Stefnir í harða deilu milli Félagsstofnunar stúdenta og Minjastofnunar vegna nýbygginga á háskólasvæðinu 15. júní 2017 21:00 Minjastofnun leggst alfarið gegn því að hugmyndir Félagsstofnunar stúdenta um byggingu við hlið Gamla Garðs á háskólalóðinni verði að veruleika. Byggingin muni skyggja á og raska einstæðri og mikilvægri skipulagsheild með óafturkræfum hætti. Félagsstofnun segir Minjavernd ekki hafa lögsögu í málinu enda sé Gamli Garður ekki friðaður. Félagsstofnun stúdenta hefur áform um að byggja nýja stúdentagarða austan við Gamla garð, elstu byggingu háskólalóðarinnar, sem Minjastofnun er ekki ánægð með. „Það var leitað eftir áliti okkar í tengslum við undirbúning deiliskipulags fyrir þessa lóð í tengslum við samkeppni sem hér var haldin. Og, já það er rétt að við höfum gert mjög alvarlegar athugasemdir við þessi áform,“ segir Pétur Ármannsson, arkitekt og sviðsstjóri umhverfis-og skipulagssviðs Minjastofnunar. „Eitthvað glæsilegasta dæmi sem íslenska þjóðin á um heilsteypt og fagurfræðilega mótað skipulag“ Með byggingu garðanna muni framhlið Gamla Garðs nánast hverfa og við það raskist mikilvæg og einstæð skipulagsheild í borgarmynd Reykjavíkur. Uppbygging á lóðinni feli í sér veruleg og neikvæð áhrif þar sem listrænt mikilvægri skipulagsheild yrði raskað með óafturkræfum hætti. Aðalbygging Háskólans og allt skipulag svæðisins fyrir framan hana sé eitt af merkustu verkum Guðjóns Samúelssonar. Þá sé framhliðin á Gamla Garði, sem Sigurður Guðmundsson teiknaði, eitt af andlitum svæðisins. „Og Þjóðminjasafns-byggingin sem er morgungjöf Alþingis til íslensku þjóðarinnar er teiknuð af sama arkitekt og hönnuð með það í huga að þessar tvær byggingar myndi fagurfræðilega heild. Þannig að þetta er eitthvað glæsilegasta dæmi sem íslenska þjóðin á um heilsteypt og fagurfræðilega mótað skipulag,“ segir Pétur.Gamli Garður hvorki friðaður né umsagnaskyldur Upplýsingafulltrúi Félagsstofnunar stúdenta segir að samkomulag við borgina um uppbyggingu á svæðinu og þar með þessari lóð hafi verið undirritað í mars í fyrra. Síðan hafi farið fram samkeppni í samvinnu við Arkitektafélag Íslands um hönnun byggingar á lóðinni með vitneskju Háskólans og borgarinnar og vinningstillagan kynnt í apríl síðastliðnum. „Við teljum að þessi bygging falli mjög vel að þessu umhverfi og það var mikil ánægja með þær niðurstöður sem við fengum,“ segir Rebekka Sigurðardóttir, upplýsingafulltrúi Félagsstofnunar stúdenta. Nú er Minjastofnun áhrifarík í þessum efnum, það setur væntanlega strik í reikninginn ef hún leggst alfarið gegn byggingaráformum á þessari lóð? „Við teljum að svo eigi ekki að vera. Því Gamli Garður er hvorki friðaður né umsagnaskyldur af hálfu Minjastofnunar. Þannig að við áttum okkur ekki á að þetta eigi að falla á einhvern hátt undir Minjastofnun,“ segir Rebekka. Alvar Alto, einn frægasti arkitekt heims, teiknaði Norræna húsið með tilliti til hvernig húsið nyti sín í því umhverfi sem það er. „Þessi uppbygging hefur áhrif á ásýnd tveggja friðlýstra bygginga, aðalbyggingar Háskólans og Norræna hússins og okkur er skylt að fjalla um og gæta hagsmuna þess,“ segir Pétur. „Í lýsingu á samkeppninni sem var gerð var einmitt gert ráð fyrir og horft til þess að byggingin myndi ekki skyggja á aðalbygginguna og húsin hér í kring. Og við teljum að það sé í algeru lágmarki,“ segir Rebekka. Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Kveðst ekki svindla á neinum með happdrætti sínu Innlent Skjálfti fannst vel á suðvesturhorninu Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Fleiri fréttir Skjálfti fannst vel á suðvesturhorninu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Sjá meira
Minjastofnun leggst alfarið gegn því að hugmyndir Félagsstofnunar stúdenta um byggingu við hlið Gamla Garðs á háskólalóðinni verði að veruleika. Byggingin muni skyggja á og raska einstæðri og mikilvægri skipulagsheild með óafturkræfum hætti. Félagsstofnun segir Minjavernd ekki hafa lögsögu í málinu enda sé Gamli Garður ekki friðaður. Félagsstofnun stúdenta hefur áform um að byggja nýja stúdentagarða austan við Gamla garð, elstu byggingu háskólalóðarinnar, sem Minjastofnun er ekki ánægð með. „Það var leitað eftir áliti okkar í tengslum við undirbúning deiliskipulags fyrir þessa lóð í tengslum við samkeppni sem hér var haldin. Og, já það er rétt að við höfum gert mjög alvarlegar athugasemdir við þessi áform,“ segir Pétur Ármannsson, arkitekt og sviðsstjóri umhverfis-og skipulagssviðs Minjastofnunar. „Eitthvað glæsilegasta dæmi sem íslenska þjóðin á um heilsteypt og fagurfræðilega mótað skipulag“ Með byggingu garðanna muni framhlið Gamla Garðs nánast hverfa og við það raskist mikilvæg og einstæð skipulagsheild í borgarmynd Reykjavíkur. Uppbygging á lóðinni feli í sér veruleg og neikvæð áhrif þar sem listrænt mikilvægri skipulagsheild yrði raskað með óafturkræfum hætti. Aðalbygging Háskólans og allt skipulag svæðisins fyrir framan hana sé eitt af merkustu verkum Guðjóns Samúelssonar. Þá sé framhliðin á Gamla Garði, sem Sigurður Guðmundsson teiknaði, eitt af andlitum svæðisins. „Og Þjóðminjasafns-byggingin sem er morgungjöf Alþingis til íslensku þjóðarinnar er teiknuð af sama arkitekt og hönnuð með það í huga að þessar tvær byggingar myndi fagurfræðilega heild. Þannig að þetta er eitthvað glæsilegasta dæmi sem íslenska þjóðin á um heilsteypt og fagurfræðilega mótað skipulag,“ segir Pétur.Gamli Garður hvorki friðaður né umsagnaskyldur Upplýsingafulltrúi Félagsstofnunar stúdenta segir að samkomulag við borgina um uppbyggingu á svæðinu og þar með þessari lóð hafi verið undirritað í mars í fyrra. Síðan hafi farið fram samkeppni í samvinnu við Arkitektafélag Íslands um hönnun byggingar á lóðinni með vitneskju Háskólans og borgarinnar og vinningstillagan kynnt í apríl síðastliðnum. „Við teljum að þessi bygging falli mjög vel að þessu umhverfi og það var mikil ánægja með þær niðurstöður sem við fengum,“ segir Rebekka Sigurðardóttir, upplýsingafulltrúi Félagsstofnunar stúdenta. Nú er Minjastofnun áhrifarík í þessum efnum, það setur væntanlega strik í reikninginn ef hún leggst alfarið gegn byggingaráformum á þessari lóð? „Við teljum að svo eigi ekki að vera. Því Gamli Garður er hvorki friðaður né umsagnaskyldur af hálfu Minjastofnunar. Þannig að við áttum okkur ekki á að þetta eigi að falla á einhvern hátt undir Minjastofnun,“ segir Rebekka. Alvar Alto, einn frægasti arkitekt heims, teiknaði Norræna húsið með tilliti til hvernig húsið nyti sín í því umhverfi sem það er. „Þessi uppbygging hefur áhrif á ásýnd tveggja friðlýstra bygginga, aðalbyggingar Háskólans og Norræna hússins og okkur er skylt að fjalla um og gæta hagsmuna þess,“ segir Pétur. „Í lýsingu á samkeppninni sem var gerð var einmitt gert ráð fyrir og horft til þess að byggingin myndi ekki skyggja á aðalbygginguna og húsin hér í kring. Og við teljum að það sé í algeru lágmarki,“ segir Rebekka.
Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Kveðst ekki svindla á neinum með happdrætti sínu Innlent Skjálfti fannst vel á suðvesturhorninu Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Fleiri fréttir Skjálfti fannst vel á suðvesturhorninu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Sjá meira