Svala og Einar eru nú Blissful Guðrún Ansnes skrifar 18. ágúst 2016 10:45 „Við Einar erum búin að vera að vinna að Blissful síðastliðið ár hér í LA. Við erum búin að gefa okkur góðan tíma til að semja tónlistina og núna eftir að hafa eytt mánuðum saman í hljóðverum við að taka upp erum við loksins að gefa út okkar fyrsta lag, „Elevate“, ásamt myndbandi á morgun. Við erum mjög spennt að sleppa þessu loksins út í heim,“ segir Svala Björgvinsdóttir söngkona, sem fyrir margt löngu stimplaði sig inn sem ein af okkar ástsælustu söngkonum, enda verið viðloðandi sviðsljósið frá barnæsku. Hún hefur stofnað bandið Blissful í slagtogi við Einar Egilsson, eiginmann sinn. Undanfarin ár hafa þau Svala og Einar gert það gott með Steed Lord sem nú hefur lagt upp laupana, að sinni að minnsta kosti. „Steed Lord er allavega komið í mjög langa pásu. Við tímum ekki alveg að segja skilið við Steed Lord formlega því það hefur verið svo stór partur af okkur síðastliðin tíu ár og við vitum ekki alveg með framhaldið. En við erum algjörlega að einbeita okkur að Blissful núna. Hver veit, kannski munum við koma aftur öll saman og gera nýtt efni en allavega ekki í náinni framtíð. Öll okkar sköpunargleði og orka fer í Blissful,“ útskýrir hún einlæg. Aðspurð um hvort Blissful dragi dám af Steed Lord, í ljósi þeirrar staðreyndar að nýja bandið er samsett úr tveimur þriðju þess síðarnefnda, svarar hún: „Við ýttum alveg á restart-takkann. Við fórum að semja saman lög sem urðu síðan bara allt öðruvísi en Steed Lord án þess að við værum að pæla eitthvað mikið í því. Okkur Einar var búið að langa hvort eð er til að byrja nýtt verkefni í nokkur ár og fannst þetta vera fullkomið tækifæri. Blissful er mun persónulegra verkefni fyrir mig og við erum búin að vinna svo lengi að þessu að þetta er orðinn hálfgerður partur af okkur. Við erum nánast feimin við að gefa þetta út,“ segir Svala og bætir við: „Fólk verður bara að hlusta og meta það fyrir sjálft sig því okkur finnst alltaf frekar erfitt að útskýra tónlist. Þetta er fyrst og fremst einlægt samstarf okkar Einars og við vonum að fólk diggi þetta.“En nafnið? Hvaðan kemur Blissful? „Það á rætur að rekja í tilfinningu sem við höfum bæði upplifað, saman og sitt í hvoru lagi. Hrein hamingja eða alsæla er tilfinningin sem allir eiga að geta upplifað án þess að taka inn einhver efni. Þetta býr allt innra með okkur, við fæðumst svona. Þetta er bara spurning um að kalla fram þessa tilfinningu,“ útskýrir hún og segir að tónlist sé gráupplögð leið til að laða það ástand fram. Og nú er komið að því að frumraunin skjótist út í kosmósið. „Við erum að vinna með góðu fólki hérna úti í Los Angeles sem hjálpar okkur að koma tónlistinni á framfæri. Við hlökkum svo til að spila efnið live þegar fleiri lög koma út, en við erum búin að vinna mikla undirbúningsvinnu og erum virkilega tilbúin í að takast á við þennan nýja kafla. En næst á dagskrá er að ég fer til Íslands í næstu viku til að taka upp The Voice, þáttaröð númer tvö, og þá munum við kynna Blissful og nýja lagið okkar fyrir Íslendingum,“ segir hún spennt að lokum. Hægt er að fylgjast með Blissful á Facebook og á Instagram. Tónlist Mest lesið Æðisleg tilfinning að þurfa ekki að geðjast fólki Tónlist „Tíu ár en enginn hringur“ Makamál Hjólhýsabyggðin á Laugarvatni og Húsið á Eyrarbakka Lífið Blendnar tilfinningar á frumsýningu Oppenheimer í Japan Bíó og sjónvarp „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Víkingur Heiðar á smáskrifborðstónleikum Tónlist Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Fleiri fréttir Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Súrrealískt að djamma með Zöru Larsson Sigur Rós endar túrinn með Elju í Hörpu Vampíra vann Músíktilraunir Númer 3 en stefna á toppinn Patr!k og Laufey meðal handhafa Íslensku tónlistarverðlaunanna Jói Pé og Króli snúa aftur Fer á tónleika um allan heim og hangir með stórstjörnu All By Myself-söngvarinn Eric Carmen látinn Elíta íslenska rappsins tryllti lýðinn í Iðnó „Ég var í mörg ár að fá sjálfa mig til baka“ Frumsýning: Rándýr í aðalhlutverki í nýju tónlistarmyndbandi Langar að breyta senunni og koma inn með jákvæðnina Þessi eru tilnefnd til Íslensku tónlistarverðlaunanna 2024 Tilnefningar til Íslensku tónlistarverðlaunanna Sjá meira
„Við Einar erum búin að vera að vinna að Blissful síðastliðið ár hér í LA. Við erum búin að gefa okkur góðan tíma til að semja tónlistina og núna eftir að hafa eytt mánuðum saman í hljóðverum við að taka upp erum við loksins að gefa út okkar fyrsta lag, „Elevate“, ásamt myndbandi á morgun. Við erum mjög spennt að sleppa þessu loksins út í heim,“ segir Svala Björgvinsdóttir söngkona, sem fyrir margt löngu stimplaði sig inn sem ein af okkar ástsælustu söngkonum, enda verið viðloðandi sviðsljósið frá barnæsku. Hún hefur stofnað bandið Blissful í slagtogi við Einar Egilsson, eiginmann sinn. Undanfarin ár hafa þau Svala og Einar gert það gott með Steed Lord sem nú hefur lagt upp laupana, að sinni að minnsta kosti. „Steed Lord er allavega komið í mjög langa pásu. Við tímum ekki alveg að segja skilið við Steed Lord formlega því það hefur verið svo stór partur af okkur síðastliðin tíu ár og við vitum ekki alveg með framhaldið. En við erum algjörlega að einbeita okkur að Blissful núna. Hver veit, kannski munum við koma aftur öll saman og gera nýtt efni en allavega ekki í náinni framtíð. Öll okkar sköpunargleði og orka fer í Blissful,“ útskýrir hún einlæg. Aðspurð um hvort Blissful dragi dám af Steed Lord, í ljósi þeirrar staðreyndar að nýja bandið er samsett úr tveimur þriðju þess síðarnefnda, svarar hún: „Við ýttum alveg á restart-takkann. Við fórum að semja saman lög sem urðu síðan bara allt öðruvísi en Steed Lord án þess að við værum að pæla eitthvað mikið í því. Okkur Einar var búið að langa hvort eð er til að byrja nýtt verkefni í nokkur ár og fannst þetta vera fullkomið tækifæri. Blissful er mun persónulegra verkefni fyrir mig og við erum búin að vinna svo lengi að þessu að þetta er orðinn hálfgerður partur af okkur. Við erum nánast feimin við að gefa þetta út,“ segir Svala og bætir við: „Fólk verður bara að hlusta og meta það fyrir sjálft sig því okkur finnst alltaf frekar erfitt að útskýra tónlist. Þetta er fyrst og fremst einlægt samstarf okkar Einars og við vonum að fólk diggi þetta.“En nafnið? Hvaðan kemur Blissful? „Það á rætur að rekja í tilfinningu sem við höfum bæði upplifað, saman og sitt í hvoru lagi. Hrein hamingja eða alsæla er tilfinningin sem allir eiga að geta upplifað án þess að taka inn einhver efni. Þetta býr allt innra með okkur, við fæðumst svona. Þetta er bara spurning um að kalla fram þessa tilfinningu,“ útskýrir hún og segir að tónlist sé gráupplögð leið til að laða það ástand fram. Og nú er komið að því að frumraunin skjótist út í kosmósið. „Við erum að vinna með góðu fólki hérna úti í Los Angeles sem hjálpar okkur að koma tónlistinni á framfæri. Við hlökkum svo til að spila efnið live þegar fleiri lög koma út, en við erum búin að vinna mikla undirbúningsvinnu og erum virkilega tilbúin í að takast á við þennan nýja kafla. En næst á dagskrá er að ég fer til Íslands í næstu viku til að taka upp The Voice, þáttaröð númer tvö, og þá munum við kynna Blissful og nýja lagið okkar fyrir Íslendingum,“ segir hún spennt að lokum. Hægt er að fylgjast með Blissful á Facebook og á Instagram.
Tónlist Mest lesið Æðisleg tilfinning að þurfa ekki að geðjast fólki Tónlist „Tíu ár en enginn hringur“ Makamál Hjólhýsabyggðin á Laugarvatni og Húsið á Eyrarbakka Lífið Blendnar tilfinningar á frumsýningu Oppenheimer í Japan Bíó og sjónvarp „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Víkingur Heiðar á smáskrifborðstónleikum Tónlist Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Fleiri fréttir Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Súrrealískt að djamma með Zöru Larsson Sigur Rós endar túrinn með Elju í Hörpu Vampíra vann Músíktilraunir Númer 3 en stefna á toppinn Patr!k og Laufey meðal handhafa Íslensku tónlistarverðlaunanna Jói Pé og Króli snúa aftur Fer á tónleika um allan heim og hangir með stórstjörnu All By Myself-söngvarinn Eric Carmen látinn Elíta íslenska rappsins tryllti lýðinn í Iðnó „Ég var í mörg ár að fá sjálfa mig til baka“ Frumsýning: Rándýr í aðalhlutverki í nýju tónlistarmyndbandi Langar að breyta senunni og koma inn með jákvæðnina Þessi eru tilnefnd til Íslensku tónlistarverðlaunanna 2024 Tilnefningar til Íslensku tónlistarverðlaunanna Sjá meira