Glímir við missi og lifir í núinu Kristjana Guðbrandsdóttir skrifar 27. maí 2017 09:00 Karólína Helga Símonardóttir settist á þing í fyrsta sinn í vikunni. Fréttablaðið/Ernir Hver hefur þinn ferill í stjórnmálum verið? Hvar byrjaði þetta allt? „Þetta byrjaði allt í Hafnarfirði. Ég var búin að vera að berjast fyrir leikskóla barna minna og fékk þörf fyrir að taka meiri þátt í samfélaginu. Ég vildi ekki vera heima að tuða. Foreldrar mínir tóku þátt í sveitarstjórnarmálum á Tálknafirði þar sem ég er alin upp. Ég mætti bara einn daginn á stofnfund Bjartrar framtíðar í Hafnarfirði eftir að hafa séð hann auglýstan í bæjarblaðinu.“Hvað kom til að þig langaði að setjast á Alþingi? „Er það ekki bara þrautseigjan? Þessi mikli áhugi á að taka þátt í samfélaginu knýr mig áfram. Ég þekki marga málaflokka af eigin reynslu og er óhrædd við að segja skoðun mína.“Hvað úr reynslubankanum nýtist þér í starfinu? Ég held að það sé foreldrahlutverkið. Eins og foreldrar þurfa stjórnmálamenn að tækla marga bolta á sama tíma og halda yfirsýn. Þeir þurfa að kunna að skipuleggja sig og velja sína baráttu.“Ég og Daði með tengdaforeldrum mínum Ragnheiði og Garðari og foreldrum mínum Símoni heitnum og Birnu.Sérðu fyrir þér að gera stjórnmál að ævistarfi? „Ég get alveg hugsað mér það að vera á vettvangi stjórnmála lengi. Mér finnst þetta mjög skemmtilegt, krefjandi en á endanum veit ég að ég get haft áhrif og komið góðu til leiðar.“Fyrir hverju brennur þú á þingi? „Mikið af fjölskyldufólki situr enn og er fast í fúlum pytti eftir hrun. Skuldaleiðréttingin virkaði ekki fyrir stóran hluta fólks sem situr uppi með skuldir og skert lífsgæði. Ég vil vinna fyrir þennan hóp fólks og fjölskyldufólk almennt. Að fólk geti alið upp börn sín og komið þeim til mennta. Ég talaði um styttingu vinnuvikunnar í jómfrúarræðu minni. Ég held það sé mikilvægt skref í átt að bættu samfélagi.“Við Daði erum þarna úti í Manchester.Upplifði afneitun hjá sýslumanni Karólína nefnir einnig að hún vilji nýta sárustu lífsreynslu sem hún hefur orðið fyrir til góðs. Karólína missti sambýlismann sinn, Daða Garðarsson, þann 10. apríl sl. er hann varð bráðkvaddur, aðeins 35 ára. „Við höfðum búið saman í 13 ár og eignast þrjú börn auk þess sem hann átti fyrir einn son en af því við vorum ekki gift eða búin að fara til sýslumanns og lýsa okkur lögleg hjón þá má ég ekki sitja í óskiptu búi. Ég vona að það sé hægt að breyta þessu úrelta kerfi sem við búum við. Sambúð til margra ára ætti að vera lögmæt líkt og hjónaband. Ég vil koma þessu í umræðuna. Þetta er gríðarlega erfitt, öryggisnetið er ekkert. Þegar ég sat hjá sýslumanni sem gerði mér réttleysi mitt ljóst þá upplifði ég afneitun. Allt í einu var ég ekki kona mannsins míns. Ég varð reið og ósátt. Það er erfitt að vera að glíma við sorgina, öryggisleysið og áhyggjurnar sem fylgja því að þurfa mögulega að selja húsið og kannski að fara á leigumarkað eða eitthvað slíkt. Enn er ekki komin niðurstaða í málið, lögfræðingur fer yfir mín mál. En þau líta ekki vel út. Ég horfi samt fram á við og lifi í núinu. Daði minn hefði ekki viljað að ég gæfist upp. Ég á fjóra kraftmikla krakka sem halda mér gangandi og fæ góðan stuðning fólks í kringum mig. Það hjálpar líka að ég er opin og tala um hlutina. Fólki finnst skrýtið að ég geti það en ég er bara þannig gerð.“ Hvað eldar þú oftast? „Pabbapasta, rjómalagað pasta með kjúklingi, beikoni og brokkólíi.“ Hvar ólstu manninn og hvernig var æska þín? „Ég ólst upp á Tálknafirði. Mamma og pabbi fluttu þangað þegar ég var tveggja mánaða gömul og þar bjó ég þar til ég varð sextán ára gömul og flutti til Hafnarfjarðar. Það voru forréttindi að alast upp í sjávarþorpi. Pabbi var sjómaður og var ekki mikið heima við þegar ég var lítil. Mamma hélt utan um heimilið og það var samstaða í samfélaginu um þær fjölskyldur sem þarna bjuggu. Tálknafjörður var og er einangraður staður. Ég flutti að heiman um leið og ég gat, enda sjálfstæður unglingur. Það er erfitt fyrir ungt fólk utan af landi að fara í framhaldsskóla á höfuðborgarsvæðinu og það er ekki hægt að ætlast til þess að foreldrar greiði fyrir hana og búsetu barna sinna. Skólaganga mín hófst á Akranesi, svo fór ég í Iðnskólann í Reykjavík. Ég kláraði seinna stúdentsprófið á Keili á Ásbrú.“Fjölskyldan, ég, Daði, Alexander Máni, Dagur Máni, Fjóla Huld og Bríet Ýr.Hvernig nærir þú þig andlega? „Ég spila blak og nú tekur við strandblakið. Ég fer í göngutúra með hundana og nýt þess að vera með börnunum. Maður fer að horfa öðruvísi á stundirnar eftir erfiða lífsreynslu. Ég hugsa meira um það hvernig ég get nýtt tíma minn, ekki endilega í vinnu og verkefnum heldur til að bæta líf mitt og annarra á einhvern hátt.“Hver er fallegasti staður sem þú hefur komið á? „Seljalandsfoss.“Ég, foreldrar mínir og systkini, Hulda og Valur.Uppáhaldsborg utan landsteinanna? „Ég elska Ísland svo mikið að ég á bágt með að svara þessari spurningu. Kannski það sé einhver menningarborg, á við London. En ég er samt lítið fyrir ys og þys.“ Hvert langar þig mest að ferðast? „Mig langar mest til að fara til Rio de Janeiro og ég á eftir að gera það einhvern tímann.“Hvernig verðu helgarfríum? „Það fer eftir því hvernig skipulagið er hjá börnunum. Það er oft mikil dagskrá; fótbolta og fimleikamót. En þess á milli finnst mér gott að eiga kósýstundir með krökkunum á pallinum og mér finnst gaman að fara með þeim í sund.“ Mest lesið Balti var í hesthúsinu þegar Jason Statham hringdi Bíó og sjónvarp Styrktist í trúnni eftir áfallið Lífið Nýjasti rafvirki landsins fimmtug með ofurkrafta Lífið Kristján hennar Höllu stefnir á fyrsta lanið á Bessastöðum Lífið Glæsilegt raðhús Maríu Paz til sölu Lífið Forsetaáskorunin: „Fóru Bandaríkjamenn í raun til tunglsins?“ Lífið Allir halda stjörnu og OTO fær viðurkenningu Viðskipti innlent Af vængjum fram: „Aldrei“ notað fíkniefni og er alls ekki með nein húðflúr Lífið Bjöggi Takefusa og Sólveig nefna dótturina Lífið Bíða eftir pizzu og potti eftir milljón króna göngu Lífið Fleiri fréttir Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Sjá meira
Hver hefur þinn ferill í stjórnmálum verið? Hvar byrjaði þetta allt? „Þetta byrjaði allt í Hafnarfirði. Ég var búin að vera að berjast fyrir leikskóla barna minna og fékk þörf fyrir að taka meiri þátt í samfélaginu. Ég vildi ekki vera heima að tuða. Foreldrar mínir tóku þátt í sveitarstjórnarmálum á Tálknafirði þar sem ég er alin upp. Ég mætti bara einn daginn á stofnfund Bjartrar framtíðar í Hafnarfirði eftir að hafa séð hann auglýstan í bæjarblaðinu.“Hvað kom til að þig langaði að setjast á Alþingi? „Er það ekki bara þrautseigjan? Þessi mikli áhugi á að taka þátt í samfélaginu knýr mig áfram. Ég þekki marga málaflokka af eigin reynslu og er óhrædd við að segja skoðun mína.“Hvað úr reynslubankanum nýtist þér í starfinu? Ég held að það sé foreldrahlutverkið. Eins og foreldrar þurfa stjórnmálamenn að tækla marga bolta á sama tíma og halda yfirsýn. Þeir þurfa að kunna að skipuleggja sig og velja sína baráttu.“Ég og Daði með tengdaforeldrum mínum Ragnheiði og Garðari og foreldrum mínum Símoni heitnum og Birnu.Sérðu fyrir þér að gera stjórnmál að ævistarfi? „Ég get alveg hugsað mér það að vera á vettvangi stjórnmála lengi. Mér finnst þetta mjög skemmtilegt, krefjandi en á endanum veit ég að ég get haft áhrif og komið góðu til leiðar.“Fyrir hverju brennur þú á þingi? „Mikið af fjölskyldufólki situr enn og er fast í fúlum pytti eftir hrun. Skuldaleiðréttingin virkaði ekki fyrir stóran hluta fólks sem situr uppi með skuldir og skert lífsgæði. Ég vil vinna fyrir þennan hóp fólks og fjölskyldufólk almennt. Að fólk geti alið upp börn sín og komið þeim til mennta. Ég talaði um styttingu vinnuvikunnar í jómfrúarræðu minni. Ég held það sé mikilvægt skref í átt að bættu samfélagi.“Við Daði erum þarna úti í Manchester.Upplifði afneitun hjá sýslumanni Karólína nefnir einnig að hún vilji nýta sárustu lífsreynslu sem hún hefur orðið fyrir til góðs. Karólína missti sambýlismann sinn, Daða Garðarsson, þann 10. apríl sl. er hann varð bráðkvaddur, aðeins 35 ára. „Við höfðum búið saman í 13 ár og eignast þrjú börn auk þess sem hann átti fyrir einn son en af því við vorum ekki gift eða búin að fara til sýslumanns og lýsa okkur lögleg hjón þá má ég ekki sitja í óskiptu búi. Ég vona að það sé hægt að breyta þessu úrelta kerfi sem við búum við. Sambúð til margra ára ætti að vera lögmæt líkt og hjónaband. Ég vil koma þessu í umræðuna. Þetta er gríðarlega erfitt, öryggisnetið er ekkert. Þegar ég sat hjá sýslumanni sem gerði mér réttleysi mitt ljóst þá upplifði ég afneitun. Allt í einu var ég ekki kona mannsins míns. Ég varð reið og ósátt. Það er erfitt að vera að glíma við sorgina, öryggisleysið og áhyggjurnar sem fylgja því að þurfa mögulega að selja húsið og kannski að fara á leigumarkað eða eitthvað slíkt. Enn er ekki komin niðurstaða í málið, lögfræðingur fer yfir mín mál. En þau líta ekki vel út. Ég horfi samt fram á við og lifi í núinu. Daði minn hefði ekki viljað að ég gæfist upp. Ég á fjóra kraftmikla krakka sem halda mér gangandi og fæ góðan stuðning fólks í kringum mig. Það hjálpar líka að ég er opin og tala um hlutina. Fólki finnst skrýtið að ég geti það en ég er bara þannig gerð.“ Hvað eldar þú oftast? „Pabbapasta, rjómalagað pasta með kjúklingi, beikoni og brokkólíi.“ Hvar ólstu manninn og hvernig var æska þín? „Ég ólst upp á Tálknafirði. Mamma og pabbi fluttu þangað þegar ég var tveggja mánaða gömul og þar bjó ég þar til ég varð sextán ára gömul og flutti til Hafnarfjarðar. Það voru forréttindi að alast upp í sjávarþorpi. Pabbi var sjómaður og var ekki mikið heima við þegar ég var lítil. Mamma hélt utan um heimilið og það var samstaða í samfélaginu um þær fjölskyldur sem þarna bjuggu. Tálknafjörður var og er einangraður staður. Ég flutti að heiman um leið og ég gat, enda sjálfstæður unglingur. Það er erfitt fyrir ungt fólk utan af landi að fara í framhaldsskóla á höfuðborgarsvæðinu og það er ekki hægt að ætlast til þess að foreldrar greiði fyrir hana og búsetu barna sinna. Skólaganga mín hófst á Akranesi, svo fór ég í Iðnskólann í Reykjavík. Ég kláraði seinna stúdentsprófið á Keili á Ásbrú.“Fjölskyldan, ég, Daði, Alexander Máni, Dagur Máni, Fjóla Huld og Bríet Ýr.Hvernig nærir þú þig andlega? „Ég spila blak og nú tekur við strandblakið. Ég fer í göngutúra með hundana og nýt þess að vera með börnunum. Maður fer að horfa öðruvísi á stundirnar eftir erfiða lífsreynslu. Ég hugsa meira um það hvernig ég get nýtt tíma minn, ekki endilega í vinnu og verkefnum heldur til að bæta líf mitt og annarra á einhvern hátt.“Hver er fallegasti staður sem þú hefur komið á? „Seljalandsfoss.“Ég, foreldrar mínir og systkini, Hulda og Valur.Uppáhaldsborg utan landsteinanna? „Ég elska Ísland svo mikið að ég á bágt með að svara þessari spurningu. Kannski það sé einhver menningarborg, á við London. En ég er samt lítið fyrir ys og þys.“ Hvert langar þig mest að ferðast? „Mig langar mest til að fara til Rio de Janeiro og ég á eftir að gera það einhvern tímann.“Hvernig verðu helgarfríum? „Það fer eftir því hvernig skipulagið er hjá börnunum. Það er oft mikil dagskrá; fótbolta og fimleikamót. En þess á milli finnst mér gott að eiga kósýstundir með krökkunum á pallinum og mér finnst gaman að fara með þeim í sund.“
Mest lesið Balti var í hesthúsinu þegar Jason Statham hringdi Bíó og sjónvarp Styrktist í trúnni eftir áfallið Lífið Nýjasti rafvirki landsins fimmtug með ofurkrafta Lífið Kristján hennar Höllu stefnir á fyrsta lanið á Bessastöðum Lífið Glæsilegt raðhús Maríu Paz til sölu Lífið Forsetaáskorunin: „Fóru Bandaríkjamenn í raun til tunglsins?“ Lífið Allir halda stjörnu og OTO fær viðurkenningu Viðskipti innlent Af vængjum fram: „Aldrei“ notað fíkniefni og er alls ekki með nein húðflúr Lífið Bjöggi Takefusa og Sólveig nefna dótturina Lífið Bíða eftir pizzu og potti eftir milljón króna göngu Lífið Fleiri fréttir Ætluðu að draga sig úr Eurovision fram á síðustu stundu Laufey og Hugi tilnefnd til verðlauna Styrktist í trúnni eftir áfallið Kristján hennar Höllu stefnir á fyrsta lanið á Bessastöðum Glæsilegt raðhús Maríu Paz til sölu Nýjasti rafvirki landsins fimmtug með ofurkrafta Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Sjá meira