Íslenski boltinn

Viðar Ari seldur til Brann

Ingvi Þór Sæmundsson skrifar
Viðar Ari í leik með Fjölni síðasta sumar.
Viðar Ari í leik með Fjölni síðasta sumar. vísir/hanna

Fjölnir hefur gengið frá sölu á Viðari Ara Jónssyni til Brann.

Viðar gerði þriggja ára samning við Brann sem endaði í 2. sæti norsku úrvalsdeildarinnar í fyrra.

Samhliða sölunni á Viðari þá hafa félögin tvö gert með sér samkomulag um frekara samstarf sem felst m.a. í því að Fjölnir mun senda efnilega leikmenn til æfinga hjá Brann.

Viðar heldur til La Manga á Spáni á miðvikudaginn þar sem hann hittir fyrir nýju liðsfélaga sína í æfingaferð.

Viðar, sem verður 23 ára á föstudaginn, sló í gegn sumarið 2015 þegar hann lék sem vinstri bakvörður. Síðasta sumar var hann svo færður yfir í stöðu hægri bakvarðar og spilaði enn betur þar. Viðar hefur leikið 53 leiki fyrir Fjölni í efstu deild og skorað eitt mark.

Viðar hefur leikið tvo A-landsleiki, báða á þessu ári. Hann lék einnig sjö leiki með U-21 árs landsliðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira