Bílar

Nýr forsetabíll Frakklands er Citroën DS7

Finnur Thorlacius skrifar
Citroën DS7 bíll Emmanuel Macron við embættistökuna.
Citroën DS7 bíll Emmanuel Macron við embættistökuna.

Emmanuel Macron, hinn nýi forseti Frakklands, mun nota Citroën DS7 sem forsetabíl. Citroën kynnti þennan nýja lúxusbíl sinn fyrir um 2 mánuðum síðan en var nú fyrst sýndur almenningi við embættistöku hins nýja forseta. Eðlilega er þessi bíll forsetans ekki hefðbundin gerð DS7 bílsins, en hann er til að mynda með sérstaka topplúgu sem gerir hinum nýja forseta kleift að standa uppúr bílnum og sýna sig almenningi.

Bíllinn er í Ink Blue lit að utan og innréttingin skartar svörtu leðri í útfærslu sem þeir Citroën menn kalla „Opera Inspiration“ og nefnd eftir eina hverfa Parísarborgar. Engar upplýsingar eru um vélbúnað bílsins. Citroën ætlar að setja DS7 bíl sinn á markað í janúar á næsta ári og mun hann vera búinn sjálfakandi tækni og háþróaðri fjöðrun sem notast við myndavélar sem lesa ójöfnur á veginum framundan.

Emmanuel Macron er ekki fyrsti forseti Frakklands sem notast við DS bíl frá Citroën því það gerði einnig Charles de Gaulle á sjöunda áratug síðustu aldar og eftirmenn hans, þeir Giscard d´Estaing, Francois Mitterand og Jacques Chirac notuðust einnig við mismunandi gerðir Citroën/DS bíla.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira