Lífið

Bjarni stekkur beint í áttunda sætið á lista yfir kyn­þokka­fyllstu þjóðar­leið­togana

Sunna Kristín Hilmarsdóttir skrifar
Bjarni Benediktsson er áttundi kynþokkafyllsti þjóðarleiðtogi heims ef marka má lista vefsíðunnar Hottest Head of State.
Bjarni Benediktsson er áttundi kynþokkafyllsti þjóðarleiðtogi heims ef marka má lista vefsíðunnar Hottest Head of State. vísir/ernir

Bjarni Benediktsson, formaður Sjálfstæðisflokksins og forsætisráðherra, skýst beint í áttunda sætið á lista yfir kynþokkafyllstu þjóðarleiðtoga heims á vefsíðunni Hottest Head of State. Bjarni tók sem kunnugt er við lyklunum að forsætisráðuneytinu í dag og fer fyrir ríkisstjórn Sjálfstæðisflokksins, Viðreisnar og Bjartrar framtíðar.

Bjarni tekur þannig sætið fyrir ofan Alexis Tsipras, forsætisráðherra Grikklands, en er sæti neðar en Edi Rama, forsætisráðherra Albaníu. Rétt er að taka fram, til að fyrirbyggja allan misskilning, að listinn nær til þjóðarleiðtoga og leiðtoga ríkisstjórna, það er forsætisráðherra.

Allt er þetta til gamans gert á umræddri vefsíðu en samkvæmt listanum er Justin Trudeau, forsætisráðherra Kanada, kynþokkafyllsti þjóðarleiðtoginn. Jigme Khesar Namgyel Wangchuck, konungur Bútan, er í öðru sæti og Enrique Peña Nieto, forseti Mexíkó, er í því þriðja.

Fráfarandi forseti Bandaríkjanna, Barack Obama, er svo í fjórða sæti en það verður spennandi að sjá hvort næsti forseti, Donald Trump, komist á listann.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira