Íslenski boltinn

Jafnt hjá KR og Selfossi | Leiknir vann granna sína

Ingvi Þór Sæmundsson skrifar
Pálmi Rafn var á skotskónum gegn Selfossi.
Pálmi Rafn var á skotskónum gegn Selfossi. vísir/hanna

Tveir leikir fóru fram í riðli 2 í Lengjubikar karla í dag. Leikirnir fóru báðir fram í Egilshöllinni.

KR og Selfoss skildu jöfn, 2-2. Öll mörkin komu í fyrri hálfleik.

Ivan Martinez Gutierrez kom Selfyssingum yfir á 11. mínútu en Pálmi Rafn Pálmason jafnaði metin á þeirri tuttugustuogníundu.

Óskar Örn Hauksson kom KR yfir á 42. mínútu en aðeins tveimur mínútum síðar jafnaði James Mack metin í 2-2. Fleiri urðu mörkin ekki og liðin sættust á skiptan hlut.

Í hinum leik dagsins vann Leiknir R. 1-2 sigur á Fylki í Reykjavíkurslag. Bæði þessi lið leika í Inkasso-deildinni í sumar.

Ingvar Ásbjörn Ingvarsson kom Leikni yfir á 22. mínútu en Oddur Ingi Guðmundsson jafnaði metin fimm mínútum fyrir hálfleik.

Það var svo Sævar Atli Magnússon sem skoraði sigurmark Leiknismanna á 56. mínútu. Lokatölur 1-2, Breiðhyltingum í vil.

Upplýsingar um úrslit og markaskorara eru fengnar frá Fótbolta.net.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira