Margrét Lára: Við höfum spilað frábærlega Henry Birgir Gunnarsson skrifar 16. september 2016 06:00 Margrét Lára á æfingu íslenska landsliðsins. Vísir/Eyþór „Liðið er mjög vel stemmt og allir með báða fætur á jörðinni. Við erum mjög einbeittar á það sem þarf að gera,“ segir markadrottningin Margrét Lára Viðarsdóttir en hún verður væntanlega á sínum stað í íslenska landsliðinu í kvöld er það mætir Slóveníu í undankeppni EM. Þetta er næstsíðasti leikur íslenska liðsins í undankeppninni en það er á toppi síns riðils með fullt hús eftir sex leiki. Stelpurnar hafa skorað 29 mörk í þessum sex leikjum og ekki fengið eitt einasta mark á sig. Magnaður árangur. Staðan fyrir leik kvöldsins er því einföld. Vinni stelpurnar leikinn, eða geri jafntefli, þá eru þær komnar á EM. Í ljósi þess að íslenska liðið vann fyrri rimmuna 6-0 ytra er gerð sú krafa til liðsins að það klári dæmið í kvöld.Engar áhyggjur af vanmati „Freyr þjálfari leggur línurnar og hópurinn fylgir því sem hann vill að við gerum. Það má ekkert gleyma sér í þessu. Það er ekkert gefið og minni spámennirnir eru alltaf að verða sterkari. Við verðum að hafa varann á. Ég hef engar áhyggjur af því að það verði eitthvert vanmat þó að við höfum unnið þær stórt úti. Við höfum lært að það er ekkert gefið í þessu,“ segir Margrét Lára alvarleg og augljóslega ekkert kæruleysi í gangi. „Við viljum líka halda áfram að bæta okkar leik. Ég held að það verði ekkert stress í okkur. Við vitum hvað þarf til að vinna þessa leiki og við ætlum að fara eftir þeirri uppskrift sem fyrir okkur er lögð. Við verðum að halda grunnþáttunum í lagi. Baráttunni, stemningunni og gæðunum sem eru komin inn í okkar leik.“Mikilvægt að halda hreinu Markadrottningin reynda segir að liðið sé ekki bara að einblína á EM-sætið heldur skipti máli að vinna riðilinn. Þá þarf að klára þennan leik og leikinn gegn Skotum næstkomandi þriðjudag. „Við gerum þá kröfu til okkar að klára þetta dæmi. Við erum búnar að spila frábærlega í þessari keppni. Það er mikilvægt að halda markinu hreinu því við höfum þá trú að við skorum alltaf.“ Margrét Lára varð þrítug fyrr á árinu og það eru liðin heil þrettán ár síðan hún spilaði sinn fyrsta landsleik. Landsleikirnir eru nú orðnir 108 og landsliðsmörkin 77. Hún segir erfitt að bera saman kynslóðirnar sem hún hefur leikið með hjá landsliðinu.Það er pressa á liðinu „Ég ber rosalega mikla virðingu fyrir öðrum leikmönnum og þeim þjálfurum sem ég hef haft hjá landsliðinu. Það hafa allir lagt hönd á plóginn við að byggja upp kvennaknattspyrnuna. Fyrsti árgangurinn sem ég var með var að ryðja brautina. Sá næsti var að viðhalda árangrinum og nú er okkar að fara með liðið enn lengra. Maður finnur fyrir því núna að það er pressa á þessu liði að ná árangri á meðan það var frábært að komast á EM á sínum tíma. Þetta er tíðarandinn sem breytist,“ segir Margrét Lára og hún er ánægð með þróunina. Liðið sé sífellt að færa sig tröppu ofar. „Það er ekkert sjálfgefið. Það tókst með því að þær sem ruddu brautina héldu nógu lengi áfram svo keflið færist hægt og rólega á milli leikmanna. Síðan hefur KSÍ sett mun meiri pening í liðið. Við erum að fá mun fleiri leiki en áður og annað í þeim dúr,“ segir landsliðsfyrirliðinn og bætir við að það sé líka lykilatriði að liðið sé með góða þjálfara. „Við erum með heimsklassaþjálfarateymi. Þeir gætu verið að þjálfa hvaða karlalið á Íslandi sem er en KSÍ gerir greinilega það vel við þá að þeir velji frekar að þjálfa landsliðið. Svo held ég að þeir hafi mjög gaman af því líka. Það skiptir máli að landsliðsþjálfarastaða sé ekki aukastarf. Svona staða á að vera aðalstarf og þar hefur KSÍ gert mjög vel.“ Eins og áður segir er Margrét Lára búin að vera lengi í eldlínunni. Meiðsli hafa plagað hana mikið síðustu ár og því er eðlilegt að spyrja hvort EM næsta sumar verði hennar svanasöngur með landsliðinu, að því gefnu að liðið komist þangað.Í basli í tæpan áratug „Auðvitað læðast að manni hugsanir um það. Sérstaklega þar sem ég hef verið meiðslapési. Ég hef verið í bölvuðu basli í átta eða níu ár. Það er farið að taka sinn toll af mér. Ef ég væri með hinn fullkomna líkama þá væri ég til í að spila fyrir landsliðið þar til ég verð fertug. Ég er aftur á móti á þeim stað að ég tek bara eitt ár í einu og vil ekki vera með neinar yfirlýsingar. EM á næsta ári gæti orðið það stærsta sem ég hef gert á ferlinum og ég er 120 prósent til í það verkefni.“ EM 2017 í Hollandi Mest lesið Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Leik lokið: KA - ÍA 2-3 | Skagamenn sóttu sigur norður Íslenski boltinn Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Í beinni: Dortmund - Real Madrid | Úrslitastund á Wembley Fótbolti McIlroy fékk löggu til að afhenda konu sinni skilnaðarpappírana Golf Karabatic skaut niður markvörðinn í síðasta skoti ferilsins Handbolti Fleiri fréttir Jafntefli í báðum leikjunum í Lengjudeildinni Leik lokið: KA - ÍA 2-3 | Skagamenn sóttu sigur norður Í beinni: Dortmund - Real Madrid | Úrslitastund á Wembley Ronaldinho mætti með stæl á úrslitaleikinn Allt í skrúfunni hjá liði Arnórs Ingva og Gísli lagði upp fyrir Halmstad Pablo fékk útkall frá landsliðsþjálfara El Salvador Kolbeinn fagnaði í Íslendingaslag í Gautaborg Afi skenkti leikmönnum Dortmund bjór KA-menn hafa geta treyst á stigin í Skagaleikjunum síðustu ár Harður stuðingsmaður Real Madrid: „Við elskum þessa keppni“ Fan Zone á hinum mikilvæga leik stelpnanna okkar á þriðjudaginn Ráku Brynjar Björn strax eftir leik Cristiano Ronaldo grét eftir tap í gær Ekkert verður af kaupunum á Everton Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH Freyr þakklátari fyrir ótrúlegustu hluti: „Búið að vera erfitt“ Courtois byrjar úrslitaleikinn „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Fyrstu sigrar Aftureldingar og Þróttar Pressa Þjóðverja bar loks árangur Njarðvíkingar rústuðu Þórsurum Orri skoraði þegar FCK tryggði sér Evrópusæti „Er það ekki alltaf þannig að heitasti leikmaðurinn tekur víti?“ „Mannleg mistök geta alltaf komið fyrir“ Einkunnir Íslands: Glódís dró vagninn í Austurríki Bellamy tekur tímabundið við en Lampard er líklega langtímalausnin Tveir leikmenn utan hóps vegna klúðurs KSÍ Sjá meira
„Liðið er mjög vel stemmt og allir með báða fætur á jörðinni. Við erum mjög einbeittar á það sem þarf að gera,“ segir markadrottningin Margrét Lára Viðarsdóttir en hún verður væntanlega á sínum stað í íslenska landsliðinu í kvöld er það mætir Slóveníu í undankeppni EM. Þetta er næstsíðasti leikur íslenska liðsins í undankeppninni en það er á toppi síns riðils með fullt hús eftir sex leiki. Stelpurnar hafa skorað 29 mörk í þessum sex leikjum og ekki fengið eitt einasta mark á sig. Magnaður árangur. Staðan fyrir leik kvöldsins er því einföld. Vinni stelpurnar leikinn, eða geri jafntefli, þá eru þær komnar á EM. Í ljósi þess að íslenska liðið vann fyrri rimmuna 6-0 ytra er gerð sú krafa til liðsins að það klári dæmið í kvöld.Engar áhyggjur af vanmati „Freyr þjálfari leggur línurnar og hópurinn fylgir því sem hann vill að við gerum. Það má ekkert gleyma sér í þessu. Það er ekkert gefið og minni spámennirnir eru alltaf að verða sterkari. Við verðum að hafa varann á. Ég hef engar áhyggjur af því að það verði eitthvert vanmat þó að við höfum unnið þær stórt úti. Við höfum lært að það er ekkert gefið í þessu,“ segir Margrét Lára alvarleg og augljóslega ekkert kæruleysi í gangi. „Við viljum líka halda áfram að bæta okkar leik. Ég held að það verði ekkert stress í okkur. Við vitum hvað þarf til að vinna þessa leiki og við ætlum að fara eftir þeirri uppskrift sem fyrir okkur er lögð. Við verðum að halda grunnþáttunum í lagi. Baráttunni, stemningunni og gæðunum sem eru komin inn í okkar leik.“Mikilvægt að halda hreinu Markadrottningin reynda segir að liðið sé ekki bara að einblína á EM-sætið heldur skipti máli að vinna riðilinn. Þá þarf að klára þennan leik og leikinn gegn Skotum næstkomandi þriðjudag. „Við gerum þá kröfu til okkar að klára þetta dæmi. Við erum búnar að spila frábærlega í þessari keppni. Það er mikilvægt að halda markinu hreinu því við höfum þá trú að við skorum alltaf.“ Margrét Lára varð þrítug fyrr á árinu og það eru liðin heil þrettán ár síðan hún spilaði sinn fyrsta landsleik. Landsleikirnir eru nú orðnir 108 og landsliðsmörkin 77. Hún segir erfitt að bera saman kynslóðirnar sem hún hefur leikið með hjá landsliðinu.Það er pressa á liðinu „Ég ber rosalega mikla virðingu fyrir öðrum leikmönnum og þeim þjálfurum sem ég hef haft hjá landsliðinu. Það hafa allir lagt hönd á plóginn við að byggja upp kvennaknattspyrnuna. Fyrsti árgangurinn sem ég var með var að ryðja brautina. Sá næsti var að viðhalda árangrinum og nú er okkar að fara með liðið enn lengra. Maður finnur fyrir því núna að það er pressa á þessu liði að ná árangri á meðan það var frábært að komast á EM á sínum tíma. Þetta er tíðarandinn sem breytist,“ segir Margrét Lára og hún er ánægð með þróunina. Liðið sé sífellt að færa sig tröppu ofar. „Það er ekkert sjálfgefið. Það tókst með því að þær sem ruddu brautina héldu nógu lengi áfram svo keflið færist hægt og rólega á milli leikmanna. Síðan hefur KSÍ sett mun meiri pening í liðið. Við erum að fá mun fleiri leiki en áður og annað í þeim dúr,“ segir landsliðsfyrirliðinn og bætir við að það sé líka lykilatriði að liðið sé með góða þjálfara. „Við erum með heimsklassaþjálfarateymi. Þeir gætu verið að þjálfa hvaða karlalið á Íslandi sem er en KSÍ gerir greinilega það vel við þá að þeir velji frekar að þjálfa landsliðið. Svo held ég að þeir hafi mjög gaman af því líka. Það skiptir máli að landsliðsþjálfarastaða sé ekki aukastarf. Svona staða á að vera aðalstarf og þar hefur KSÍ gert mjög vel.“ Eins og áður segir er Margrét Lára búin að vera lengi í eldlínunni. Meiðsli hafa plagað hana mikið síðustu ár og því er eðlilegt að spyrja hvort EM næsta sumar verði hennar svanasöngur með landsliðinu, að því gefnu að liðið komist þangað.Í basli í tæpan áratug „Auðvitað læðast að manni hugsanir um það. Sérstaklega þar sem ég hef verið meiðslapési. Ég hef verið í bölvuðu basli í átta eða níu ár. Það er farið að taka sinn toll af mér. Ef ég væri með hinn fullkomna líkama þá væri ég til í að spila fyrir landsliðið þar til ég verð fertug. Ég er aftur á móti á þeim stað að ég tek bara eitt ár í einu og vil ekki vera með neinar yfirlýsingar. EM á næsta ári gæti orðið það stærsta sem ég hef gert á ferlinum og ég er 120 prósent til í það verkefni.“
EM 2017 í Hollandi Mest lesið Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Leik lokið: KA - ÍA 2-3 | Skagamenn sóttu sigur norður Íslenski boltinn Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Í beinni: Dortmund - Real Madrid | Úrslitastund á Wembley Fótbolti McIlroy fékk löggu til að afhenda konu sinni skilnaðarpappírana Golf Karabatic skaut niður markvörðinn í síðasta skoti ferilsins Handbolti Fleiri fréttir Jafntefli í báðum leikjunum í Lengjudeildinni Leik lokið: KA - ÍA 2-3 | Skagamenn sóttu sigur norður Í beinni: Dortmund - Real Madrid | Úrslitastund á Wembley Ronaldinho mætti með stæl á úrslitaleikinn Allt í skrúfunni hjá liði Arnórs Ingva og Gísli lagði upp fyrir Halmstad Pablo fékk útkall frá landsliðsþjálfara El Salvador Kolbeinn fagnaði í Íslendingaslag í Gautaborg Afi skenkti leikmönnum Dortmund bjór KA-menn hafa geta treyst á stigin í Skagaleikjunum síðustu ár Harður stuðingsmaður Real Madrid: „Við elskum þessa keppni“ Fan Zone á hinum mikilvæga leik stelpnanna okkar á þriðjudaginn Ráku Brynjar Björn strax eftir leik Cristiano Ronaldo grét eftir tap í gær Ekkert verður af kaupunum á Everton Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH Freyr þakklátari fyrir ótrúlegustu hluti: „Búið að vera erfitt“ Courtois byrjar úrslitaleikinn „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Fyrstu sigrar Aftureldingar og Þróttar Pressa Þjóðverja bar loks árangur Njarðvíkingar rústuðu Þórsurum Orri skoraði þegar FCK tryggði sér Evrópusæti „Er það ekki alltaf þannig að heitasti leikmaðurinn tekur víti?“ „Mannleg mistök geta alltaf komið fyrir“ Einkunnir Íslands: Glódís dró vagninn í Austurríki Bellamy tekur tímabundið við en Lampard er líklega langtímalausnin Tveir leikmenn utan hóps vegna klúðurs KSÍ Sjá meira