Heilsuvísir

„Fólk sem er alltaf seint, ég skil ekki hvernig það getur gert sjálfum sér það“

Stefán Árni Pálsson skrifar

Fimmti þáttur Meistaramánuðar 2017 var á dagskrá Stöðvar 2 í gærkvöld en þátturinn er í umsjón Pálmars Ragnarssonar.

Í þættinum fengu áhorfendur að hlusta á hvernig markmiðin gengu hjá nokkrum vel þekktum Íslendingum.

„Það er búið að ganga ótrúlega vel,“ segir Salka Sól Eyfeld, söngkona, sem setti sér allskonar markmið og eitt af þeim var að vera stundvísari.

„Fólk sem er alltaf seint, ég skil ekki hvernig það getur gert sjálfum sér það. Maður stressast allur upp og stífnar allur. Maður verður pirraður og maður verður leiður og maður þarf alltaf að vera afsaka sig.“

Hún segir að mjög margt lagist við það eitt að vera bara á réttum tíma.

„Kannski nærðu ekki öllum markmiðum þínum, en þú náðir stórum hluta og það er kannski það sem maður á að geyma eftir þennan mánuð.“

Einnig var rætt við Ævar Vísindamann og þá kom í ljós að hann hafi ekki borðað skyndibita í febrúar. 

Pálmar heyrði að vanda í sérfæðingum þáttarins sem eru; Anna Steinsen, markþjálfi og eigandi KVAN, Hafrún Kristjánsdóttir sálfræðingur, Viðar Halldórsson, lektor í félagsfræði og Björn Berg Gunnarsson, fræðslustjóri Íslandsbanka.

Hér að ofan má sjá þáttinn og einnig má sjá myndir inni á Instagram sem koma undir kassamerkinu #meistaram.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira