Innlent

Guðni og Eliza boðin til Noregs

Jóhann Óli Eiðsson skrifar
Stutt er síðan Guðni og Eliza heimsóttu Margréti og Henrik til Danmerkur.
Stutt er síðan Guðni og Eliza heimsóttu Margréti og Henrik til Danmerkur. vísir/AFP

Guðni Th. Jóhannesson, forseti Íslands, og Eliza Reid forsetafrú munu fara í opinbera heimsókn til Noregs í boði Haralds V. Noregskonungs 21.-23. mars næstkomandi. Í ferðinni munu forsetahjónin heimsækja Ósló og Bergen.



Þetta er fyrsta heimsókn þjóðhöfðingja Íslands til Noregs í tvo áratugi. Meðal þess sem forsetahjónin munu aðhafast er að heimsækja norska þjóðarbókasafnið og þá mun Guðni halda fyrirlestur í háskólanum í Ósló. Erna Solberg, forsætisráðherra landsins, mun einnig taka á móti hjónunum og hafa kvöldverð þeim til heiðurs.



Í tilkynningu á heimasíðu norska forsætisráðuneytisins segir að markmið heimsóknarinnar sé meðal annars að tryggja þau vinabönd sem lengi hafa ríkt á milli Íslands og Noregs.



Fréttin birtist fyrst í Fréttablaðinu.

Guðni Th. Jóhannesson Forseti Íslands Noregur Haraldur V Noregskonungur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið