og er um met aðsókn að ræða. 1.450 heimilislæknar frá 27 mismunandi löndum hafa skráð sig til að skiptast á skoðunum og ráða ráðum sínum um framtíð heimilislækninga og heilsugæslu. Óhætt er að fullyrða að Norðurlöndunum hefur tekist vel að þróa heilsugæslu grunnstoð heilbrigðiskerfa sinna og horfa önnur lönd í Evrópu og víðar til Norðurlanda. Áfram heilsugæslan! Höfundur er formaður Félags íslenskra heimilislækna. Viltu birta grein á Vísi? Sendu okkur póst. Senda grein Birtist í Fréttablaðinu Mest lesið Vegið að æru embættismanna Bjarkey Olsen Gunnarsdóttir Skoðun Til óákveðinna kjósenda Eygló Halldórsdóttir Skoðun Opið bréf til forsetaframbjóðenda Elín Erna Steinarsdóttir Skoðun Afhverju viltu fá trúð á Bessastaði? Diljá Ámundadóttir Zoega Skoðun Ómetanleg leiðsögn Magnús Ingi Óskarsson Skoðun Snúningshurðin í ráðuneytinu Jón Kaldal Skoðun Sameiningaraflið Katrín Jakobsdóttir Kári Bjarnason Skoðun Sjókvíafúskið mikla Rán Flygenring Skoðun Það þarf þyrlupall við þjóðarsjúkrahúsið Hópur lækna á þyrlum Landhelgisgæslunnar Skoðun Vegna hvers kýs ég Katrínu Jón Kristjánsson Skoðun Skoðun Skoðun A Letter of Encouragement for Voters of Foreign Origin. Nichole Leigh Mosty skrifar Skoðun Sameiningaraflið Katrín Jakobsdóttir Kári Bjarnason skrifar Skoðun Snúningshurðin í ráðuneytinu Jón Kaldal skrifar Skoðun Til óákveðinna kjósenda Eygló Halldórsdóttir skrifar Skoðun Opið bréf til forsetaframbjóðenda Elín Erna Steinarsdóttir skrifar Skoðun Ómetanleg leiðsögn Magnús Ingi Óskarsson skrifar Skoðun Vegið að æru embættismanna Bjarkey Olsen Gunnarsdóttir skrifar Skoðun Hverjum treystum við fyrir fjöreggjunum okkar? skrifar Skoðun Stöndum í lappirnar! Vilborg Gunnarsdóttir skrifar Skoðun Gjöf sem gefur Halla Tómasdóttir skrifar Skoðun Vegna hvers kýs ég Katrínu Jón Kristjánsson skrifar Skoðun Hvar er sómakenndin? Blakleikur Ísraels og Íslands Hrönn Guðmundsdóttir,Ragnhildur Hólmgeirsdóttir skrifar Skoðun Alþingi slátrar jafnræðisreglunni Ólafur Stephensen skrifar Skoðun Málfarslöggan verk sín vann Ari Páll Kristinsson skrifar Skoðun Verðmæti Döff kjósenda Mordekaí Elí Esrason skrifar Skoðun Nýja hægrið Davíð Bergmann skrifar Skoðun Afhverju viltu fá trúð á Bessastaði? Diljá Ámundadóttir Zoega skrifar Skoðun Heldur þann besta en þann næstbesta! Vilhjálmur B. Bragason skrifar Skoðun Vel gert! Halla Signý Kristjánsdóttir skrifar Skoðun Halla Hrund; vörður auðlinda og nýsköpunar Valdimar Össurarson skrifar Skoðun Forsetabaráttan: Hin fimm fræknu og leiðtogafræðin Sigurður Ragnarsson skrifar Skoðun Sýnileiki og styrkur þjóðar Ásdís Þórhallsdóttir skrifar Skoðun Velferð fólks framar markaðsvæddri netsölu áfengis Guðmundur Ingi Guðbrandsson skrifar Skoðun Halla Hrund, Halla Tómasdóttir eða Katrín Jakobsdóttir? Reynir Böðvarsson skrifar Skoðun Það þarf þyrlupall við þjóðarsjúkrahúsið Hópur lækna á þyrlum Landhelgisgæslunnar skrifar Skoðun Vonandi endurtekur sagan sig! Ole Anton Bieltvedt skrifar Skoðun Halla Hrund - Þarf fólk eins og þig, fyrir fólk eins og mig? Tómas Ellert Tómasson skrifar Skoðun Kjósum sterkan leiðtoga Guðlaug Hrönn Jóhannsdóttir skrifar Skoðun Munu kosningar bjarga Bretlandi? Guðmundur Einarsson skrifar Skoðun Hvers konar bull er þetta ! Fjölnir Sæmundsson skrifar Sjá meira
Heilbrigðiskerfi heimsins standa frammi fyrir miklum áskorunum og eru ekki að uppfylla væntingar almennings. Það gætir óþolinmæði hjá almenningi þegar heilbrigðisþjónustan nær ekki markmiðum sínum. Flestir eru sammála um að heilbrigðiskerfin þurfi að bregðast við þessum áskorunum hraðar og betur. Alþjóðlegum heilbrigðisyfirvöldum og í nágrannaríkjum okkar er mönnum orðið ljóst á síðustu árum að það er heilsugæslan sem á áhrifaríkastan hátt getur svarað þessum áskorunum. Heilsugæslan annast fólk og læknar það, færir því hvatningu og hughreystir það og eflir á öruggan og árangursríkan hátt. Heilsugæslan veitir sína þjónustu á ytri mörkum heilbrigðiskerfisins og er tengiliður þess við ýmsa þjónustu, sjúkrahús og sérfræðinga. Heilsugæslan flokkar ekki fólk eftir sjúkdómsgreiningum, kyni eða aldri, allir eru velkomnir alltaf og það er réttur fólks að aðgangur að heilsugæslu sé óhindraður. Þetta er það sem liggur að baki þegar gerð er krafa um að heilsugæslan eigi að vera „fyrsti viðkomustaðurinn“. Heimilislæknar hafa verið í fararbroddi þeirra lækna sem benda á að lausnir á áskorunum þeim sem við blasa á 21. öldinni felist ekki í nýrri tækni, fjarlækningum, nýjum „öppum“, eða straumlínulækningum. Hefja þarf til vegs og virðingar nálægð læknisins og annars vel þjálfaðs heilbrigðisstarfsfólks við sjúklingana. Forðast ber oflækningar og ofgreiningar hvers konar. Í framlínunni verður aðgengi að heilbrigðisstarfsfólki með mikla færni í sjúkdómsgreiningu að vera gott og skilningur á mikilvægi þess vanda sem fólk glímir við og hver viðeigandi úrræði eru. Fyrsta skylda læknisins er að valda ekki skaða í viðleitni sinni til að hjálpa. Þema ráðstefnunnar er „from the core“, eða frá hjarta læknisfræðinnar, þar sem læknisviðtalið og færni læknisins og traust til hans er nýtt til heilsueflingar og forvarna og til að bregðast við þegar heilsuvandi knýr dyra. Til þess að finna bestu lausnirnar fyrir hvern og einn verður að vera til staðar traust og þekking og gott aðgengi að heilsugæslu. Nú stendur yfir í Hörpu ein stærsta læknaráðstefna sem haldin hefur verið á Íslandi. Um er að ræða norrænt þing heimilislækna sem haldið er annað hvert ár og skiptast Norðurlöndin 5 á að halda þingið. Íslenskir heimilislæknar hafa undirbúið ráðstefnuna nú og hafa veg og vanda af og er um met aðsókn að ræða. 1.450 heimilislæknar frá 27 mismunandi löndum hafa skráð sig til að skiptast á skoðunum og ráða ráðum sínum um framtíð heimilislækninga og heilsugæslu. Óhætt er að fullyrða að Norðurlöndunum hefur tekist vel að þróa heilsugæslu grunnstoð heilbrigðiskerfa sinna og horfa önnur lönd í Evrópu og víðar til Norðurlanda. Áfram heilsugæslan! Höfundur er formaður Félags íslenskra heimilislækna.
Skoðun Hvar er sómakenndin? Blakleikur Ísraels og Íslands Hrönn Guðmundsdóttir,Ragnhildur Hólmgeirsdóttir skrifar