Íslenski boltinn

Ásmundur hættur hjá Fram

Ingvi Þór Sæmundsson skrifar
Ásmundur skilur við Fram í 5. sæti Inkasso-deildarinnar.
Ásmundur skilur við Fram í 5. sæti Inkasso-deildarinnar. vísir/hanna

Ásmundur Arnarsson er hættur sem þjálfari meistaraflokks karla hjá Fram. Þetta kemur fram á heimasíðu félagsins.

Þar segir að stjórn knattspyrnudeildar Fram og Ásmundur hafi komist að samkomulagi um starfslok þjálfarans.

Ásmundur tók við Fram eftir tímabilið 2015. Undir hans stjórn endaði Fram í 6. sæti Inkasso-deildarinnar í fyrra.

Þegar sjö umferðir eru búnar að Inkasso-deildinni í ár situr Fram í 5. sæti með 11 stig. Frammarar hafa tapað síðustu tveimur leikjum sínum.

Ásmundur lék á árum áður við góðan orðstír hjá Fram.

Auk þess að þjálfa Fram hefur Ásmundur stýrt Völsungi, Fjölni, Fylki og ÍBV.




Fleiri fréttir

Sjá meira