Körfubolti

Fimmta villan hjá Martin breytti öllu í Íslendingaslagnum

Óskar Ófeigur Jónsson skrifar
Haukur Helgi Pálsson og félagar unnu dramatískan sigur í kvöld.
Haukur Helgi Pálsson og félagar unnu dramatískan sigur í kvöld. vísir/anton

Haukur Helgi Pálsson og félagar í Rouen unnu dramatískan eins stigs endurkomusigur á Charleville-Mézières, 85-84,  í frönsku b-deildinni í körfubolta í kvöld.

Charleville-Mézières virtist vera með unninn leik þegar fimm mínútur voru eftir en  Rouen-liðið vann síðustu fimm mínútu leiksins 24-8.

Haukur Helgi Pálsson var með 11 stig, 5 stoðsendingar, 5 fiskaðar villur, 3 fráköst og 2 stolna bolta í kvöld.

Martin Hermannson lék aðeins 25 mínútur vegna villuvandræða en var flottur á þessum 25 mínútum með 17 stig og 75 prósent skotnýtingu (6 af 8).

Charleville-Mézières vann þær 25 mínútur sem Martin spilaði með 22 stigum en tapaði mínútum sem hann sat á bekknum með 23 stigum.þ

Haukur Helgi Pálsson skoraði körfu og fiskaði fimmtu villuna á Martin Hermannsson þegar 4:454 voru eftir að leiknum.

Haukur Helgi og félagar voru fimmtán stigum undir þegar Haukur skoraði þessa stóru körfu. Hann setti niður vítið, minnkaði muninn í tólf stig, 76-64, og kveikti í sínum mönnum.

Charleville-Mézières hafði unnið þriðja leikhlutann 25-6 en leikur liðsins hrundi við það að missa Martin af velli.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira