Innlent

Varað við stormi á morgun

Hulda Hólmkelsdóttir skrifar
Búast má við ört vaxandi austanátt á landinu á morgun, fyrst sunnantil.
Búast má við ört vaxandi austanátt á landinu á morgun, fyrst sunnantil. Vísir/Vilhelm

Búast má við ört vaxandi austanátt á landinu á morgun, fyrst sunnantil. Um miðjan dag verður hvasst víða á landinu og rigning í flestum landshlutum. Þetta kemur fram í hugleiðingum veðurfræðings á vef Veðurstofu Íslands.

Búast má við 15-25 m/s um hádegi og hvassast verður við suðurströndina. Viða verður talsverð rigning sunnan- og austantil. Annars staðar verður veður hægara og úrkomuminna.

Það lægir smám saman á laugardag, en rignir áfram einkum sunnanlands. Það snýst svo aftur í skammvina norðanátt á sunnudag, en áfram er útlit fyrir lægðagang eftir helgi.

Veðurhorfur á landinu næstu daga

Á laugardag:
Suðaustan 8-13 m/s og smá skúrir eða él, en léttir til fyrir norðan. Hiti 1 til 6 stig.

Á sunnudag:
Suðaustlæg átt, 8-15 m/s og rigning eða slydda, en úrkomulítið NA-til. Hiti 0 til 5 stig.

Á mánudag:
Gengur í hvassa suðaustanátt með rigningu, en slyddu til fjalla. Suðvestanhvassviðri og éljagangur síðdegis, en hægari og rofar til NA-lands. Hiti 0 til 5 stig fram eftir degi, en kólnar síðan.

Á þriðjudag og miðvikudag:
Ákveðin suðvestanátt og skúra- eða éljagangur, en þurrt NA-til. Kólnar í veðri.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira